ਯਿਸੂ ਨੇ ਹੁਣੇ ਹੀ ਕਿਹਾ: “ਬਥੇਰੇ ਪਹਿਲੇ ਪਿਛਲੇ ਹੋਣਗੇ ਅਤੇ ਪਿਛਲੇ, ਪਹਿਲੇ।” ਹੁਣ ਉਹ ਇਸ ਨੂੰ ਇਕ ਕਹਾਣੀ ਦੁਆਰਾ ਸਮਝਾਉਂਦਾ ਹੈ। ਉਹ ਸ਼ੁਰੂ ਕਰਦਾ ਹੈ: “ਸੁਰਗ ਦਾ ਰਾਜ ਤਾਂ ਇੱਕ ਘਰ ਦੇ ਮਾਲਕ ਵਰਗਾ ਹੈ ਜਿਹੜਾ ਤੜਕੇ ਘਰੋਂ ਨਿੱਕਲਿਆ ਭਈ ਆਪਣੇ ਅੰਗੂਰੀ ਬਾਗ਼ ਵਿੱਚ ਮਜੂਰ ਲਾਵੇ।”

ਘਰ ਦਾ ਮਾਲਕ, ਜਾਂ ਅੰਗੂਰੀ ਬਾਗ਼ ਦਾ ਮਾਲਕ ਯਹੋਵਾਹ ਪਰਮੇਸ਼ੁਰ ਹੈ, ਅਤੇ ਅੰਗੂਰੀ ਬਾਗ਼ ਇਸਰਾਏਲ ਕੌਮ ਹੈ। ਅੰਗੂਰੀ ਬਾਗ਼ ਵਿਚ ਮਜ਼ਦੂਰ ਬਿਵਸਥਾ ਨੇਮ ਵਿਚ ਲਿਆਏ ਗਏ ਵਿਅਕਤੀ ਹਨ; ਇਹ ਖ਼ਾਸ ਤੌਰ ਤੇ ਉਹ ਯਹੂਦੀ ਹਨ ਜਿਹੜੇ ਰਸੂਲਾਂ ਦਿਆਂ ਦਿਨਾਂ ਵਿਚ ਰਹਿ ਰਹੇ ਹਨ। ਕੇਵਲ ਪੂਰੇ ਦਿਨ ਦੇ ਮਜ਼ਦੂਰਾਂ ਨਾਲ ਹੀ ਦਿਹਾੜੀ ਦਾ ਇਕਰਾਰ ਕੀਤਾ ਗਿਆ ਹੈ। ਦਿਨ ਭਰ ਦੇ ਕੰਮ ਦੀ ਮਜ਼ਦੂਰੀ ਇਕ ਦੀਨਾਰ ਹੈ। ਕਿਉਂਕਿ “ਪਹਿਰ­ਕੁ” ਸਵੇਰੇ ਦੇ ਨੌਂ ਵਜੇ ਹੈ, ਜਿਹੜੇ ਪਹਿਰ­ਕੁ, ਦੁਪਹਿਰ, ਤੀਏ ਪਹਿਰ, ਅਤੇ ਘੰਟਾਕੁ ਦਿਨ ਰਹਿੰਦੇ ਬੁਲਾਏ ਗਏ ਸਨ, ਉਹ ਕ੍ਰਮਵਾਰ ਕੇਵਲ 9, 6, 3, ਅਤੇ 1 ਘੰਟੇ ਲਈ ਕੰਮ ਕਰਦੇ ਹਨ।