ਦਿਲਚਸਪੀ ਦੀ ਗੱਲ ਹੈ ਕਿ ਪ੍ਰਕਾਸ਼ ਦੀ ਕਿਤਾਬ 11:1, 2 ਇਨ੍ਹਾਂ ਘਟਨਾਵਾਂ ਦਾ ਸੰਬੰਧ ਉਸ ਸਮੇਂ ਨਾਲ ਜੋੜਦਾ ਹੈ ਜਦੋਂ ਪਰਮੇਸ਼ੁਰ ਦੇ ਮੰਦਰ ਨੂੰ ਮਿਣਿਆ ਯਾਨੀ ਜਾਂਚਿਆ ਗਿਆ ਸੀ। ਮਲਾਕੀ ਅਧਿਆਇ 3 ਵਿਚ ਵੀ ਪਰਮੇਸ਼ੁਰ ਦੇ ਮੰਦਰ ਦੀ ਇਸ ਤਰ੍ਹਾਂ ਦੀ ਜਾਂਚ ਬਾਰੇ ਦੱਸਿਆ ਗਿਆ ਹੈ। ਇਸ ਜਾਂਚ ਤੋਂ ਬਾਅਦ ਮੰਦਰ ਨੂੰ ਸ਼ੁੱਧ ਕੀਤਾ ਗਿਆ ਸੀ। (ਮਲਾ. 3:1-4) ਜਾਂਚ ਤੇ ਸ਼ੁੱਧ ਕਰਨ ਦਾ ਕੰਮ ਕਿੰਨੀ ਦੇਰ ਤਕ ਚੱਲਿਆ? 1914 ਤੋਂ ਲੈ ਕੇ 1919 ਦੇ ਸ਼ੁਰੂ ਤਕ। ਇਸ ਸਮੇਂ ਵਿਚ 1,260 ਦਿਨ (42 ਮਹੀਨੇ) ਅਤੇ ਸਾਢੇ ਤਿੰਨ ਦਿਨ (ਬਹੁਤ ਥੋੜ੍ਹਾ ਸਮਾਂ) ਸ਼ਾਮਲ ਸਨ ਜਿਨ੍ਹਾਂ ਦਾ ਜ਼ਿਕਰ ਪ੍ਰਕਾਸ਼ ਦੀ ਕਿਤਾਬ ਦੇ 11ਵੇਂ ਅਧਿਆਇ ਵਿਚ ਹੈ।