ਫੁਟਨੋਟ

b ਇਕ ਹੋਰ ਮਹੱਤਵਪੂਰਣ ਜਾਪਦੇ ਕਾਨੂੰਨ ਦੇ ਅਨੁਸਾਰ ਕੋਈ ਵੀ ਬੰਦਾ ਜਿਸ ਦੇ ਜਣਨ-ਅੰਗ ਕੱਟੇ-ਵੱਢੇ ਹੋਣ ਪਰਮੇਸ਼ੁਰ ਦੀ ਕਲੀਸਿਯਾ ਵਿਚ ਨਹੀਂ ਵੜ ਸਕਦਾ ਸੀ। (ਬਿਵਸਥਾ ਸਾਰ 23:1) ਪਰ, ਸ਼ਾਸਤਰ ਉੱਤੇ ਅੰਤਰਦ੍ਰਿਸ਼ਟੀ (ਅੰਗ੍ਰੇਜ਼ੀ) ਪੁਸਤਕ ਕਹਿੰਦੀ ਹੈ ਕਿ ਇਵੇਂ ਲੱਗਦਾ ਹੈ ਕਿ ‘ਇਸ ਦਾ ਸਮਲਿੰਗਕਾਮੁਕਤਾ ਵਰਗੇ ਅਨੈਤਿਕ ਇਰਾਦਿਆਂ ਲਈ ਜਾਣ-ਬੁੱਝ ਕੇ ਕੱਟ-ਵੱਢ ਨਾਲ ਸੰਬੰਧ ਸੀ।’ ਇਸ ਲਈ, ਇਹ ਕਾਨੂੰਨ ਗਰਭ-ਨਿਰੋਧ ਲਈ ਖੱਸੀਆਣ ਜਾਂ ਇਸ ਵਰਗੀ ਕੋਈ ਚੀਜ਼ ਨਹੀਂ ਸ਼ਾਮਲ ਕਰਦਾ ਸੀ। ਅੰਤਰਦ੍ਰਿਸ਼ਟੀ ਪੁਸਤਕ ਇਹ ਵੀ ਕਹਿੰਦੀ ਹੈ ਕਿ ‘ਯਹੋਵਾਹ ਨੇ ਉਸ ਸਮੇਂ ਬਾਰੇ ਦਿਲਾਸਾ-ਭਰੀ ਭਵਿੱਖਬਾਣੀ ਕੀਤੀ ਜਦੋਂ ਖੁਸਰੇ ਉਸ ਦੇ ਸੇਵਕਾਂ ਵਜੋਂ ਸਵੀਕਾਰ ਕੀਤੇ ਜਾਣਗੇ, ਅਤੇ ਜੇ ਉਹ ਆਗਿਆਕਾਰ ਹੋਣਗੇ, ਤਾਂ ਉਹ ਉਨ੍ਹਾਂ ਨੂੰ ਪੁੱਤਰਾਂ ਧੀਆਂ ਨਾਲੋਂ ਚੰਗਾ ਨਾਮ ਦੇਵੇਗਾ। ਯਿਸੂ ਮਸੀਹ ਦੁਆਰਾ ਬਿਵਸਥਾ ਨੇਮ ਸਮਾਪਤ ਕੀਤੇ ਜਾਣ ਤੋਂ ਬਾਅਦ, ਨਿਹਚਾ ਕਰਨ ਵਾਲੇ ਸਾਰੇ ਵਿਅਕਤੀ ਪਰਮੇਸ਼ੁਰ ਦੇ ਰੂਹਾਨੀ ਪੁੱਤਰ ਬਣ ਸਕਦੇ ਹਨ। ਉਨ੍ਹਾਂ ਦੀ ਪਹਿਲੀ ਸਥਿਤੀ ਜਾਂ ਅਵਸਥਾ ਇਸ ਉੱਤੇ ਕੋਈ ਅਸਰ ਨਹੀਂ ਪਾਉਂਦੀ। ਸਰੀਰਕ ਫ਼ਰਕ ਹਟਾਏ ਗਏ ਸਨ।—ਯਸਾ 56:4, 5; ਯੂਹੰ 1:12.’