4-6. ਯਹੋਵਾਹ ਸਾਡੇ ਲਈ “ਆਸਰੇ ਦੀ ਥਾਂ” ਕਿਵੇਂ ਹੈ?

⁴ ਜ਼ਬੂਰਾਂ ਦਾ ਲਿਖਾਰੀ ਇਨ੍ਹਾਂ ਸ਼ਬਦਾਂ ਨਾਲ ਆਪਣੀ ਗੱਲ ਸ਼ੁਰੂ ਕਰਦਾ ਹੈ: “ਹੇ ਪ੍ਰਭੁ, ਪੀੜ੍ਹੀਓਂ ਪੀੜ੍ਹੀ, ਤੂੰ ਹੀ ਸਾਡੀ ਵੱਸੋਂ ਰਿਹਾ ਹੈਂ। ਉਸ ਤੋਂ ਪਹਿਲਾਂ ਕਿ ਪਹਾੜ ਉਤਪਤ ਹੋਏ, ਅਤੇ ਧਰਤੀ ਅਰ ਜਗਤ ਨੂੰ ਤੈਂ ਰਚਿਆ, ਆਦ ਤੋਂ ਅੰਤ ਤੀਕ ਤੂੰ ਹੀ ਪਰਮੇਸ਼ੁਰ ਹੈਂ।”​—ਜ਼ਬੂਰ 90:1, 2.

7. ਪਹਾੜ “ਉਤਪਤ” ਕਰਨ ਅਤੇ ਧਰਤੀ ਦੀ ‘ਰਚਣਾ’ ਕਰਨ ਵਿਚ ਕੀ ਸ਼ਾਮਲ ਸੀ?

⁷ ਯਹੋਵਾਹ ਪਹਾੜਾਂ ਦੇ “ਉਤਪਤ” ਹੋਣ ਅਤੇ ਧਰਤੀ ਦੀ ‘ਰਚਣਾ’ ਤੋਂ ਪਹਿਲਾਂ ਮੌਜੂਦ ਸੀ। ਜ਼ਬੂਰਾਂ ਦਾ ਲਿਖਾਰੀ ਜਾਣਦਾ ਸੀ ਕਿ ਯਹੋਵਾਹ ਨੇ ਪਹਾੜਾਂ ਨੂੰ “ਉਤਪਤ” ਕਰਨ ਅਤੇ ਧਰਤੀ ਦੀ ‘ਰਚਣਾ’ ਕਰਨ ਵਿਚ ਕਿੰਨਾ ਕੰਮ ਕੀਤਾ ਸੀ। ਇਸ ਲਈ ਉਸ ਨੇ ਇਨ੍ਹਾਂ ਕੰਮਾਂ ਲਈ ਆਪਣੀ ਕਦਰ ਦਿਖਾਈ। ਅਸੀਂ ਵੀ ਜਾਣਦੇ ਹਾਂ ਕਿ ਇਸ ਸ਼ਾਨਦਾਰ ਧਰਤੀ ਨੂੰ ਅਤੇ ਇਸ ਉੱਪਰ ਭਾਂਤ-ਭਾਂਤ ਅਤੇ ਗੁੰਝਲਦਾਰ ਚੀਜ਼ਾਂ ਨੂੰ ਬਣਾਉਣ ਲਈ ਬਹੁਤ ਹੀ ਮਿਹਨਤ ਦੀ ਲੋੜ ਸੀ। ਇਸ ਲਈ ਸਾਨੂੰ ਵੀ ਸ੍ਰਿਸ਼ਟੀਕਰਤਾ ਦਿਆਂ ਕੰਮਾਂ ਵੱਲ ਧਿਆਨ ਦੇ ਕੇ ਉਨ੍ਹਾਂ ਦੀ ਕਦਰ ਕਰਨੀ ਚਾਹੀਦੀ ਹੈ।

ਯਹੋਵਾਹ ਹਰ ਵੇਲੇ ਸਾਡੀ ਮਦਦ ਕਰਨ ਲਈ ਤਿਆਰ ਹੁੰਦਾ ਹੈ

8. ਇਸ ਗੱਲ ਦਾ ਕੀ ਮਤਲਬ ਹੈ ਕਿ ਯਹੋਵਾਹ ਪਰਮੇਸ਼ੁਰ “ਆਦ ਤੋਂ ਅੰਤ ਤੀਕ” ਹੈ?

⁸ ਜ਼ਬੂਰਾਂ ਦੇ ਲਿਖਾਰੀ ਨੇ ਅੱਗੇ ਕਿਹਾ: “ਆਦ ਤੋਂ ਅੰਤ ਤੀਕ ਤੂੰ ਹੀ ਪਰਮੇਸ਼ੁਰ ਹੈਂ।” ਕੁਝ ਚੀਜ਼ਾਂ ਬਾਰੇ ਕਿਹਾ ਜਾ ਸਕਦਾ ਹੈ ਕਿ ਉਹ “ਅੰਤ ਤੀਕ” ਰਹਿਣਗੀਆਂ, ਮਤਲਬ ਕਿ ਕਿਸੇ-ਨ-ਕਿਸੇ ਸਮੇਂ ਉਨ੍ਹਾਂ ਦਾ ਅੰਤ ਹੋਵੇਗਾ। (ਕੂਚ 31:16, 17; ਇਬਰਾਨੀਆਂ 9:15) ਪਰ ਜ਼ਬੂਰ 90:2 ਵਿਚ ਅਤੇ ਇਬਰਾਨੀ ਸ਼ਾਸਤਰ ਦੀਆਂ ਹੋਰਨਾਂ ਆਇਤਾਂ ਵਿਚ “ਅੰਤ ਤੀਕ” ਦਾ ਮਤਲਬ “ਸਦਾ ਲਈ” ਹੈ। (ਉਪਦੇਸ਼ਕ ਦੀ ਪੋਥੀ 1:4) ਯਹੋਵਾਹ ਪਰਮੇਸ਼ੁਰ ਦਾ ਨਾ ਹੀ ਕੋਈ ਸ਼ੁਰੂ ਸੀ ਅਤੇ ਨਾ ਹੀ ਉਸ ਦਾ ਅੰਤ ਹੋਵੇਗਾ। (ਹਬੱਕੂਕ 1:12) ਸਾਡੇ ਲਈ ਇਸ ਗੱਲ ਨੂੰ ਸਮਝਣਾ ਔਖਾ ਹੈ ਕਿ ਪਰਮੇਸ਼ੁਰ ਸਦਾ ਤੋਂ ਹੈ। ਉਹ ਹਮੇਸ਼ਾ ਜੀਉਂਦਾ ਰਹੇਗਾ ਅਤੇ ਸਾਡੀ ਮਦਦ ਕਰਨ ਲਈ ਤਿਆਰ ਹੋਵੇਗਾ।