2. ਬਾਈਬਲ—ਪਰਮੇਸ਼ੁਰ ਵੱਲੋਂ ਇਕ ਕਿਤਾਬ

1 ਬਾਈਬਲ ਪਰਮੇਸ਼ੁਰ ਵੱਲੋਂ ਹੈ

“ਪੂਰਾ ਧਰਮ-ਗ੍ਰੰਥ ਪਰਮੇਸ਼ੁਰ ਦੀ ਸ਼ਕਤੀ ਦੀ ਪ੍ਰੇਰਣਾ ਨਾਲ ਲਿਖਿਆ ਗਿਆ ਹੈ।”—2 ਤਿਮੋਥਿਉਸ 3:16

ਬਾਈਬਲ ਦੁਨੀਆਂ ਦੀਆਂ ਸਾਰੀਆਂ ਕਿਤਾਬਾਂ ਨਾਲੋਂ ਵੱਖਰੀ ਕਿਵੇਂ ਹੈ?

ਬਾਈਬਲ ਦਾ ਅਨੁਵਾਦ ਲਗਭਗ 2,600 ਭਾਸ਼ਾਵਾਂ ਵਿਚ ਕੀਤਾ ਜਾ ਚੁੱਕਾ ਹੈ ਅਤੇ ਇਸ ਦੀਆਂ ਕਰੋੜਾਂ ਹੀ ਕਾਪੀਆਂ ਛਾਪੀਆਂ ਜਾ ਚੁੱਕੀਆਂ ਹਨ।

ਇਸ ਵਿਚ ਅਜਿਹੀ ਜਾਣਕਾਰੀ ਦਿੱਤੀ ਗਈ ਹੈ ਜੋ ਦੁਨੀਆਂ ਦੀ ਕਿਸੇ ਵੀ ਕਿਤਾਬ ਵਿਚ ਨਹੀਂ ਮਿਲ ਸਕਦੀ।

1 ਥੱਸਲੁਨੀਕੀਆਂ 2:13

ਬਾਈਬਲ ਨੂੰ ਪਰਮੇਸ਼ੁਰ ਨੇ ਲਿਖਵਾਇਆ ਹੈ।
2 ਪਤਰਸ 1:21

ਪਰਮੇਸ਼ੁਰ ਨੇ ਇਨਸਾਨਾਂ ਨੂੰ ਸੇਧ ਦਿੱਤੀ ਤਾਂਕਿ ਉਹ ਉਸ ਦੇ ਵਿਚਾਰ ਲਿਖ ਸਕਣ।

“ਪਰਮੇਸ਼ੁਰ . . . ਕਦੀ ਝੂਠ ਨਹੀਂ ਬੋਲ ਸਕਦਾ।”—ਤੀਤੁਸ 1:2

ਤੁਸੀਂ ਬਾਈਬਲ ਦੀਆਂ ਗੱਲਾਂ ʼਤੇ ਭਰੋਸਾ ਕਿਉਂ ਕਰ ਸਕਦੇ ਹੋ?

ਯਸਾਯਾਹ 44:27–45:2

ਬਾਈਬਲ ਵਿਚ ਪਹਿਲਾਂ ਹੀ ਭਵਿੱਖਬਾਣੀ ਕੀਤੀ ਗਈ ਸੀ ਕਿ ਬਾਬਲ ਸ਼ਹਿਰ ਨੂੰ ਕਿਵੇਂ ਹਰਾਇਆ ਜਾਵੇਗਾ। ਬਹੁਤ ਸਾਲਾਂ ਬਾਅਦ ਇਸ ਭਵਿੱਖਬਾਣੀ ਦੀ ਇਕ-ਇਕ ਗੱਲ ਪੂਰੀ ਹੋਈ।
2 ਤਿਮੋਥਿਉਸ 3:1-5

ਬਾਈਬਲ ਦੀਆਂ ਕਈ ਭਵਿੱਖਬਾਣੀਆਂ ਅੱਜ ਪੂਰੀਆਂ ਹੋ ਰਹੀਆਂ ਹਨ।
ਗਿਣਤੀ 23:19

ਬਾਈਬਲ ਭਵਿੱਖ ਬਾਰੇ ਜੋ ਦੱਸਦੀ ਹੈ, ਅਸੀਂ ਉਸ ʼਤੇ ਪੂਰਾ ਭਰੋਸਾ ਰੱਖ ਸਕਦੇ ਹਾਂ।

“ਮੈਂ ਯਹੋਵਾਹ ਤੇਰਾ ਪਰਮੇਸ਼ੁਰ ਹਾਂ, ਜੋ ਤੈਨੂੰ ਲਾਭ ਉਠਾਉਣ ਦੀ ਸਿੱਖਿਆ ਦਿੰਦਾ ਹਾਂ।”—ਯਸਾਯਾਹ 48:17

ਤੁਸੀਂ ਬਾਈਬਲ ਬਾਰੇ ਕੀ ਸਿੱਖਿਆ ਹੈ?

ਅੱਯੂਬ 26:7; ਯਸਾਯਾਹ 40:22

ਬਾਈਬਲ ਵਿਚ ਵਿਗਿਆਨ ਬਾਰੇ ਜੋ ਗੱਲਾਂ ਲਿਖੀਆਂ ਗਈਆਂ ਹਨ, ਉਹ ਇਕਦਮ ਸਹੀ ਹਨ।
ਗਿਣਤੀ 20:2-12

ਬਾਈਬਲ ਲਿਖਾਰੀਆਂ ਨੇ ਸਾਰਾ ਕੁਝ ਸੱਚ-ਸੱਚ ਲਿਖਿਆ।
ਮੱਤੀ 5-7

ਯਿਸੂ ਨੇ ਸਾਨੂੰ ਖ਼ੁਸ਼ ਰਹਿਣ, ਦੂਸਰਿਆਂ ਨਾਲ ਚੰਗਾ ਰਿਸ਼ਤਾ ਬਣਾਉਣ, ਪ੍ਰਾਰਥਨਾ ਕਰਨ ਅਤੇ ਪੈਸਿਆਂ ਪ੍ਰਤੀ ਸਹੀ ਨਜ਼ਰੀਆ ਰੱਖਣ ਬਾਰੇ ਸਲਾਹ ਦਿੱਤੀ।

“ਪਰਮੇਸ਼ੁਰ ਦਾ ਬਚਨ ਜੀਉਂਦਾ ਅਤੇ ਸ਼ਕਤੀਸ਼ਾਲੀ ਹੈ।”—ਇਬਰਾਨੀਆਂ 4:12

ਪਰਮੇਸ਼ੁਰ ਦਾ ਬਚਨ ਤੁਹਾਡੀ ਮਦਦ ਕਿਵੇਂ ਕਰ ਸਕਦਾ ਹੈ?

ਪਰਮੇਸ਼ੁਰ ਚਾਹੁੰਦਾ ਹੈ ਕਿ ਤੁਸੀਂ ਬਾਈਬਲ ਪੜ੍ਹੋ, ਇਸ ਦਾ ਅਧਿਐਨ ਕਰੋ ਅਤੇ ਇਹ ਤੁਹਾਡੀ ਮਨਪਸੰਦ ਕਿਤਾਬ ਬਣ ਜਾਵੇ।