ਇਕ ਦਿਨ ਭੇਡਾਂ ਚਾਰਦੇ ਹੋਏ ਮੂਸਾ ਨੇ ਇਕ ਅਜੀਬ ਚੀਜ਼ ਦੇਖੀ। ਇਕ ਝਾੜੀ ਅੱਗ ਵਿਚ ਬਲਦੀ ਸੀ, ਪਰ ਉਹ “ਭਸਮ ਨਹੀਂ ਹੁੰਦੀ ਸੀ।” (ਆਇਤ 2) ਹੈਰਾਨ ਹੋ ਕੇ ਮੂਸਾ ਝਾੜੀ ਦੇਖਣ ਲਈ ਨੇੜੇ ਗਿਆ। ਯਹੋਵਾਹ ਨੇ ਇਕ ਦੂਤ ਰਾਹੀਂ ਝਾੜੀ ਵਿੱਚੋਂ ਮੂਸਾ ਨਾਲ ਗੱਲ ਕਰਦੇ ਹੋਏ ਕਿਹਾ: “ਨੇੜੇ ਨਾ ਆ। ਆਪਣੇ ਪੈਰਾਂ ਤੋਂ ਜੁੱਤੀ ਲਾਹ ਦੇਹ ਕਿਉਂ ਜੋ ਏਹ ਥਾਂ ਜਿੱਥੇ ਤੂੰ ਖੜਾ ਹੈਂ ਪਵਿੱਤ੍ਰ ਭੂਮੀ ਹੈ।” (ਆਇਤ 5) ਜ਼ਰਾ ਸੋਚੋ—ਕਿਉਂਕਿ ਯਹੋਵਾਹ ਮੂਸਾ ਨਾਲ ਉੱਥੇ ਗੱਲ ਕਰ ਰਿਹਾ ਸੀ ਜ਼ਮੀਨ ਵੀ ਪਵਿੱਤਰ ਹੋ ਗਈ!

ਪਰਮੇਸ਼ੁਰ ਦਾ ਰਹਿਮ ਸਾਨੂੰ ਆਸਰਾ ਦਿੰਦਾ ਹੈ। ਉਸ ਦੀ ਮਦਦ ਨਾਲ ਪਾਪੀ ਹੋਣ ਦੇ ਬਾਵਜੂਦ ਵੀ ਅਸੀਂ ਉਸ ਦੀਆਂ ਨਜ਼ਰਾਂ ਵਿਚ ਕੁਝ ਹੱਦ ਤਕ ਪਵਿੱਤਰ ਬਣ ਸਕਦੇ ਹਾਂ। (1 ਪਤਰਸ 1:15, 16) ਡਿਪਰੈਸ਼ਨ ਅਤੇ ਨਿਰਾਸ਼ਾ ਦੀ ਸ਼ਿਕਾਰ ਇਕ ਮਸੀਹੀ ਔਰਤ ਨੂੰ ਮੂਸਾ ਅਤੇ ਬਲਦੀ ਝਾੜੀ ਬਾਰੇ ਪੜ੍ਹ ਕੇ ਕਾਫ਼ੀ ਹੌਸਲਾ ਮਿਲਿਆ। ਉਸ ਨੇ ਕਿਹਾ: “ਜੇ ਯਹੋਵਾਹ ਮਿੱਟੀ ਨੂੰ ਪਵਿੱਤਰ ਬਣਾ ਸਕਦਾ ਹੈ, ਤਾਂ ਮੇਰੇ ਲਈ ਵੀ ਥੋੜ੍ਹੀ-ਬਹੁਤੀ ਉਮੀਦ ਹੋਵੇਗੀ। ਇਸ ਗੱਲ ਨੇ ਮੇਰੀ ਬਹੁਤ ਮਦਦ ਕੀਤੀ ਹੈ।”