3. ਯਹੋਵਾਹ ਆਪਣੇ ਦੋਸਤਾਂ ਤੋਂ ਕੀ ਉਮੀਦ ਰੱਖਦਾ ਹੈ?

ਯਹੋਵਾਹ ਸਾਰੇ ਲੋਕਾਂ ਨੂੰ ਪਿਆਰ ਕਰਦਾ ਹੈ, “ਪਰ ਨੇਕ ਇਨਸਾਨਾਂ ਨਾਲ ਉਸ ਦੀ ਗੂੜ੍ਹੀ ਦੋਸਤੀ ਹੈ।” (ਕਹਾਉਤਾਂ 3:32) ਯਹੋਵਾਹ ਚਾਹੁੰਦਾ ਹੈ ਕਿ ਉਸ ਦੇ ਦੋਸਤ ਉਹ ਕੰਮ ਕਰਨ ਜੋ ਉਸ ਦੀਆਂ ਨਜ਼ਰਾਂ ਵਿਚ ਸਹੀ ਹਨ ਅਤੇ ਉਨ੍ਹਾਂ ਕੰਮਾਂ ਤੋਂ ਦੂਰ ਰਹਿਣ ਜਿਨ੍ਹਾਂ ਤੋਂ ਉਹ ਨਫ਼ਰਤ ਕਰਦਾ ਹੈ। ਪਰ ਕਈ ਲੋਕਾਂ ਨੂੰ ਲੱਗਦਾ ਹੈ ਕਿ ਯਹੋਵਾਹ ਦੇ ਦੱਸੇ ਤਰੀਕੇ ਅਨੁਸਾਰ ਜੀਉਣਾ ਬਹੁਤ ਔਖਾ ਹੈ। ਪਰ ਯਹੋਵਾਹ ਦਿਆਲੂ ਹੈ ਅਤੇ ਸਾਡੀਆਂ ਕਮੀਆਂ-ਕਮਜ਼ੋਰੀਆਂ ਜਾਣਦਾ ਹੈ। ਜੇ ਅਸੀਂ ਉਸ ਨੂੰ ਸੱਚੇ ਦਿਲੋਂ ਪਿਆਰ ਕਰਾਂਗੇ ਅਤੇ ਉਸ ਦੀ ਹਰ ਗੱਲ ਮੰਨਣ ਦੀ ਪੂਰੀ ਕੋਸ਼ਿਸ਼ ਕਰਾਂਗੇ, ਤਾਂ ਉਹ ਸਾਨੂੰ ਆਪਣਾ ਦੋਸਤ ਬਣਾਵੇਗਾ।—ਜ਼ਬੂਰ 147:11; ਰਸੂਲਾਂ ਦੇ ਕੰਮ 10:34, 35.

ਹਰ ਕੋਈ ਚਾਹੁੰਦਾ ਹੈ ਕਿ ਉਸ ਦੇ ਦੋਸਤ ਈਮਾਨਦਾਰ ਹੋਣ। ਯਹੋਵਾਹ ਵੀ ਆਪਣੇ ਦੋਸਤਾਂ ਤੋਂ ਇਹੀ ਚਾਹੁੰਦਾ ਹੈ। ਪਰ ਇਸ ਦੁਨੀਆਂ ਵਿਚ ਈਮਾਨਦਾਰ ਰਹਿਣਾ ਸੌਖਾ ਨਹੀਂ ਹੈ ਕਿਉਂਕਿ ਬਹੁਤ ਸਾਰੇ ਲੋਕ ਬੇਈਮਾਨ ਹਨ। ਫਿਰ ਵੀ ਸਾਰੀਆਂ ਗੱਲਾਂ ਵਿਚ ਈਮਾਨਦਾਰ ਰਹਿਣ ਦੇ ਕੀ ਫ਼ਾਇਦੇ ਹਨ?

1. ਈਮਾਨਦਾਰ ਰਹਿਣ ਦਾ ਸਭ ਤੋਂ ਵੱਡਾ ਕਾਰਨ ਕੀ ਹੈ?

