ਗੀਤ 42
ਪਰਮੇਸ਼ੁਰ ਦੇ ਦਾਸ ਦੀ ਦੁਆ
1. ਹੇ ਯਹੋਵਾਹ, ਪਿਤਾ ਅੱਤ ਮਹਾਨ
ਤੂੰ ਹੀ ਮਾਲਕ, ਜਾਣੇ ਸਾਰਾ ਜਹਾਨ
ਜੋ ਤੂੰ ਚਾਹੇਂ, ਪੂਰੀ ਹੋ ਰਜ਼ਾ
ਰਾਜ ਤੇਰਾ ਆਵੇ, ਦਿਲੀ ਅਰਦਾਸ
ਕਰ ਐਲਾਨ, ਦੇ ਤੂੰ ਫ਼ਰਮਾਨ
ਦੇ ਅਸੀਸਾਂ ਦੀ ਬਹਾਰ
2. ਹੇ ਯਹੋਵਾਹ, ਵਰਦਾਨ ਹੈ ਜੀਵਨ
ਹੱਥ ਖੋਲ੍ਹ ਦੇਵੇਂ, ਰਜਾਇਆ ਤੂੰ ਤਨ-ਮਨ
ਤੇਰੀ ਸਮਝ ਦਾ ਦਾਇਰਾ ਵਿਸ਼ਾਲ
ਕਰੇਂ ਤੂੰ ਜੀਵਨ ਸਾਡਾ ਬਹਾਲ
ਮੰਨਦੇ ਹਾਂ ਦਿਲੋਂ ਅਹਿਸਾਨ
ਕਰਾਂਗੇ ਤੇਰਾ ਗੁਣਗਾਨ
3. ਹੇ ਯਹੋਵਾਹ, ਆਸਮਾਨੀ ਪਿਤਾ
ਸਾਡੀ ਉਮੀਦ, ਦਿੰਦਾ ਤੂੰ ਹੌਸਲਾ
ਦਿਲ ਦਾ ਉਠਾਵੇਂ ਬੋਝ ਤੂੰ ਖ਼ੁਦਾ
ਦੇਵੇਂ ਤੂੰ ਰਾਹਤ, ਮਨ ਹੋਵੇ ਹੌਲਾ
ਦੇ ਹਿੰਮਤ, ਦਿਲ ਦੀ ਪੁਕਾਰ
ਤੇਰੇ ਰਹਿਣਾ ਵਫ਼ਾਦਾਰ
(ਜ਼ਬੂ. 36:9; 50:14; ਯੂਹੰ. 16:33; ਯਾਕੂ. 1:5 ਵੀ ਦੇਖੋ।)