2 ਅਬਸ਼ਾਲੋਮ ਸਵੇਰੇ-ਸਵੇਰੇ ਉੱਠ ਕੇ ਸ਼ਹਿਰ ਦੇ ਦਰਵਾਜ਼ੇ ਵੱਲ ਜਾਂਦੇ ਰਾਹ ਦੇ ਇਕ ਪਾਸੇ ਖੜ੍ਹ ਜਾਂਦਾ ਸੀ।+ ਜਦੋਂ ਵੀ ਕੋਈ ਆਦਮੀ ਰਾਜੇ ਕੋਲ ਨਿਆਂ ਲਈ ਕੋਈ ਮੁਕੱਦਮਾ ਲੈ ਕੇ ਆ ਰਿਹਾ ਹੁੰਦਾ ਸੀ,+ ਤਾਂ ਅਬਸ਼ਾਲੋਮ ਉਸ ਨੂੰ ਬੁਲਾ ਕੇ ਪੁੱਛਦਾ ਸੀ: “ਤੂੰ ਕਿਹੜੇ ਸ਼ਹਿਰ ਤੋਂ ਹੈਂ?” ਅਤੇ ਉਹ ਜਵਾਬ ਦਿੰਦਾ ਸੀ: “ਤੇਰਾ ਸੇਵਕ ਇਜ਼ਰਾਈਲ ਦੇ ਫਲਾਨੇ ਗੋਤ ਵਿੱਚੋਂ ਹੈ।” 3 ਫਿਰ ਅਬਸ਼ਾਲੋਮ ਉਸ ਨੂੰ ਕਹਿੰਦਾ ਸੀ: “ਦੇਖ, ਤੇਰੇ ਦਾਅਵੇ ਸਹੀ ਤੇ ਜਾਇਜ਼ ਹਨ, ਪਰ ਰਾਜੇ ਵੱਲੋਂ ਅਜਿਹਾ ਕੋਈ ਨਹੀਂ ਜੋ ਤੇਰਾ ਮੁਕੱਦਮਾ ਸੁਣੇ।” 4 ਅੱਗੇ ਅਬਸ਼ਾਲੋਮ ਕਹਿੰਦਾ ਸੀ: “ਕਾਸ਼ ਮੈਨੂੰ ਦੇਸ਼ ਦਾ ਨਿਆਂਕਾਰ ਠਹਿਰਾਇਆ ਜਾਂਦਾ! ਫਿਰ ਕੋਈ ਵੀ ਆਦਮੀ ਆਪਣਾ ਮੁਕੱਦਮਾ ਜਾਂ ਝਗੜਾ ਲੈ ਕੇ ਮੇਰੇ ਕੋਲ ਆ ਸਕਦਾ ਸੀ ਅਤੇ ਮੈਂ ਉਸ ਨੂੰ ਨਿਆਂ ਜ਼ਰੂਰ ਦਿਵਾਉਂਦਾ।”