ਜਦੋਂ ਅਸੀਂ ਦੂਸਰਿਆਂ ਨਾਲ ਈਮਾਨਦਾਰੀ ਨਾਲ ਪੇਸ਼ ਆਉਂਦੇ ਹਾਂ, ਤਾਂ ਅਸੀਂ ਦਿਖਾਉਂਦੇ ਹਾਂ ਕਿ ਅਸੀਂ ਯਹੋਵਾਹ ਨੂੰ ਪਿਆਰ ਕਰਦੇ ਅਤੇ ਉਸ ਦਾ ਆਦਰ ਕਰਦੇ ਹਾਂ। ਯਹੋਵਾਹ ਜਾਣਦਾ ਹੈ ਕਿ ਅਸੀਂ ਕੀ ਸੋਚਦੇ ਅਤੇ ਕੀ ਕਰਦੇ ਹਾਂ। (ਇਬਰਾਨੀਆਂ 4:13) ਜਦੋਂ ਉਹ ਦੇਖਦਾ ਹੈ ਕਿ ਅਸੀਂ ਹਰ ਹਾਲ ਵਿਚ ਈਮਾਨਦਾਰ ਰਹਿੰਦੇ ਹਾਂ, ਤਾਂ ਉਸ ਨੂੰ ਬਹੁਤ ਖ਼ੁਸ਼ੀ ਹੁੰਦੀ ਹੈ। ਉਸ ਦੇ ਬਚਨ ਵਿਚ ਲਿਖਿਆ ਹੈ: “ਯਹੋਵਾਹ ਨੂੰ ਚਾਲਬਾਜ਼ ਇਨਸਾਨ ਤੋਂ ਘਿਣ ਆਉਂਦੀ ਹੈ, ਪਰ ਨੇਕ ਇਨਸਾਨਾਂ ਨਾਲ ਉਸ ਦੀ ਗੂੜ੍ਹੀ ਦੋਸਤੀ ਹੈ।”—ਕਹਾਉਤਾਂ 3:32.

2. ਰੋਜ਼ਮੱਰਾ ਦੀ ਜ਼ਿੰਦਗੀ ਵਿਚ ਅਸੀਂ ਕਿਵੇਂ ਦਿਖਾ ਸਕਦੇ ਹਾਂ ਕਿ ਅਸੀਂ ਈਮਾਨਦਾਰ ਹਾਂ?

ਯਹੋਵਾਹ ਚਾਹੁੰਦਾ ਹੈ ਕਿ ਅਸੀਂ ‘ਇਕ-ਦੂਜੇ ਨਾਲ ਸੱਚ ਬੋਲੀਏ।’ (ਜ਼ਕਰਯਾਹ 8:16, 17) ਇਸ ਦਾ ਮਤਲਬ ਹੈ ਕਿ ਅਸੀਂ ਆਪਣੇ ਘਰਦਿਆਂ, ਆਪਣੇ ਨਾਲ ਕੰਮ ਕਰਨ ਵਾਲਿਆਂ, ਮਸੀਹੀ ਭੈਣਾਂ-ਭਰਾਵਾਂ ਅਤੇ ਸਰਕਾਰੀ ਅਧਿਕਾਰੀਆਂ ਨਾਲ ਗੱਲ ਕਰਦੇ ਵੇਲੇ ਝੂਠ ਨਾ ਬੋਲੀਏ ਤੇ ਨਾ ਹੀ ਉਨ੍ਹਾਂ ਨੂੰ ਧੋਖੇ ਵਿਚ ਰੱਖੀਏ। ਈਮਾਨਦਾਰ ਲੋਕ ਨਾ ਕਦੇ ਚੋਰੀ ਕਰਦੇ ਅਤੇ ਨਾ ਹੀ ਠੱਗੀ ਕਰਦੇ ਹਨ। (ਕਹਾਉਤਾਂ 24:28 ਅਤੇ ਅਫ਼ਸੀਆਂ 4:28 ਪੜ੍ਹੋ।) ਇਸ ਤੋਂ ਇਲਾਵਾ, ਉਹ ਸਰਕਾਰ ਵੱਲੋਂ ਮੰਗਿਆ ਟੈਕਸ ਵੀ ਭਰਦੇ ਹਨ। (ਰੋਮੀਆਂ 13:5-7) ਇਨ੍ਹਾਂ ਕੁਝ ਤਰੀਕਿਆਂ ਰਾਹੀਂ ਅਸੀਂ ਦਿਖਾਉਂਦੇ ਹਾਂ ਕਿ ਅਸੀਂ ‘ਹਰ ਗੱਲ ਵਿਚ ਈਮਾਨਦਾਰੀ ਤੋਂ ਕੰਮ ਲੈਂਦੇ ਹਾਂ।’—ਇਬਰਾਨੀਆਂ 13:18.

