9. ਯਿਸੂ ਨੇ ਕਿਹੜੀ ਗੱਲ ਦੱਸੀ, ਜਿਵੇਂ ਕਿ ਮੱਤੀ 24:36 ਵਿਚ ਦਰਜ ਹੈ?

⁹ ਪੂਰਵ-ਸੂਚਿਤ ਰਾਜ-ਪ੍ਰਚਾਰ ਕਾਰਜ ਅਤੇ ਯਿਸੂ ਦੀ ਮੌਜੂਦਗੀ ਦੇ ਲੱਛਣ ਦੀਆਂ ਦੂਜੀਆਂ ਵਿਸ਼ੇਸ਼ਤਾਵਾਂ ਇਸ ਸਮੇਂ ਪੂਰੀਆਂ ਹੋ ਰਹੀਆਂ ਹਨ। ਇਸ ਲਈ, ਇਸ ਦੁਸ਼ਟ ਰੀਤੀ-ਵਿਵਸਥਾ ਦਾ ਅੰਤ ਨੇੜੇ ਹੈ। ਸੱਚ ਹੈ ਕਿ ਯਿਸੂ ਨੇ ਕਿਹਾ: “ਉਸ ਦਿਨ ਅਤੇ ਘੜੀ ਨੂੰ ਕੋਈ ਨਹੀਂ ਜਾਣਦਾ, ਨਾ ਸੁਰਗ ਦੇ ਦੂਤ ਨਾ ਪੁੱਤ੍ਰ ਪਰ ਕੇਵਲ ਪਿਤਾ।” (ਮੱਤੀ 24:4-14, 36) ਪਰੰਤੂ ਯਿਸੂ ਦੀ ਭਵਿੱਖਬਾਣੀ ਸਾਨੂੰ “ਉਸ ਦਿਨ ਅਤੇ ਘੜੀ” ਲਈ ਤਿਆਰ ਹੋਣ ਵਿਚ ਮਦਦ ਕਰ ਸਕਦੀ ਹੈ।

14. ਯਹੋਵਾਹ ਨੇ ਨੂਹ ਨੂੰ ਆਖ਼ਰਕਾਰ ਕੀ ਦੱਸਿਆ, ਅਤੇ ਕਿਉਂ?

¹⁴ ਜਿਉਂ ਹੀ ਕਿਸ਼ਤੀ ਤਿਆਰ ਹੋਣ ਵਾਲੀ ਸੀ, ਨੂਹ ਨੇ ਸ਼ਾਇਦ ਵਿਚਾਰ ਕੀਤਾ ਹੋਵੇ ਕਿ ਜਲ-ਪਰਲੋ ਨੇੜੇ ਹੈ, ਭਾਵੇਂ ਕਿ ਉਸ ਨੂੰ ਪਤਾ ਨਹੀਂ ਸੀ ਕਿ ਇਹ ਠੀਕ ਕਿਸ ਸਮੇਂ ਆਵੇਗੀ। ਆਖ਼ਰਕਾਰ ਯਹੋਵਾਹ ਨੇ ਉਸ ਨੂੰ ਦੱਸਿਆ: “ਸੱਤ ਦਿਨ ਅਜੇ ਬਾਕੀ ਹਨ ਤਾਂ ਮੈਂ ਧਰਤੀ ਉੱਤੇ ਚਾਲੀ ਦਿਨ ਅਰ ਚਾਲੀ ਰਾਤ ਮੀਂਹ ਵਰ੍ਹਾਉਣ ਵਾਲਾ ਹਾਂ।” (ਉਤਪਤ 7:4) ਇਸ ਤੋਂ ਨੂਹ ਅਤੇ ਉਸ ਦੇ ਪਰਿਵਾਰ ਨੂੰ ਇੰਨਾ ਸਮਾਂ ਮਿਲਿਆ ਕਿ ਉਹ ਜਲ-ਪਰਲੋ ਆਉਣ ਤੋਂ ਪਹਿਲਾਂ ਸਭ ਪ੍ਰਕਾਰ ਦੇ ਜਾਨਵਰਾਂ ਨੂੰ ਕਿਸ਼ਤੀ ਦੇ ਅੰਦਰ ਲੈ ਜਾਣ ਅਤੇ ਖ਼ੁਦ ਵੀ ਦਾਖ਼ਲ ਹੋਣ। ਸਾਨੂੰ ਇਹ ਜਾਣਨ ਦੀ ਲੋੜ ਨਹੀਂ ਹੈ ਕਿ ਇਸ ਵਿਵਸਥਾ ਦਾ ਵਿਨਾਸ਼ ਕਿਹੜੇ ਦਿਨ ਅਤੇ ਘੜੀ ਸ਼ੁਰੂ ਹੋਵੇਗਾ; ਜਾਨਵਰਾਂ ਦਾ ਬਚਾਉ ਸਾਨੂੰ ਨਹੀਂ ਸੌਂਪਿਆ ਗਿਆ ਹੈ, ਅਤੇ ਸੰਭਾਵੀ ਬਚਣ ਵਾਲੇ ਮਾਨਵ ਪਹਿਲਾਂ ਤੋਂ ਹੀ ਪ੍ਰਤੀਕਾਤਮਕ ਕਿਸ਼ਤੀ, ਅਰਥਾਤ ਪਰਮੇਸ਼ੁਰ ਦੇ ਲੋਕਾਂ ਦੇ ਅਧਿਆਤਮਿਕ ਪਰਾਦੀਸ ਵਿਚ ਦਾਖ਼ਲ ਹੋ ਰਹੇ ਹਨ।