7. ਦਾਨੀਏਲ ਨੇ ਤਿੰਨਾਂ ਹਫ਼ਤਿਆਂ ਲਈ ਕੀ ਕੀਤਾ ਸੀ?

⁷ ਬਿਰਤਾਂਤ ਕਹਿੰਦਾ ਹੈ ਕਿ “ਮੈਂ ਦਾਨੀਏਲ ਉਨ੍ਹਾਂ ਦਿਨਾਂ ਵਿੱਚ ਤਿੰਨਾਂ ਸਾਤਿਆਂ ਤੋੜੀ ਸੋਗ ਕਰਦਾ ਰਿਹਾ। ਮੈਂ ਸੁਆਦ ਦੀ ਰੋਟੀ ਨਾ ਖਾਧੀ ਅਤੇ ਮੇਰੇ ਮੂੰਹ ਵਿੱਚ ਮਾਸ ਅਰ ਸ਼ਰਾਬ ਨਾ ਪਏ ਅਤੇ ਮੈਂ ਆਪਣੇ ਉੱਤੇ ਤੇਲ ਨਾ ਮਲਿਆ ਐਥੋਂ ਤੀਕਰ ਜੋ ਤਿੰਨ ਸਾਤੇ ਪੂਰੇ ਲੰਘ ਗਏ।” (ਦਾਨੀਏਲ 10:2, 3) ਸੋਗ ਅਤੇ ਵਰਤ ਰੱਖਣ ਦੇ ‘ਪੂਰੇ ਤਿੰਨ ਸਾਤੇ,’ ਜਾਂ 21 ਦਿਨ, ਆਮ ਨਾਲੋਂ ਜ਼ਿਆਦਾ ਹੀ ਲੰਬਾ ਸਮਾਂ ਸੀ। ਜ਼ਾਹਰ ਹੈ ਕਿ ਇਹ ਸਮਾਂ “ਪਹਿਲੇ ਮਹੀਨੇ ਦੇ ਚਵੀਏਂ ਦਿਨ” ਖ਼ਤਮ ਹੋਇਆ। (ਦਾਨੀਏਲ 10:4) ਇਸ ਲਈ ਦਾਨੀਏਲ ਦੇ ਵਰਤ ਰੱਖਣ ਦੇ ਸਮੇਂ ਦੌਰਾਨ, ਪਹਿਲੇ ਮਹੀਨੇ, ਨੀਸਾਨ ਦੇ 14ਵੇਂ ਦਿਨ ਤੇ ਪਸਾਹ ਅਤੇ ਇਸ ਦੇ ਮਗਰੋਂ ਮਨਾਇਆ ਜਾਣ ਵਾਲਾ ਪਤੀਰੀ ਰੋਟੀ ਦਾ ਸੱਤਾਂ ਦਿਨਾਂ ਦਾ ਤਿਉਹਾਰ ਵੀ ਸ਼ਾਮਲ ਸੀ।

9, 10. (ੳ) ਦਾਨੀਏਲ ਕਿੱਥੇ ਸੀ ਜਦੋਂ ਉਸ ਨੂੰ ਇਕ ਦਰਸ਼ਣ ਦਿੱਤਾ ਗਿਆ ਸੀ? (ਅ) ਦਾਨੀਏਲ ਨੇ ਦਰਸ਼ਣ ਵਿਚ ਕੀ ਦੇਖਿਆ ਸੀ?

⁹ ਯਹੋਵਾਹ ਦਾਨੀਏਲ ਨੂੰ ਨਿਰਾਸ਼ ਨਹੀਂ ਹੋਣ ਦਿੰਦਾ। ਉਹ ਦੱਸਦਾ ਹੈ ਕਿ ਅੱਗੇ ਕੀ ਹੁੰਦਾ ਹੈ: ‘ਜਦੋਂ ਮੈਂ ਵੱਡੇ ਦਰਿਆ ਦਜਲੇ [ਹਿੱਦਕਲ] ਦੇ ਕੰਢੇ ਉੱਤੇ ਸਾਂ ਅਤੇ ਮੈਂ ਅੱਖੀਆਂ ਉਘਾੜ ਕੇ ਡਿੱਠਾ ਅਤੇ ਕੀ ਵੇਖਦਾ ਹਾਂ ਜੋ ਇੱਕ ਮਨੁੱਖ ਸੂਤੀ ਲੀੜੇ ਪਾਏ ਹੋਏ ਜਿਹ ਦੇ ਲੱਕ ਨਾਲ ਊਫਾਜ਼ ਦੇ ਕੁੰਦਨ ਸੋਨੇ ਦੀ ਪੇਟੀ ਬੰਨ੍ਹੀ ਹੋਈ ਖਲੋਤਾ ਹੈ।’ (ਦਾਨੀਏਲ 10:4, 5) ਹਿੱਦਕਲ ਉਨ੍ਹਾਂ ਚਾਰ ਦਰਿਆਵਾਂ ਵਿੱਚੋਂ ਇਕ ਸੀ ਜੋ ਅਦਨ ਦੇ ਬਾਗ਼ ਵਿੱਚੋਂ ਵਹਿੰਦੇ ਸਨ। (ਉਤਪਤ 2:10-14) ਪ੍ਰਾਚੀਨ ਫ਼ਾਰਸੀ ਭਾਸ਼ਾ ਵਿਚ ਹਿੱਦਕਲ ਨੂੰ ਟਾਈਗਰਾ ਸੱਦਿਆ ਜਾਂਦਾ ਸੀ ਜਿਸ ਤੋਂ ਯੂਨਾਨੀ ਨਾਂ ਟਾਈਗ੍ਰਿਸ ਬਣਿਆ। ਫਰਾਤ ਅਤੇ ਟਾਈਗ੍ਰਿਸ ਦਰਿਆ ਦਾ ਵਿਚਕਾਰਲਾ ਇਲਾਕਾ ਮੇਸੋਪੋਟੇਮੀਆ ਸੱਦਿਆ ਜਾਣ ਲੱਗਿਆ, ਜਿਸ ਦਾ ਅਰਥ ਹੈ “ਦਰਿਆਵਾਂ ਵਿਚਕਾਰ ਜ਼ਮੀਨ।” ਇਸ ਤੋਂ ਪਤਾ ਲੱਗਦਾ ਹੈ ਕਿ ਜਦੋਂ ਦਾਨੀਏਲ ਨੂੰ ਇਹ ਦਰਸ਼ਣ ਮਿਲਿਆ, ਉਹ ਹਾਲੇ ਬੈਬੀਲੋਨੀਆ ਵਿਚ ਸੀ, ਭਾਵੇਂ ਸ਼ਾਇਦ ਬਾਬਲ ਸ਼ਹਿਰ ਵਿਚ ਨਹੀਂ।