⁸ “ਉੱਤਰ ਦਾ ਰਾਜਾ।” (ਦਾਨੀਏਲ 11:40-45 ਪੜ੍ਹੋ।) ਦਾਨੀਏਲ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਉਸ ਦੇ ਜ਼ਮਾਨੇ ਤੋਂ ਲੈ ਕੇ ਸਾਡੇ ਜ਼ਮਾਨੇ ਤਕ ਕਿਹੜੀਆਂ ਵਿਸ਼ਵ-ਸ਼ਕਤੀਆਂ ਆਉਣਗੀਆਂ। ਭਵਿੱਖਬਾਣੀ ਵਿਚ ਇਹ ਵੀ ਦੱਸਿਆ ਸੀ ਕਿ “ਉੱਤਰ ਦਾ ਰਾਜਾ” ਅਤੇ “ਦੱਖਣ ਦਾ ਰਾਜਾ” ਇਕ-ਦੂਜੇ ਨੂੰ ਹਰਾਉਣ ਲਈ ਆਪਸ ਵਿਚ ਲੜਦੇ ਰਹਿਣਗੇ। ਸਦੀਆਂ ਦੌਰਾਨ ਅਲੱਗ-ਅਲੱਗ ਦੇਸ਼ਾਂ ਨੇ ਇਨ੍ਹਾਂ ਦੋ ਰਾਜਿਆਂ ਨੂੰ ਦਰਸਾਇਆ ਹੈ। ਇਹ ਰਾਜੇ ਇਕ-ਦੂਜੇ ਤੋਂ ਉੱਪਰ ਉੱਠਣ ਲਈ ਲਗਾਤਾਰ ਸੰਘਰਸ਼ ਕਰਦੇ ਆਏ ਹਨ। “ਅੰਤ ਦੇ ਸਮੇਂ ਵਿਚ” ਉੱਤਰ ਦੇ ਰਾਜੇ ਦੇ ਆਖ਼ਰੀ ਹਮਲੇ ਬਾਰੇ ਦਾਨੀਏਲ ਨੇ ਕਿਹਾ: “ਉਹ ਬੜੇ ਗੁੱਸੇ ਨਾਲ ਬਹੁਤਿਆਂ ਨੂੰ ਨਾਸ਼ ਕਰਨ ਅਤੇ ਖ਼ਤਮ ਕਰਨ ਲਈ ਨਿਕਲੇਗਾ।” ਯਹੋਵਾਹ ਦੇ ਸੇਵਕ ਉੱਤਰ ਦੇ ਰਾਜੇ ਦਾ ਮੁੱਖ ਨਿਸ਼ਾਨਾ ਹਨ।c ਪਰ ਮਾਗੋਗ ਦੇ ਗੋਗ ਵਾਂਗ ਉੱਤਰ ਦਾ ਰਾਜਾ ਵੀ ਪਰਮੇਸ਼ੁਰ ਦੇ ਲੋਕਾਂ ਉੱਤੇ ਹਮਲਾ ਕਰਨ ਵਿਚ ਨਾਕਾਮ ਹੋਵੇਗਾ ਅਤੇ “ਉਸ ਦਾ ਅੰਤ ਹੋ ਜਾਵੇਗਾ।”