3, 4. (ੳ) ਪਹਿਲੀਆਂ ਦੋ ਪਰੀਖਿਆਵਾਂ ਦੇ ਸ਼ੁਰੂ ਵਿਚ ਸ਼ੈਤਾਨ ਕੀ ਕਹਿੰਦਾ ਹੈ ਅਤੇ ਉਹ ਯਿਸੂ ਦੇ ਮਨ ਵਿਚ ਕਿਹੜਾ ਸ਼ੱਕ ਪੈਦਾ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ? (ਅ) ਸ਼ੈਤਾਨ ਅੱਜ ਵੀ ਅਜਿਹੀਆਂ ਚਾਲਾਂ ਕਿਵੇਂ ਚੱਲਦਾ ਹੈ?

³ ਮੱਤੀ 4:1-7 ਪੜ੍ਹੋ। ਸ਼ੈਤਾਨ ਨੇ ਪਹਿਲੀਆਂ ਦੋ ਪਰੀਖਿਆਵਾਂ ਵੇਲੇ ਚਲਾਕੀ ਨਾਲ ਕਿਹਾ, “ਜੇ ਤੂੰ ਪਰਮੇਸ਼ੁਰ ਦਾ ਪੁੱਤਰ ਹੈਂ।” ਕੀ ਸ਼ੈਤਾਨ ਨੂੰ ਸ਼ੱਕ ਸੀ ਕਿ ਯਿਸੂ ਪਰਮੇਸ਼ੁਰ ਦਾ ਪੁੱਤਰ ਹੈ? ਨਹੀਂ। ਇਹ ਬਗਾਵਤੀ ਦੂਤ ਚੰਗੀ ਤਰ੍ਹਾਂ ਜਾਣਦਾ ਸੀ ਕਿ ਯਿਸੂ ਹੀ ਪਰਮੇਸ਼ੁਰ ਦਾ ਜੇਠਾ ਪੁੱਤਰ ਹੈ। (ਕੁਲੁ. 1:15) ਬਿਨਾਂ ਸ਼ੱਕ, ਸ਼ੈਤਾਨ ਉਹ ਸ਼ਬਦ ਚੰਗੀ ਤਰ੍ਹਾਂ ਜਾਣਦਾ ਸੀ ਜੋ ਯਹੋਵਾਹ ਨੇ ਯਿਸੂ ਦੇ ਬਪਤਿਸਮੇ ਸਮੇਂ ਸਵਰਗੋਂ ਕਹੇ ਸਨ: “ਇਹ ਮੇਰਾ ਪਿਆਰਾ ਪੁੱਤਰ ਹੈ ਜਿਸ ਤੋਂ ਮੈਂ ਖ਼ੁਸ਼ ਹਾਂ।” (ਮੱਤੀ 3:17) ਸ਼ਾਇਦ ਸ਼ੈਤਾਨ ਯਿਸੂ ਦੇ ਮਨ ਵਿਚ ਸ਼ੱਕ ਪਾਉਣਾ ਚਾਹੁੰਦਾ ਸੀ ਕਿ ਉਸ ਦਾ ਪਿਤਾ ਭਰੋਸੇ ਦੇ ਲਾਇਕ ਹੈ ਜਾਂ ਨਹੀਂ ਅਤੇ ਉਹ ਸੱਚ-ਮੁੱਚ ਉਸ ਦੀ ਪਰਵਾਹ ਕਰਦਾ ਹੈ ਜਾਂ ਨਹੀਂ। ਜਦੋਂ ਸ਼ੈਤਾਨ ਨੇ ਪਹਿਲੀ ਪਰੀਖਿਆ ਲੈਂਦਿਆਂ ਉਸ ਨੂੰ ਪੱਥਰਾਂ ਨੂੰ ਰੋਟੀਆਂ ਬਣਾਉਣ ਲਈ ਕਿਹਾ, ਤਾਂ ਉਹ ਅਸਲ ਵਿਚ ਕਹਿ ਰਿਹਾ ਸੀ: ‘ਤੂੰ ਤਾਂ ਪਰਮੇਸ਼ੁਰ ਦਾ ਪੁੱਤਰ ਹੈਂ, ਤਾਂ ਫਿਰ ਤੇਰਾ ਪਿਤਾ ਤੈਨੂੰ ਇਸ ਉਜਾੜ ਵਿਚ ਰੋਟੀ ਕਿਉਂ ਨਹੀਂ ਖਿਲਾਉਂਦਾ?’ ਜਦੋਂ ਉਸ ਨੇ ਦੂਜੀ ਪਰੀਖਿਆ ਲੈਂਦੇ ਹੋਏ ਯਿਸੂ ਨੂੰ ਮੰਦਰ ਦੀ ਉੱਚੀ ਕੰਧ ਤੋਂ ਛਾਲ ਮਾਰਨ ਲਈ ਕਿਹਾ, ਤਾਂ ਉਹ ਅਸਲ ਵਿਚ ਕਹਿ ਰਿਹਾ ਸੀ: ‘ਤੂੰ ਤਾਂ ਪਰਮੇਸ਼ੁਰ ਦਾ ਪੁੱਤਰ ਹੈਂ, ਤਾਂ ਫਿਰ ਕੀ ਤੈਨੂੰ ਪੂਰਾ ਭਰੋਸਾ ਹੈ ਕਿ ਤੇਰਾ ਪਿਤਾ ਤੈਨੂੰ ਬਚਾ ਲਵੇਗਾ?’

