² ਇਸ ਗੱਲ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਅਸੀਂ ਯਸਾਯਾਹ ਨਬੀ ਦੁਆਰਾ ਦੱਸੀ ਹਾਲਤ ਦੀ ਨਾਜ਼ੁਕਤਾ ਦਾ ਅੰਦਾਜ਼ਾ ਲਾ ਸਕਦੇ ਹਾਂ। ਉਸ ਨੇ ਕਿਹਾ: “ਵੇਖੋ ਤਾਂ, ਅਨ੍ਹੇਰਾ ਧਰਤੀ ਨੂੰ ਢੱਕ ਲਵੇਗਾ, ਅਤੇ ਉੱਮਤਾਂ ਨੂੰ ਘਟਾਂ।” (ਯਸਾਯਾਹ 60:2) ਇੱਥੇ ਅਸਲੀ ਹਨੇਰੇ ਦੀ ਗੱਲ ਨਹੀਂ ਕੀਤੀ ਗਈ ਤੇ ਨਾ ਹੀ ਯਸਾਯਾਹ ਇਹ ਕਹਿ ਰਿਹਾ ਸੀ ਕਿ ਇਕ ਦਿਨ ਸੂਰਜ, ਚੰਦ ਅਤੇ ਤਾਰਿਆਂ ਦੀ ਰੌਸ਼ਨੀ ਖ਼ਤਮ ਹੋ ਜਾਵੇਗੀ। (ਜ਼ਬੂਰ 89:36, 37; 136:7-9) ਉਹ ਰੂਹਾਨੀ ਹਨੇਰੇ ਦੀ ਗੱਲ ਕਰ ਰਿਹਾ ਸੀ। ਪਰ ਇਹ ਰੂਹਾਨੀ ਹਨੇਰਾ ਬਹੁਤ ਹੀ ਘਾਤਕ ਹੈ। ਅਸੀਂ ਜਿਵੇਂ ਸੂਰਜ ਦੇ ਚਾਨਣ ਤੋਂ ਬਿਨਾਂ ਜੀਉਂਦੇ ਨਹੀਂ ਰਹਿ ਸਕਦੇ, ਉਸੇ ਤਰ੍ਹਾਂ ਰੂਹਾਨੀ ਚਾਨਣ ਤੋਂ ਬਿਨਾਂ ਵੀ ਅਸੀਂ ਜ਼ਿਆਦਾ ਦੇਰ ਤਕ ਜੀਉਂਦੇ ਨਹੀਂ ਰਹਿ ਸਕਦੇ।​—ਲੂਕਾ 1:79.

3. ਯਸਾਯਾਹ ਦੇ ਸ਼ਬਦਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਮਸੀਹੀਆਂ ਨੂੰ ਕੀ ਕਰਨਾ ਚਾਹੀਦਾ ਹੈ?

³ ਇਸ ਗੱਲ ਨੂੰ ਧਿਆਨ ਵਿਚ ਰੱਖਦੇ ਹੋਏ ਸਾਡੇ ਲਈ ਇਹ ਇਕ ਗੰਭੀਰ ਗੱਲ ਹੋਣੀ ਚਾਹੀਦੀ ਹੈ ਕਿ ਯਸਾਯਾਹ ਦੇ ਇਹ ਸ਼ਬਦ ਭਾਵੇਂ ਪੁਰਾਣੇ ਯਹੂਦਾਹ ਉੱਤੇ ਛੋਟੇ ਪੱਧਰ ਤੇ ਪੂਰੇ ਹੋਏ ਸਨ, ਪਰ ਅੱਜ ਸਾਡੇ ਜ਼ਮਾਨੇ ਵਿਚ ਇਹ ਵੱਡੇ ਪੱਧਰ ਤੇ ਪੂਰੇ ਹੋ ਰਹੇ ਹਨ। ਜੀ ਹਾਂ, ਅੱਜ ਦੁਨੀਆਂ ਰੂਹਾਨੀ ਤੌਰ ਤੇ ਹਨੇਰੇ ਵਿਚ ਹੈ। ਇਸ ਖ਼ਤਰਨਾਕ ਹਾਲਤ ਵਿਚ ਰੂਹਾਨੀ ਚਾਨਣ ਦੀ ਬਹੁਤ ਹੀ ਜ਼ਿਆਦਾ ਲੋੜ ਹੈ। ਇਸੇ ਲਈ ਮਸੀਹੀਆਂ ਨੂੰ ਯਿਸੂ ਦੀ ਇਸ ਪ੍ਰੇਰਣਾ ਵੱਲ ਧਿਆਨ ਦੇਣਾ ਚਾਹੀਦਾ ਹੈ: “ਤੁਹਾਡਾ ਚਾਨਣ ਮਨੁੱਖਾਂ ਦੇ ਸਾਹਮਣੇ ਚਮਕੇ।” (ਮੱਤੀ 5:16) ਵਫ਼ਾਦਾਰ ਮਸੀਹੀ ਨਿਮਰ ਲੋਕਾਂ ਦੇ ਰੂਹਾਨੀ ਹਨੇਰੇ ਨੂੰ ਦੂਰ ਕਰ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਜ਼ਿੰਦਗੀ ਪ੍ਰਾਪਤ ਕਰਨ ਦਾ ਮੌਕਾ ਦੇ ਸਕਦੇ ਹਨ।​—ਯੂਹੰਨਾ 8:12.

4. ਯਸਾਯਾਹ ਦੀ ਭਵਿੱਖਬਾਣੀ ਪਹਿਲਾਂ ਕਦੋਂ ਪੂਰੀ ਹੋਈ, ਪਰ ਉਸ ਦੇ ਆਪਣੇ ਦਿਨਾਂ ਵਿਚ ਵੀ ਹਾਲਾਤ ਕਿਹੋ ਜਿਹੇ ਸਨ?

⁴ ਧਰਤੀ ਨੂੰ ਢੱਕ ਲੈਣ ਵਾਲੇ ਹਨੇਰੇ ਬਾਰੇ ਯਸਾਯਾਹ ਦੇ ਸ਼ਬਦ ਪਹਿਲਾਂ ਉਦੋਂ ਪੂਰੇ ਹੋਏ ਸਨ ਜਦੋਂ ਯਹੂਦਾਹ ਵਿਰਾਨ ਪਿਆ ਸੀ ਅਤੇ ਉਸ ਦੇ ਲੋਕ ਬਾਬਲ ਵਿਚ ਗ਼ੁਲਾਮ ਸਨ। ਪਰ ਇਸ ਤੋਂ ਵੀ ਪਹਿਲਾਂ, ਯਸਾਯਾਹ ਦੇ ਦਿਨਾਂ ਵਿਚ ਵੀ ਜ਼ਿਆਦਾਤਰ ਯਹੂਦੀ ਰੂਹਾਨੀ ਤੌਰ ਤੇ ਹਨੇਰੇ ਵਿਚ ਸਨ। ਇਸ ਕਾਰਨ ਯਸਾਯਾਹ ਨੇ ਆਪਣੇ ਹਮਵਤਨੀਆਂ ਨੂੰ ਕਿਹਾ ਸੀ: “ਹੇ ਯਾਕੂਬ ਦੇ ਘਰਾਣੇ, ਆਓ, ਅਤੇ ਅਸੀਂ ਯਹੋਵਾਹ ਦੇ ਚਾਨਣ ਵਿੱਚ ਚੱਲੀਏ”!​—ਯਸਾਯਾਹ 2:5; 5:20.