“ਵੇਖੋ ਮੇਰਾ ਸੇਵਕ ਜਿਹ ਨੂੰ ਮੈਂ ਚੁਣਿਆ ਹੈ, ਮੇਰਾ ਪਿਆਰਾ ਜਿਸ ਤੋਂ ਮੇਰਾ ਜੀ ਪਰਸਿੰਨ ਹੈ। ਮੈਂ ਆਪਣਾ ਆਤਮਾ ਉਹ ਦੇ ਉੱਤੇ ਰੱਖਾਂਗਾ, ਅਤੇ ਉਹ ਪਰਾਈਆਂ ਕੌਮਾਂ ਨੂੰ ਨਿਆਉਂ ਦੀ ਖ਼ਬਰ ਕਰੇਗਾ। ਉਹ ਨਾ ਝਗੜਾ ਕਰੇਗਾ, ਨਾ ਉੱਚੀ ਬੋਲੇਗਾ, ਨਾ ਚੌਂਕਾਂ ਵਿੱਚ ਕੋਈ ਉਹ ਦੀ ਅਵਾਜ਼ ਸੁਣੇਗਾ। ਉਹ ਲਿਤਾੜੇ ਹੋਏ ਕਾਨੇ ਨੂੰ ਨਾ ਤੋੜੇਗਾ, ਨਾ ਧੁਖਦੀ ਹੋਈ ਸਣ ਨੂੰ ਬੁਝਾਵੇਗਾ, ਜਦ ਤੀਕ ਨਿਆਉਂ ਦੀ ਫਤਹ ਨਾ ਕਰਾ ਦੇਵੇ, ਅਤੇ ਉਹ ਦੇ ਨਾਮ ਉੱਤੇ ਪਰਾਈਆਂ ਕੌਮਾਂ ਆਸ ਰੱਖਣਗੀਆਂ।”

ਨਾਲੇ, ਯਿਸੂ ਉਨ੍ਹਾਂ ਲੋਕਾਂ ਲਈ ਦਿਲਾਸੇ ਵਾਲਾ ਆਪਣਾ ਸੰਦੇਸ਼ ਲਿਆਉਂਦਾ ਹੈ ਜੋ ­ਲਾਖਣਿਕ ਤੌਰ ਤੇ ਝੁਕੇ ਹੋਏ ਅਤੇ ਪੈਰਾਂ ਹੇਠ ਮਿਧੇ ਗਏ, ਲਿਤਾੜੇ ਹੋਏ ਕਾਨੇ ਵਾਂਗ ਹਨ। ਉਹ ਇਕ ਧੁਖਦੀ ਹੋਈ ਸਣ ਵਰਗੇ ਹਨ, ਜਿਸ ਦੇ ਜੀਵਨ ਦੀ ਆਖ਼ਰੀ ਚੰਗਿਆੜੀ ਲਗਭਗ ਬੁੱਝ ਗਈ ਹੈ। ਯਿਸੂ ਲਿਤਾੜੇ ਹੋਏ ਕਾਨੇ ਨੂੰ ਤੋੜਦਾ ਨਹੀਂ ਹੈ ਅਤੇ ਨਾ ਹੀ ਟਿਮਕਾਉਂਦੇ, ਧੂੰਆਂ ਛੱਡਦੇ ਹੋਏ ਸਣ ਨੂੰ ਬੁਝਾਉਂਦਾ ਹੈ। ਪਰੰਤੂ ਕੋਮਲਤਾ ਅਤੇ ਪਿਆਰ ਨਾਲ, ਉਹ ਦੀਨ ਵਿਅਕਤੀਆਂ ਨੂੰ ਕੁਸ਼ਲਤਾ ਸਹਿਤ ਉੱਪਰ ਚੁੱਕਦਾ ਹੈ। ਸੱਚ-ਮੁੱਚ, ਯਿਸੂ ਹੀ ਉਹੋ ਹੈ ਜਿਸ ਵਿਚ ਕੌਮਾਂ ਆਸ ਰੱਖ ਸਕਦੀਆਂ ਹਨ! ਮੱਤੀ 12:​15-21; ਮਰਕੁਸ 3:​7-12; ਯਸਾਯਾਹ 42:​1-4.