22 “ਪਰ ਹੇ ਬੇਲਸ਼ੱਸਰ, ਤੂੰ, ਜੋ ਉਸ ਦਾ ਪੁੱਤਰ* ਹੈਂ, ਇਹ ਸਭ ਕੁਝ ਜਾਣਦੇ ਹੋਏ ਵੀ ਆਪਣੇ ਦਿਲ ਨੂੰ ਨਿਮਰ ਨਹੀਂ ਕੀਤਾ। 23 ਇਸ ਦੀ ਬਜਾਇ, ਤੂੰ ਖ਼ੁਦ ਨੂੰ ਸਵਰਗ ਦੇ ਮਾਲਕ ਦੇ ਖ਼ਿਲਾਫ਼ ਉੱਚਾ ਕੀਤਾ+ ਅਤੇ ਤੂੰ ਉਸ ਦੇ ਭਵਨ ਦੇ ਭਾਂਡੇ ਮੰਗਵਾਏ।+ ਫਿਰ ਤੂੰ, ਤੇਰੇ ਉੱਚ ਅਧਿਕਾਰੀਆਂ, ਤੇਰੀਆਂ ਰਖੇਲਾਂ ਅਤੇ ਦੂਸਰੀਆਂ ਪਤਨੀਆਂ ਨੇ ਉਨ੍ਹਾਂ ਵਿਚ ਦਾਖਰਸ ਪੀਤਾ ਅਤੇ ਆਪਣੇ ਚਾਂਦੀ, ਸੋਨੇ, ਤਾਂਬੇ, ਲੱਕੜ ਅਤੇ ਪੱਥਰ ਦੇ ਬਣੇ ਦੇਵੀ-ਦੇਵਤਿਆਂ ਦੀ ਵਡਿਆਈ ਕੀਤੀ ਜੋ ਨਾ ਦੇਖ ਸਕਦੇ, ਨਾ ਸੁਣ ਸਕਦੇ ਅਤੇ ਨਾ ਹੀ ਕੁਝ ਜਾਣਦੇ ਹਨ।+ ਪਰ ਤੂੰ ਪਰਮੇਸ਼ੁਰ ਦੀ ਮਹਿਮਾ ਨਹੀਂ ਕੀਤੀ ਜਿਸ ਦੇ ਹੱਥਾਂ ਵਿਚ ਤੇਰੀ ਜ਼ਿੰਦਗੀ+ ਅਤੇ ਤੇਰੇ ਕੰਮ ਹਨ।