ਗੀਤ 138
ਧੌਲ਼ਾ ਸਿਰ ਹੈ ਤਾਜ
1. ਦੇਖ, ਉਮਰ-ਦਰਾਜ਼ ਖੜ੍ਹੇ
ਧੀਰਜ ਹੈ ਕਮਾਲ
ਨਾ ਬਹਾਰ ਜਵਾਨੀ ਦੀ
ਪਰ ਛੱਡੀ ਨਾ ਆਸ
ਜੀਵਨ ਸਾਥੀ ਨਾ ਰਿਹਾ
ਗਮ ਸਹੇ ਕਈ
ਯਾਦ ਰੱਖੀਂ ਤੂੰ, ਹੇ ਪਿਤਾ
ਸਾਥ ਸਦਾ ਦੇਵੀਂ
(ਕੋਰਸ)
ਯਾਦ ਰੱਖੀਂ ਯਹੋਵਾਹ
ਹੀਰੇ ਤੇਰੇ ਦਾਸ
ਪਿਆਰ, ਵਫ਼ਾ ਵੱਲ ਦੇਖੀਂ
ਤੂੰ ਕਹੀਂ: “ਸ਼ਾਬਾਸ਼!”
2. ਜੋਸ਼-ਖ਼ਰੋਸ਼ ਨਾਲ ਤੈਅ ਕੀਤਾ
ਲੰਬਾ ਪੈਂਡਾ ਸੀ
ਬੇਮਿਸਾਲ ਰੱਖੀ ਵਫ਼ਾ
ਲਾ ਕੇ ਪੂਰੀ ਵਾਹ
ਕੰਬਦੇ ਹੱਥ, ਕਮਜ਼ੋਰ ਨਜ਼ਰ
ਧੌਲ਼ਾ ਸਿਰ ਹੈ ਤਾਜ
ਦਿਲ ਖਿੜੇ ਯਹੋਵਾਹ ਦਾ
ਹਾਂ, ਰੱਖੇ ਉਹ ਯਾਦ
(ਕੋਰਸ)
ਯਾਦ ਰੱਖੀਂ ਯਹੋਵਾਹ
ਹੀਰੇ ਤੇਰੇ ਦਾਸ
ਪਿਆਰ, ਵਫ਼ਾ ਵੱਲ ਦੇਖੀਂ
ਤੂੰ ਕਹੀਂ: “ਸ਼ਾਬਾਸ਼!”
(ਜ਼ਬੂ. 71:9, 18; ਕਹਾ. 20:29; ਮੱਤੀ 25:21, 23; ਲੂਕਾ 22:28; 1 ਤਿਮੋ. 5:1 ਵੀ ਦੇਖੋ।)