5, 6. ਯਿਸੂ ਦੀ ਪੂਰੀ ਗੱਲ ਅਨੁਸਾਰ, ਮੱਤੀ 18:15 ਕਿਨ੍ਹਾਂ ਪਾਪਾਂ ਬਾਰੇ ਗੱਲ ਕਰ ਰਿਹਾ ਹੈ, ਅਤੇ ਇਹ ਕਿਸ ਤਰ੍ਹਾਂ ਦਿਖਾਇਆ ਗਿਆ ਹੈ?

⁵ ਅਸਲ ਵਿਚ, ਯਿਸੂ ਦੀ ਸਲਾਹ ਜ਼ਿਆਦਾ ਗੰਭੀਰ ਮਾਮਲਿਆਂ ਨਾਲ ਸੰਬੰਧ ਰੱਖਦੀ ਹੈ। ਯਿਸੂ ਨੇ ਕਿਹਾ: “ਜੇ ਤੇਰਾ ਭਾਈ ਤੇਰਾ ਗੁਨਾਹ ਕਰੇ।” ਆਮ ਤੌਰ ਤੇ, ਕਿਸੇ ਵੀ ਗ਼ਲਤੀ ਜਾਂ ਭੁੱਲ ਨੂੰ “ਗੁਨਾਹ” ਜਾਂ ਪਾਪ ਕਿਹਾ ਜਾ ਸਕਦਾ ਹੈ। (ਅੱਯੂਬ 2:10; ਕਹਾਉਤਾਂ 21:4; ਯਾਕੂਬ 4:17) ਲੇਕਿਨ, ਯਿਸੂ ਦੀ ਪੂਰੀ ਗੱਲ ਤੋਂ ਪਤਾ ਲੱਗਦਾ ਹੈ ਕਿ ਜਿਸ ਪਾਪ ਬਾਰੇ ਉਹ ਗੱਲ ਕਰ ਰਿਹਾ ਸੀ ਉਹ ਜ਼ਰੂਰ ਗੰਭੀਰ ਸੀ। ਉਹ ਪਾਪ ਇੰਨਾ ਗੰਭੀਰ ਸੀ ਕਿ ਪਾਪੀ ਨੂੰ ‘ਪਰਾਈ ਕੌਮ ਵਾਲਾ ਅਤੇ ਮਸੂਲੀਏ ਵਰਗਾ’ ਵਿਚਾਰਿਆ ਜਾ ਸਕਦਾ ਸੀ। ਇਨ੍ਹਾਂ ਸ਼ਬਦਾਂ ਦਾ ਕੀ ਮਤਲਬ ਹੈ?

⁶ ਯਿਸੂ ਦੇ ਇਹ ਸ਼ਬਦ ਸੁਣਨ ਵਾਲੇ ਚੇਲੇ ਜਾਣਦੇ ਸਨ ਕਿ ਉਨ੍ਹਾਂ ਦੇ ਦੇਸ਼ਵਾਸੀ ਪਰਾਈਆਂ ਕੌਮਾਂ ਦਿਆਂ ਲੋਕਾਂ ਨਾਲ ਮਿਲਦੇ-ਜੁਲਦੇ ਨਹੀਂ ਸਨ। (ਯੂਹੰਨਾ 4:9; 18:28; ਰਸੂਲਾਂ ਦੇ ਕਰਤੱਬ 10:28) ਅਤੇ ਉਹ ਆਪਣੀ ਕੌਮ ਦੇ ਮਸੂਲੀਆਂ ਨੂੰ ਬਿਲਕੁਲ ਰੱਦ ਕਰਦੇ ਸਨ, ਜੋ ਲੋਕਾਂ ਦਾ ਫ਼ਾਇਦਾ ਉਠਾਉਂਦੇ ਸਨ। ਇਸ ਲਈ ਅਸਲ ਵਿਚ, ਮੱਤੀ 18:15-17 ਵਿਚ ਗੰਭੀਰ ਪਾਪਾਂ ਬਾਰੇ ਗੱਲ ਕੀਤੀ ਜਾਂਦੀ ਹੈ ਨਾ ਕਿ ਨਿੱਜੀ ਅਪਮਾਨ ਜਾਂ ਛੋਟੀ-ਮੋਟੀ ਗ਼ਲਤੀ ਬਾਰੇ ਜੋ ਕਿ ਮਾਫ਼ ਕੀਤੀ ਅਤੇ ਦਿਲੋਂ ਕੱਢੀ ਜਾ ਸਕਦੀ ਹੈ।—ਮੱਤੀ 18:21, 22.a