“ਮੈਂ ਆਪਣੇ ਦਾਸ ਦੇ ਬਚਨ ਕਾਇਮ ਰੱਖਦਾ, ਅਤੇ ਆਪਣੇ ਦੂਤਾਂ ਦੀ ਸਲਾਹ ਪੂਰੀ ਕਰਦਾ ਹਾਂ।”—ਯਸਾਯਾਹ 44:26.

1. ਯਹੋਵਾਹ ਸੱਚੇ ਸੰਦੇਸ਼ਵਾਹਕਾਂ ਦੀ ਸ਼ਨਾਖਤ ਕਿਸ ਤਰ੍ਹਾਂ ਕਰਦਾ ਹੈ, ਅਤੇ ਝੂਠਿਆਂ ਦਾ ਕਿਸ ਤਰ੍ਹਾਂ ਪਰਦਾ-ਫ਼ਾਸ਼ ਕਰਦਾ ਹੈ?

ਯਹੋਵਾਹ ਪਰਮੇਸ਼ੁਰ ਆਪਣੇ ਸੱਚੇ ਸੰਦੇਸ਼ਵਾਹਕਾਂ ਦਾ ਮਹਾਨ ਸ਼ਨਾਖਤਕਰਤਾ ਹੈ। ਉਹ ਉਨ੍ਹਾਂ ਸੰਦੇਸ਼ਾਂ ਨੂੰ ਸੱਚਾ ਸਾਬਤ ਕਰਨ ਦੁਆਰਾ ਇਨ੍ਹਾਂ ਦੀ ਸ਼ਨਾਖਤ ਕਰਦਾ ਹੈ ਜੋ ਉਹ ਉਨ੍ਹਾਂ ਦੁਆਰਾ ਦਿੰਦਾ ਹੈ। ਯਹੋਵਾਹ ਝੂਠੇ ਸੰਦੇਸ਼ਵਾਹਕਾਂ ਦਾ ਮਹਾਨ ਪਰਦਾ-ਫ਼ਾਸ਼ਕਰਤਾ ਵੀ ਹੈ। ਉਹ ਉਨ੍ਹਾਂ ਦਾ ਕਿਸ ਤਰ੍ਹਾਂ ਪਰਦਾ-ਫ਼ਾਸ਼ ਕਰਦਾ ਹੈ? ਉਹ ਉਨ੍ਹਾਂ ਦੇ ਚਿੰਨ੍ਹਾਂ ਅਤੇ ਪੂਰਵ-ਅਨੁਮਾਨਾਂ ਨੂੰ ਨਿਸਫ਼ਲ ਕਰ ਦਿੰਦਾ ਹੈ। ਇਸ ਤਰੀਕੇ ਨਾਲ ਉਹ ਇਹ ਦਿਖਾਉਂਦਾ ਹੈ ਕਿ ਉਹ ਸਵੈ-ਨਿਯੁਕਤ ਨਬੀ ਹਨ, ਜਿਨ੍ਹਾਂ ਦੇ ਸੰਦੇਸ਼ ਅਸਲ ਵਿਚ ਉਨ੍ਹਾਂ ਦੀ ਆਪਣੀ ਹੀ ਝੂਠੀ ਦਲੀਲਬਾਜ਼ੀ—ਜੀ ਹਾਂ, ਉਨ੍ਹਾਂ ਦੀ ਮੂਰਖ, ਸਰੀਰਕ ਸੋਚ—ਤੋਂ ਉਤਪੰਨ ਹੁੰਦੇ ਹਨ!

⁶ ਮਾਨੋ ਕਿ ਇਹ ਕਾਫ਼ੀ ਨਹੀਂ ਸੀ, ਗ਼ੁਲਾਮ ਇਸਰਾਏਲੀਆਂ ਨੂੰ ਬਾਬਲ ਦੇ ਸ਼ੇਖ਼ੀਖੋਰੀ ਨਜੂਮੀਆਂ, ਫਾਲ ਪਾਉਣ ਵਾਲਿਆਂ, ਅਤੇ ਜੋਤਿਸ਼ੀਆਂ ਦਾ ਵੀ ਸਾਮ੍ਹਣਾ ਕਰਨਾ ਪਿਆ। ਪਰੰਤੂ, ਯਹੋਵਾਹ ਨੇ ਇਨ੍ਹਾਂ ਸਾਰੇ ਝੂਠੇ ਸੰਦੇਸ਼ਵਾਹਕਾਂ ਨੂੰ ਨਿਸ­ਫ਼ਲ ਮੂਰਖ ਸਾਬਤ ਕੀਤਾ, ਜੋ ਉਲਟੀਆਂ ਗੱਲਾਂ ਕਹਿੰਦੇ ਸਨ। ਸਮੇਂ ਦੇ ਬੀਤਣ ਨਾਲ ਉਸ ਨੇ ਦਿਖਾਇਆ ਕਿ ਹਿਜ਼ਕੀਏਲ ਉਸ ਦਾ ਸੱਚਾ ਸੰਦੇਸ਼ਵਾਹਕ ਸੀ, ਜਿਵੇਂ ਯਸਾਯਾਹ ਸੀ। ਯਹੋਵਾਹ ਨੇ ਆਪਣੇ ਸਾਰੇ ਸ਼ਬਦਾਂ ਨੂੰ ਪੂਰਾ ਕੀਤਾ ਜੋ ਉਸ ਨੇ ਉਨ੍ਹਾਂ ਦੁਆਰਾ ਕਹੇ ਸਨ, ਠੀਕ ਜਿਵੇਂ ਉਸ ਨੇ ਵਾਅਦਾ ਕੀਤਾ ਸੀ: “ਮੈਂ ਗੱਪੀਆਂ ਦੇ ਨਿਸ਼ਾਨ ਵਿਅਰਥ ਕਰਦਾ ਹਾਂ, ਅਤੇ ਫਾਲ ਪਾਉਣ ਵਾਲਿਆਂ ਨੂੰ ਉੱਲੂ ਬਣਾਉਂਦਾ ਹਾਂ, ਮੈਂ ਸਿਆਣਿਆਂ ਨੂੰ ਪਿੱਛੇ ਹਟਾਉਂਦਾ, ਅਤੇ ਓਹਨਾਂ ਦਾ ਗਿਆਨ ਬੇਵਕੂਫੀ ਬਣਾਉਂਦਾ ਹਾਂ। ਮੈਂ ਆਪਣੇ ਦਾਸ ਦੇ ਬਚਨ ਕਾਇਮ ਰੱਖਦਾ, ਅਤੇ ਆਪਣੇ ਦੂਤਾਂ ਦੀ ਸਲਾਹ ਪੂਰੀ ਕਰਦਾ ਹਾਂ।”—ਯਸਾਯਾਹ 44:25, 26.