ਇਸ ਦੀ ਤੁਲਨਾ ਵਿਚ, ਬਾਈਬਲ ਵਿਆਹ ਦੇ ਵਿਸ਼ੇ ਬਾਰੇ ਭਰੋਸੇਯੋਗ, ਸੰਤੁਲਿਤ ਸਲਾਹ ਦਿੰਦੀ ਹੈ। ਇਹ ਸਵੀਕਾਰ ਕਰਦੀ ਹੈ ਕਿ ਕੁਝ ਡਾਢੀਆਂ ਹਾਲਤਾਂ ਤਲਾਕ ਦੀ ਇਜਾਜ਼ਤ ਦਿੰਦੀਆਂ ਹਨ। (ਮੱਤੀ 19:9) ਨਾਲ ਹੀ ਨਾਲ, ਇਹ ਛੋਟੇ-ਛੋਟੇ ਕਾਰਨਾਂ ਕਰਕੇ ਤਲਾਕ ਲੈਣ ਦੀ ਨਿੰਦਿਆ ਕਰਦੀ ਹੈ। (ਮਲਾਕੀ 2:14-16) ਇਹ ਵਿਵਾਹਕ ਬੇਵਫ਼ਾਈ ਦੀ ਵੀ ਨਿੰਦਿਆ ਕਰਦੀ ਹੈ। (ਇਬਰਾਨੀਆਂ 13:4) ਇਹ ਕਹਿੰਦੀ ਹੈ ਕਿ ਵਿਆਹ ਵਿਚ ਵਚਨਬੱਧਤਾ ਲੋੜੀਂਦੀ ਹੈ: “ਸੋ ਮਰਦ ਆਪਣੇ ਮਾਪੇ ਛੱਡਕੇ ਆਪਣੀ ਤੀਵੀਂ ਨਾਲ ਮਿਲਿਆ ਰਹੇਗਾ ਅਤੇ ਓਹ ਇੱਕ ਸਰੀਰ ਹੋਣਗੇ।”a (ਟੇਢੇ ਟਾਈਪ ਸਾਡੇ।)—ਉਤਪਤ 2:24; ਮੱਤੀ 19:5, 6.