3. ਈਮਾਨਦਾਰ ਰਹਿਣ ਦੇ ਕੀ ਫ਼ਾਇਦੇ ਹੁੰਦੇ ਹਨ?

ਜਦੋਂ ਅਸੀਂ ਹਮੇਸ਼ਾ ਈਮਾਨਦਾਰ ਰਹਿੰਦੇ ਹਾਂ, ਤਾਂ ਲੋਕ ਸਾਡੇ ʼਤੇ ਭਰੋਸਾ ਕਰਦੇ ਹਨ। ਮੰਡਲੀ ਵਿਚ ਵੀ ਭੈਣ-ਭਰਾ ਸਾਡੇ ʼਤੇ ਭਰੋਸਾ ਕਰਦੇ ਹਨ ਜਿਸ ਕਰਕੇ ਸਾਡੇ ਵਿਚ ਪਰਿਵਾਰ ਵਰਗਾ ਮਾਹੌਲ ਬਣਿਆ ਰਹਿੰਦਾ ਹੈ। ਈਮਾਨਦਾਰ ਰਹਿਣ ਨਾਲ ਸਾਡੀ ਜ਼ਮੀਰ ਸਾਫ਼ ਰਹਿੰਦੀ ਹੈ। ਇੰਨਾ ਹੀ ਨਹੀਂ, ‘ਅਸੀਂ ਆਪਣੇ ਮੁਕਤੀਦਾਤੇ ਪਰਮੇਸ਼ੁਰ ਦੀ ਸਿੱਖਿਆ ਦੀ ਸ਼ੋਭਾ ਵਧਾਉਂਦੇ ਹਾਂ’ ਤੇ ਸਾਡੀ ਈਮਾਨਦਾਰੀ ਦੇਖ ਕੇ ਲੋਕ ਯਹੋਵਾਹ ਵੱਲ ਖਿੱਚੇ ਆਉਂਦੇ ਹਨ।—ਤੀਤੁਸ 2:10.

ਹੋਰ ਸਿੱਖੋ

4. ਤੁਹਾਡੀ ਈਮਾਨਦਾਰੀ ਦੇਖ ਕੇ ਯਹੋਵਾਹ ਖ਼ੁਸ਼ ਹੁੰਦਾ ਹੈ

ਜ਼ਬੂਰ 44:21 ਅਤੇ ਮਲਾਕੀ 3:16 ਪੜ੍ਹੋ। ਫਿਰ ਇਨ੍ਹਾਂ ਸਵਾਲਾਂ ʼਤੇ ਚਰਚਾ ਕਰੋ:

• ਇਹ ਸੋਚਣਾ ਗ਼ਲਤ ਕਿਉਂ ਹੋਵੇਗਾ ਕਿ ਸੱਚ ਲੁਕਾਇਆ ਜਾ ਸਕਦਾ ਹੈ?

• ਜਦੋਂ ਅਸੀਂ ਔਖੇ ਹਾਲਾਤਾਂ ਵਿਚ ਵੀ ਸੱਚ ਬੋਲਦੇ ਹਾਂ, ਤਾਂ ਯਹੋਵਾਹ ਨੂੰ ਕਿੱਦਾਂ ਲੱਗਦਾ ਹੈ?

5. ਹਰ ਹਾਲ ਵਿਚ ਈਮਾਨਦਾਰ ਰਹੋ

ਵੀਡੀਓ: ਖ਼ੁਸ਼ੀ ਕਿਵੇਂ ਮਿਲਦੀ ਹੈ?—ਸਾਫ਼ ਜ਼ਮੀਰ  (2:32)

ਇਬਰਾਨੀਆਂ 13:18 ਪੜ੍ਹੋ। ਫਿਰ ਚਰਚਾ ਕਰੋ ਕਿ ਅਸੀਂ ਇਨ੍ਹਾਂ ਮਾਮਲਿਆਂ ਵਿਚ ਕਿਵੇਂ ਈਮਾਨਦਾਰ ਰਹਿ ਸਕਦੇ ਹਾਂ . . .