5. ਯਿਸੂ ਨੇ ਪਹਿਲੀਆਂ ਦੋ ਪਰੀਖਿਆਵਾਂ ਦੌਰਾਨ ਕੀ ਕੀਤਾ?

⁵ ਗੌਰ ਕਰੋ ਕਿ ਯਿਸੂ ਨੇ ਪਹਿਲੀਆਂ ਦੋ ਪਰੀਖਿਆਵਾਂ ਦੌਰਾਨ ਕੀ ਕੀਤਾ। ਉਸ ਨੂੰ ਆਪਣੇ ਪਿਤਾ ਦੇ ਪਿਆਰ ʼਤੇ ਜ਼ਰਾ ਵੀ ਸ਼ੱਕ ਨਹੀਂ ਸੀ, ਸਗੋਂ ਉਸ ਨੂੰ ਆਪਣੇ ਪਿਤਾ ʼਤੇ ਪੂਰਾ ਭਰੋਸਾ ਸੀ। ਯਿਸੂ ਨੇ ਆਪਣੇ ਪਿਤਾ ਦੇ ਬਚਨ ਵਿੱਚੋਂ ਹਵਾਲੇ ਦੇ ਕੇ ਝੱਟ ਸ਼ੈਤਾਨ ਦੀ ਗੱਲ ਨੂੰ ਰੱਦ ਕੀਤਾ। ਯਿਸੂ ਨੇ ਉਹੀ ਆਇਤਾਂ ਵਰਤੀਆਂ ਜਿਨ੍ਹਾਂ ਵਿਚ ਪਰਮੇਸ਼ੁਰ ਦਾ ਨਾਂ ਯਹੋਵਾਹ ਦਿੱਤਾ ਗਿਆ ਹੈ। (ਬਿਵ. 6:16; 8:3) ਪਰਮੇਸ਼ੁਰ ਦੇ ਪੁੱਤਰ ਨੇ ਆਪਣੇ ਪਿਤਾ ਦਾ ਨਾਂ ਵਰਤ ਕੇ ਦਿਖਾਇਆ ਕਿ ਉਸ ਨੂੰ ਆਪਣੇ ਪਿਤਾ ʼਤੇ ਪੂਰਾ ਭਰੋਸਾ ਸੀ। ਇਹ ਨਾਂ ਇਸ ਗੱਲ ਦੀ ਗਾਰੰਟੀ ਹੈ ਕਿ ਯਹੋਵਾਹ ਆਪਣੇ ਸਾਰੇ ਵਾਅਦੇ ਜ਼ਰੂਰ ਪੂਰੇ ਕਰੇਗਾ।a