ਤਾੜਨਾ ਮਿਲਣ ਦੇ ਬਾਵਜੂਦ ਵਫ਼ਾਦਾਰ ਰਿਹਾ

11. ਯਿਸੂ ਆਪਣੇ ਚੇਲਿਆਂ ਨਾਲ ਕਿੱਥੇ ਗਿਆ? (ਫੁਟਨੋਟ ਵੀ ਦੇਖੋ।)

¹¹ ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਯਿਸੂ ਆਪਣੇ ਰਸੂਲਾਂ ਅਤੇ ਕੁਝ ਚੇਲਿਆਂ ਨੂੰ ਕਫ਼ਰਨਾਹੂਮ ਤੋਂ ਉੱਤਰ ਵੱਲ ਇਕ ਲੰਬੇ ਸਫ਼ਰ ʼਤੇ ਲੈ ਗਿਆ। ਵਾਅਦਾ ਕੀਤੇ ਹੋਏ ਦੇਸ਼ ਦੀ ਉੱਤਰੀ ਹੱਦ ʼਤੇ ਬਰਫ਼ ਨਾਲ ਢਕਿਆ ਹਰਮੋਨ ਪਰਬਤ ਕਈ ਵਾਰ ਗਲੀਲ ਦੀ ਝੀਲ ਤੋਂ ਵੀ ਦਿਖਾਈ ਦਿੰਦਾ ਸੀ। ਯਿਸੂ ਤੇ ਉਸ ਦੇ ਚੇਲੇ ਕੈਸਰੀਆ ਫ਼ਿਲਿੱਪੀ ਦੇ ਨੇੜੇ ਉਚਾਈ ʼਤੇ ਵੱਸੇ ਪਿੰਡਾਂ ਨੂੰ ਜਾ ਰਹੇ ਸਨ ਜਿੱਥੋਂ ਹਰਮੋਨ ਪਰਬਤ ਨੇੜੇ ਹੀ ਸੀ।b ਇੱਥੋਂ ਵਾਅਦਾ ਕੀਤੇ ਹੋਏ ਦੇਸ਼ ਦਾ ਨਜ਼ਾਰਾ ਦਿਖਾਈ ਦਿੰਦਾ ਸੀ। ਇਸ ਖ਼ੂਬਸੂਰਤ ਜਗ੍ਹਾ ਤੇ ਯਿਸੂ ਨੇ ਆਪਣੇ ਚੇਲਿਆਂ ਤੋਂ ਇਕ ਅਹਿਮ ਸਵਾਲ ਪੁੱਛਿਆ।

12, 13. (ੳ) ਯਿਸੂ ਕਿਉਂ ਜਾਣਨਾ ਚਾਹੁੰਦਾ ਸੀ ਕਿ ਲੋਕ ਉਸ ਬਾਰੇ ਕੀ ਸੋਚਦੇ ਸਨ? (ਅ) ਪਤਰਸ ਦੇ ਜਵਾਬ ਤੋਂ ਉਸ ਦੀ ਸੱਚੀ ਨਿਹਚਾ ਦਾ ਸਬੂਤ ਕਿਵੇਂ ਮਿਲਦਾ ਹੈ?

¹² ਯਿਸੂ ਨੇ ਪੁੱਛਿਆ: “ਲੋਕਾਂ ਮੁਤਾਬਕ ਮੈਂ ਕੌਣ ਹਾਂ?” ਕਲਪਨਾ ਕਰੋ ਕਿ ਪਤਰਸ ਯਿਸੂ ਵੱਲ ਬੜੇ ਗੌਹ ਨਾਲ ਤਕਦਾ ਹੋਇਆ ਸੋਚ ਰਿਹਾ ਹੈ ਕਿ ਉਸ ਦਾ ਮਾਲਕ ਕਿੰਨਾ ਦਇਆਵਾਨ ਅਤੇ ਬੁੱਧੀਮਾਨ ਹੈ। ਯਿਸੂ ਜਾਣਨਾ ਚਾਹੁੰਦਾ ਸੀ ਕਿ ਉਸ ਦੇ ਕੰਮਾਂ ਅਤੇ ਗੱਲਾਂ ਕਰਕੇ ਲੋਕਾਂ ਦਾ ਉਸ ਬਾਰੇ ਕੀ ਨਜ਼ਰੀਆ ਸੀ। ਯਿਸੂ ਦੇ ਚੇਲਿਆਂ ਨੇ ਜਵਾਬ ਵਿਚ ਦੱਸਿਆ ਕਿ ਲੋਕ ਉਸ ਦੇ ਬਾਰੇ ਕਿਹੜੀਆਂ ਗ਼ਲਤ ਧਾਰਣਾਵਾਂ ਰੱਖਦੇ ਸਨ। ਪਰ ਯਿਸੂ ਕੁਝ ਹੋਰ ਵੀ ਜਾਣਨਾ ਚਾਹੁੰਦਾ ਸੀ। ਕੀ ਉਸ ਦੇ ਕਰੀਬੀ ਚੇਲੇ ਵੀ ਉਸ ਬਾਰੇ ਇੱਦਾਂ ਹੀ ਸੋਚਦੇ ਸਨ? ਉਸ ਨੇ ਉਨ੍ਹਾਂ ਤੋਂ ਪੁੱਛਿਆ: “ਪਰ ਤੁਹਾਡੇ ਮੁਤਾਬਕ ਮੈਂ ਕੌਣ ਹਾਂ?”​—ਲੂਕਾ 9:18-20.