• ਆਪਣੇ ਘਰਦਿਆਂ ਨਾਲ।

• ਕੰਮ ਦੀ ਥਾਂ ʼਤੇ ਜਾਂ ਸਕੂਲ ਵਿਚ।

• ਹੋਰ ਹਾਲਾਤਾਂ ਵਿਚ।

6. ਈਮਾਨਦਾਰ ਰਹਿਣ ਦਾ ਫ਼ਾਇਦਾ ਹੈ

ਹੋ ਸਕਦਾ ਹੈ ਕਿ ਈਮਾਨਦਾਰ ਰਹਿਣ ਕਰਕੇ ਸਾਨੂੰ ਕਦੇ-ਕਦੇ ਮੁਸ਼ਕਲਾਂ ਸਹਿਣੀਆਂ ਪੈਣ। ਪਰ ਈਮਾਨਦਾਰ ਰਹਿਣ ਨਾਲ ਹਮੇਸ਼ਾ ਫ਼ਾਇਦਾ ਹੁੰਦਾ ਹੈ। ਜ਼ਬੂਰ 34:12-16 ਪੜ੍ਹੋ। ਫਿਰ ਇਸ ਸਵਾਲ ʼਤੇ ਚਰਚਾ ਕਰੋ:

• ਈਮਾਨਦਾਰ ਰਹਿਣ ਨਾਲ ਤੁਹਾਨੂੰ ਕੀ ਫ਼ਾਇਦੇ ਹੋ ਸਕਦੇ ਹਨ?

1. ਇਕ-ਦੂਸਰੇ ਨਾਲ ਈਮਾਨਦਾਰ ਰਹਿਣ ਵਾਲੇ ਪਤੀ-ਪਤਨੀ ਦਾ ਰਿਸ਼ਤਾ ਮਜ਼ਬੂਤ ਹੁੰਦਾ ਹੈ

2. ਈਮਾਨਦਾਰੀ ਨਾਲ ਕੰਮ ਕਰਨ ਵਾਲਾ ਇਨਸਾਨ ਆਪਣੇ ਮਾਲਕ ਦਾ ਭਰੋਸਾ ਜਿੱਤ ਲੈਂਦਾ ਹੈ

3. ਈਮਾਨਦਾਰ ਨਾਗਰਿਕ ਸਰਕਾਰੀ ਅਧਿਕਾਰੀਆਂ ਦੀ ਨਜ਼ਰ ਵਿਚ ਚੰਗਾ ਨਾਂ ਕਮਾਉਂਦੇ ਹਨ

ਹੁਣ ਤਕ ਅਸੀਂ ਸਿੱਖਿਆ

ਯਹੋਵਾਹ ਚਾਹੁੰਦਾ ਹੈ ਕਿ ਉਸ ਦੇ ਦੋਸਤ ਹਮੇਸ਼ਾ ਸੱਚ ਬੋਲਣ ਅਤੇ ਹਰ ਕੰਮ ਈਮਾਨਦਾਰੀ ਨਾਲ ਕਰਨ।

ਤੁਸੀਂ ਕੀ ਕਹੋਗੇ?

• ਅਸੀਂ ਕਿਨ੍ਹਾਂ ਤਰੀਕਿਆਂ ਰਾਹੀਂ ਦਿਖਾ ਸਕਦੇ ਹਾਂ ਕਿ ਅਸੀਂ ਈਮਾਨਦਾਰ ਹਾਂ?

• ਇਹ ਸੋਚਣਾ ਗ਼ਲਤ ਕਿਉਂ ਹੋਵੇਗਾ ਕਿ ਸੱਚ ਲੁਕਾਇਆ ਜਾ ਸਕਦਾ ਹੈ?

• ਤੁਸੀਂ ਹਰ ਹਾਲ ਵਿਚ ਈਮਾਨਦਾਰ ਕਿਉਂ ਰਹਿਣਾ ਚਾਹੁੰਦੇ ਹੋ?

ਇਹ ਵੀ ਦੇਖੋ

ਮਾਤਾ-ਪਿਤਾ ਆਪਣੇ ਬੱਚਿਆਂ ਨੂੰ ਈਮਾਨਦਾਰ ਬਣਨਾ ਕਿਵੇਂ ਸਿਖਾ ਸਕਦੇ ਹਨ?

