ਗੀਤ 82
‘ਤੁਹਾਡਾ ਚਾਨਣ ਚਮਕੇ’
1. ਯਿਸੂ ਦਾ ਫ਼ਰਮਾਨ ਹੈ
ਸਾਡਾ ਨੂਰ ਚਮਕੇ
ਸੂਰਜ ਦੀ ਲਾਲੀ ਵਾਂਗ
ਧੁੱਪ ਆਸ ਦੀ ਖਿੜੇ
ਜੋਤੀ ਰੱਬ ਦੀ ਬਾਣੀ
ਰੌਸ਼ਨੀ ਕਰੇ
ਦਿਲ ਦਾ ਹਰ ਚਿਰਾਗ ਜਗੇ
ਚਾਨਣਾ ਹੋਵੇ
2. ਸੁੱਖਾਂ ਦਾ ਸੁਨੇਹਾ
ਸਭ ਪਾਸੇ ਦੇਵੋ
ਦਿਲਾਂ ਦੇ ਬੂਹੇ ʼਤੇ
ਦਸਤਕ ਹੁਣ ਦਿਓ
ਦੀਪਕ ਰੱਬ ਦੀ ਬਾਣੀ
ਰਾਹ ਪਾਵੇ ਸਿੱਧੇ
ਜੀਵਨ ਦਾ ਦਰਵਾਜ਼ਾ ਹਾਂ
ਹੈ ਖੁੱਲ੍ਹਾ ਅਜੇ
3. ਸੁੱਚੇ ਮੋਤੀ ਪਿਆਰ ਦੇ
ਮਨ ਨੂੰ ਮੋਹ ਲੈਂਦੇ
ਫੁੱਲਾਂ ਜਿਹੇ ਬੋਲ ਹੀ
ਖ਼ੁਸ਼ਬੂ ਫੈਲਾਉਂਦੇ
ਨੇਕ ਕੰਮਾਂ ਦਾ ਦੀਵਾ
ਥਾਂ-ਥਾਂ ʼਤੇ ਰੱਖੋ
ਨੂਰੋ-ਨੂਰ ਹੋਵੇ ਜਹਾਨ
ਹਰ ਦਿਸ਼ਾ ਵੱਲੋਂ
(ਜ਼ਬੂ. 119:130; ਮੱਤੀ 5:14, 15, 45; ਕੁਲੁ. 4:6 ਵੀ ਦੇਖੋ।)