ਫੁਟਨੋਟ

a ਇਸ ਤਰ੍ਹਾਂ ਯਹੋਵਾਹ ਦੱਸ ਰਿਹਾ ਸੀ ਕਿ ਜਿਸ ਤਰ੍ਹਾਂ ਪਹਿਲਾਂ ਲੋਕਾਂ ਨੇ ਉਸ ਦੇ ਪਵਿੱਤਰ ਸਥਾਨ ਨੂੰ ਭ੍ਰਿਸ਼ਟ ਕੀਤਾ ਸੀ, ਉਸ ਤਰ੍ਹਾਂ ਫਿਰ ਨਹੀਂ ਹੋਵੇਗਾ। ਯਹੋਵਾਹ ਦੱਸਦਾ ਹੈ ਕਿ ਪਹਿਲਾਂ ਕੀ ਹੁੰਦਾ ਸੀ, “ਉਨ੍ਹਾਂ ਨੇ ਮੇਰੀ ਦਹਿਲੀਜ਼ ਦੇ ਨਾਲ ਆਪਣੀਆਂ [ਯਾਨੀ ਝੂਠੇ ਦੇਵਤਿਆਂ ਦੀਆਂ] ਦਹਿਲੀਜ਼ਾਂ ਅਤੇ ਮੇਰੀ ਚੁਗਾਠ ਦੇ ਨਾਲ ਆਪਣੀਆਂ ਚੁਗਾਠਾਂ ਖੜ੍ਹੀਆਂ ਕੀਤੀਆਂ। ਮੇਰੇ ਅਤੇ ਉਨ੍ਹਾਂ ਦੇ ਵਿਚਕਾਰ ਸਿਰਫ਼ ਇਕ ਕੰਧ ਸੀ। ਉਨ੍ਹਾਂ ਨੇ ਘਿਣਾਉਣੇ ਕੰਮ ਕਰ ਕੇ ਮੇਰੇ ਪਵਿੱਤਰ ਨਾਂ ਨੂੰ ਪਲੀਤ ਕੀਤਾ।” (ਹਿਜ਼. 43:8) ਪੁਰਾਣੇ ਸਮੇਂ ਦੇ ਯਰੂਸ਼ਲਮ ਦੇ ਮੰਦਰ ਅਤੇ ਲੋਕਾਂ ਦੇ ਘਰਾਂ ਵਿਚ ਇਕ ਕੰਧ ਹੁੰਦੀ ਸੀ। ਜਦੋਂ ਲੋਕ ਯਹੋਵਾਹ ਦੇ ਮਿਆਰਾਂ ਤੋਂ ਉਲਟ ਕੰਮ ਕਰਦੇ ਸੀ, ਤਾਂ ਦਰਅਸਲ ਯਹੋਵਾਹ ਦੇ ਮੰਦਰ ਦੇ ਨੇੜੇ ਹੀ ਅਸ਼ੁੱਧ ਕੰਮ ਅਤੇ ਮੂਰਤੀ-ਪੂਜਾ ਕਰਦੇ ਸਨ ਕਿਉਂਕਿ ਉਨ੍ਹਾਂ ਦੇ ਘਰ ਨੇੜੇ ਹੀ ਸਨ। ਇਹ ਗੱਲ ਯਹੋਵਾਹ ਦੀ ਬਰਦਾਸ਼ਤ ਤੋਂ ਬਾਹਰ ਸੀ।