ਹਮੇਸ਼ਾ ਸੱਚ ਬੋਲੋ  (1:44)

ਆਪਣੇ ਵਾਅਦੇ ਨਿਭਾਉਣ ਦੇ ਕੀ ਫ਼ਾਇਦੇ ਹੁੰਦੇ ਹਨ?

ਵਾਅਦੇ ਨਿਭਾਓ, ਬਰਕਤਾਂ ਪਾਓ  (9:09)

ਚਾਹੇ ਟੈਕਸ ਦਾ ਗ਼ਲਤ ਇਸਤੇਮਾਲ ਹੁੰਦਾ ਹੈ, ਫਿਰ ਵੀ ਸਾਨੂੰ ਸਰਕਾਰ ਨੂੰ ਟੈਕਸ ਕਿਉਂ ਦੇਣਾ ਚਾਹੀਦਾ ਹੈ?

“ਕੀ ਟੈਕਸ ਦੇਣਾ ਜ਼ਰੂਰੀ ਹੈ?” (ਪਹਿਰਾਬੁਰਜ  ਲੇਖ)

ਕਿਹੜੀ ਗੱਲ ਨੇ ਇਕ ਬੇਈਮਾਨ ਆਦਮੀ ਦੀ ਮਦਦ ਕੀਤੀ ਕਿ ਉਹ ਖ਼ੁਦ ਨੂੰ ਬਦਲੇ ਅਤੇ ਈਮਾਨਦਾਰੀ ਨਾਲ ਕਮਾਈ ਕਰੇ?

“ਮੈਂ ਸਿੱਖਿਆ ਕਿ ਯਹੋਵਾਹ ਦਿਆਲੂ ਤੇ ਮਾਫ਼ ਕਰਨ ਵਾਲਾ ਹੈ” (ਪਹਿਰਾਬੁਰਜ, ਜੁਲਾਈ-ਸਤੰਬਰ 2015)

2. ਕੀ ਯਹੋਵਾਹ ਨੂੰ ਕੋਈ ਫ਼ਰਕ ਪੈਂਦਾ ਕਿ ਤੁਹਾਡੇ ਦੋਸਤ ਕਿਹੋ ਜਿਹੇ ਹਨ?

ਯਹੋਵਾਹ ਸੋਚ-ਸਮਝ ਕੇ ਆਪਣੇ ਦੋਸਤ ਬਣਾਉਂਦਾ ਹੈ। ਉਸ ਦੀ ਸਿਰਫ਼ ‘ਨੇਕ ਇਨਸਾਨਾਂ ਨਾਲ ਗੂੜ੍ਹੀ ਦੋਸਤੀ ਹੈ।’ (ਕਹਾਉਤਾਂ 3:32) ਜ਼ਰਾ ਸੋਚੋ, ਜੇ ਅਸੀਂ ਉਨ੍ਹਾਂ ਲੋਕਾਂ ਨਾਲ ਦੋਸਤੀ ਕਰਾਂਗੇ ਜਿਹੜੇ ਯਹੋਵਾਹ ਨੂੰ ਪਿਆਰ ਨਹੀਂ ਕਰਦੇ, ਤਾਂ ਉਸ ਨੂੰ ਕਿੱਦਾਂ ਲੱਗੇਗਾ? ਉਸ ਨੂੰ ਬਹੁਤ ਦੁੱਖ ਲੱਗੇਗਾ! (ਯਾਕੂਬ 4:4 ਪੜ੍ਹੋ।) ਪਰ ਜੇ ਅਸੀਂ ਬੁਰੀ ਸੰਗਤ ਤੋਂ ਦੂਰ ਰਹਾਂਗੇ ਅਤੇ ਉਨ੍ਹਾਂ ਲੋਕਾਂ ਨਾਲ ਦੋਸਤੀ ਕਰਾਂਗੇ ਜਿਹੜੇ ਯਹੋਵਾਹ ਨੂੰ ਪਿਆਰ ਕਰਦੇ ਹਨ, ਤਾਂ ਯਹੋਵਾਹ ਖ਼ੁਸ਼ ਹੋਵੇਗਾ ਅਤੇ ਸਾਨੂੰ ਆਪਣੇ ਦੋਸਤ ਮੰਨੇਗਾ।—ਜ਼ਬੂਰ 15:1-4.