ਫੁਟਨੋਟ

e ਜ਼ਰਕਸੀਜ਼ ਪਹਿਲਾ ਝੱਟ ਗੁੱਸੇ ਵਿਚ ਪਾਗਲ ਹੋ ਜਾਂਦਾ ਸੀ ਤੇ ਹਿੰਸਕ ਬਣ ਜਾਂਦਾ ਸੀ। ਯੂਨਾਨੀ ਇਤਿਹਾਸਕਾਰ ਹੈਰੋਡੋਟਸ ਨੇ ਜ਼ਰਕਸੀਜ਼ ਦੇ ਯੂਨਾਨ ਵਿਰੁੱਧ ਕੀਤੇ ਯੁੱਧਾਂ ਦੀਆਂ ਕੁਝ ਮਿਸਾਲਾਂ ਦਿੱਤੀਆਂ। ਰਾਜੇ ਨੇ ਹੁਕਮ ਦਿੱਤਾ ਕਿ ਜਹਾਜ਼ਾਂ ਨੂੰ ਜੋੜ ਕੇ ਹੇਲੇਸਪੋਂਟ ਨਾਂ ਦੀ ਇਕ ਸਮੁੰਦਰੀ ਖਾੜੀ ʼਤੇ ਇਕ ਪੁਲ ਬਣਾਇਆ ਜਾਵੇ। ਜਦੋਂ ਤੂਫ਼ਾਨ ਕਰਕੇ ਪੁਲ ਟੁੱਟ ਗਿਆ, ਤਾਂ ਜ਼ਰਕਸੀਜ਼ ਨੇ ਹੁਕਮ ਦਿੱਤਾ ਕਿ ਇੰਜੀਨੀਅਰਾਂ ਦੇ ਸਿਰ ਵੱਢ ਦਿੱਤੇ ਜਾਣ। ਉਸ ਨੇ ਇਹ ਵੀ ਹੁਕਮ ਦਿੱਤਾ ਕਿ ਹੇਲੇਸਪੋਂਟ ਦੇ ਖ਼ਿਲਾਫ਼ ਅਪਮਾਨਜਨਕ ਸੰਦੇਸ਼ ਪੜ੍ਹਿਆ ਜਾਵੇ ਅਤੇ ਪਾਣੀ ਨੂੰ ਕੋਰੜੇ ਮਾਰ ਕੇ ਸਜ਼ਾ ਦਿੱਤੀ ਜਾਵੇ। ਇਸੇ ਯੁੱਧ ਵਿਚ ਜਦੋਂ ਇਕ ਅਮੀਰ ਆਦਮੀ ਨੇ ਬੇਨਤੀ ਕੀਤੀ ਕਿ ਉਸ ਦੇ ਮੁੰਡੇ ਨੂੰ ਫ਼ੌਜ ਵਿਚ ਭਰਤੀ ਨਾ ਕੀਤਾ ਜਾਵੇ, ਤਾਂ ਜ਼ਰਕਸੀਜ਼ ਨੇ ਮੁੰਡੇ ਦੇ ਦੋ ਟੋਟੇ ਕਰ ਕੇ ਦੂਜਿਆਂ ਨੂੰ ਚੇਤਾਵਨੀ ਦੇਣ ਲਈ ਟੰਗ ਦਿੱਤੇ।