11. ਸਫ਼ਨਯਾਹ 1:8-11 ਵਿਚ ਸਾਨੂੰ ਕੀ ਦੱਸਿਆ ਗਿਆ ਹੈ?

¹¹ ਯਹੋਵਾਹ ਦੇ ਦਿਨ ਬਾਰੇ ਸਫ਼ਨਯਾਹ 1:8-11 ਕਹਿੰਦਾ ਹੈ: “ਯਹੋਵਾਹ ਦੀ ਬਲੀ ਦੇ ਦਿਨ ਇਉਂ ਹੋਵੇਗਾ, ਕਿ ਮੈਂ ਸਰਦਾਰਾਂ ਨੂੰ, ਪਾਤਸ਼ਾਹ ਦੇ ਪੁੱਤ੍ਰਾਂ ਨੂੰ, ਅਤੇ ਸਾਰਿਆਂ ਨੂੰ ਜਿਨ੍ਹਾਂ ਨੇ ਪਰਦੇਸ ਦੇ ਕੱਪੜੇ ਪਹਿਨੇ ਹੋਏ ਹਨ ਸਜ਼ਾ ਦਿਆਂਗਾ। ਉਸ ਦਿਨ ਮੈਂ ਓਹਨਾਂ ਸਾਰਿਆਂ ਨੂੰ ਸਜ਼ਾ ਦਿਆਂਗਾ, ਜੋ ਸਰਦਲ ਦੇ ਉੱਤੋਂ ਟੱਪਕਦੇ ਹਨ, ਜੋ ਆਪਣੇ ਮਾਲਕ ਦੇ ਘਰ ਨੂੰ ਅਨ੍ਹੇਰ ਅਤੇ ਛਲ ਨਾਲ ਭਰ ਦਿੰਦੇ ਹਨ। ਉਸ ਦਿਨ ਇਉਂ ਹੋਵੇਗਾ, ਯਹੋਵਾਹ ਦਾ ਵਾਕ ਹੈ, ਮੱਛੀ-ਫਾਟਕ ਤੋਂ ਦੁਹਾਈ ਦੀ ਅਵਾਜ਼ ਹੋਵੇਗੀ, ਦੂਜੇ ਮਹੱਲੇ ਸਿਆਪਾ, ਅਤੇ ਟਿੱਲਿਆਂ ਤੋਂ ਵੱਡਾ ਧੜਾਕਾ ਹੋਵੇਗਾ। ਹੇ ਮਕਤੇਸ਼ ਦੇ ਵਾਸੀਓ, ਸਿਆਪਾ ਕਰੋ! ਕਿਉਂ ਜੋ ਸਾਰੇ ਵਪਾਰੀ ਮੁਕਾਏ ਗਏ, ਚਾਂਦੀ ਦੇ ਸਾਰੇ ਚੁੱਕਣ ਵਾਲੇ ਕੱਟੇ ਗਏ।”

13. ਸਫ਼ਨਯਾਹ ਦੀ ਭਵਿੱਖਬਾਣੀ ਦੇ ਅਨੁਸਾਰ ਉਦੋਂ ਕੀ ਹੋਇਆ ਸੀ ਜਦੋਂ ਬਾਬਲੀਆਂ ਨੇ ਯਰੂਸ਼ਲਮ ਉੱਤੇ ਹਮਲਾ ਕੀਤਾ ਸੀ?

¹³ ਯਹੂਦਾਹ ਕੋਲੋਂ ਲੇਖਾ ਲੈਣ ਦਾ ‘ਉਹ ਦਿਨ,’ ਯਹੋਵਾਹ ਦੇ ਆਉਣ ਵਾਲੇ ਉਸ ਦਿਨ ਨਾਲ ਮੇਲ ਖਾਂਦਾ ਹੈ ਜਦੋਂ ਪਰਮੇਸ਼ੁਰ ਆਪਣੇ ਦੁਸ਼ਮਣਾਂ ਨੂੰ ਸਜ਼ਾ ਦੇਵੇਗਾ ਅਤੇ ਬੁਰਾਈ ਨੂੰ ਖ਼ਤਮ ਕਰ ਕੇ ਆਪਣੀ ਮਹਾਨਤਾ ਸਾਬਤ ਕਰੇਗਾ। ਜਦੋਂ ਬਾਬਲੀਆਂ ਨੇ ਯਰੂਸ਼ਲਮ ਉੱਤੇ ਹਮਲਾ ਕੀਤਾ ਸੀ, ਤਾਂ ਯਹੂਦਾਹ ਦੇ ਮੱਛੀ-ਫਾਟਕ ਤੋਂ ਦੁਹਾਈ ਦੀ ਆਵਾਜ਼ ਆਈ। ਇਸ ਨੂੰ ਮੱਛੀ-ਫਾਟਕ ਇਸ ਕਰਕੇ ਕਿਹਾ ਜਾਂਦਾ ਸੀ ਕਿਉਂਕਿ ਇਹ ਮੱਛੀ ਬਾਜ਼ਾਰ ਦੇ ਨੇੜੇ ਸੀ। (ਨਹਮਯਾਹ 13:16) ਬਾਬਲ ਦੀਆਂ ਫ਼ੌਜਾਂ ਸ਼ਹਿਰ ਦੇ ਦੂਜੇ ਮਹੱਲੇ ਵਿਚ ਦਾਖ਼ਲ ਹੋਈਆਂ ਸਨ ਅਤੇ “ਟਿੱਲਿਆਂ ਤੋਂ ਵੱਡਾ ਧੜਾਕਾ” ਸ਼ਾਇਦ ਉਨ੍ਹਾਂ ਦੇ ਪਹੁੰਚਣ ਦੀ ਆਵਾਜ਼ ਸੀ। ਅਤੇ ਮਕਤੇਸ਼ ਦੇ ਲੋਕਾਂ ਨੇ ਟਾਇਰੋਪੀ ਵਾਦੀ ਵਿਚ “ਸਿਆਪਾ” ਕੀਤਾ। ਉਨ੍ਹਾਂ ਨੇ ਸਿਆਪਾ ਇਸ ਲਈ ਕੀਤਾ ਕਿਉਂਕਿ ਉਨ੍ਹਾਂ ਦੇ ਸਾਰੇ ਵਪਾਰਕ ਧੰਦੇ ਬੰਦ ਹੋ ਗਏ ਸਨ ਅਤੇ ‘ਚਾਂਦੀ ਦੇ ਸਾਰੇ ਚੁੱਕਣ ਵਾਲਿਆਂ’ ਦਾ ਅੰਤ ਹੋ ਗਿਆ ਸੀ।