6. (ੳ) ਯਿਸੂ ਨੇ ਰੂਪਾਂਤਰਣ ਨੂੰ ਦਰਸ਼ਣ ਕਿਉਂ ਕਿਹਾ? (ਅ) ਰੂਪਾਂਤਰਣ ਨੇ ਕਿਸ ਚੀਜ਼ ਦੀ ਪੂਰਵ-ਝਲਕ ਦਿੱਤੀ?

⁶ ਇਹ ਹੈਰਾਨੀਜਨਕ ਘਟਨਾ ਸ਼ਾਇਦ ਹਰਮੋਨ ਪਹਾੜ ਦੀ ਇਕ ਟੀਸੀ ਉੱਤੇ ਵਾਪਰੀ ਸੀ ਜਿੱਥੇ ਯਿਸੂ ਅਤੇ ਉਸ ਦੇ ਤਿੰਨ ਚੇਲਿਆਂ ਨੇ ਰਾਤ ਬਿਤਾਈ ਸੀ। ਯਕੀਨਨ ਇਹ ਰੂਪਾਂਤਰਣ ਰਾਤ ਨੂੰ ਹੋਇਆ ਹੋਵੇਗਾ ਜਿਸ ਕਰਕੇ ਇਹ ਹੋਰ ਵੀ ਸਪੱਸ਼ਟ ਦਿਖਾਈ ਦਿੱਤਾ। ਯਿਸੂ ਨੇ ਰੂਪਾਂਤਰਣ ਨੂੰ ਇਸ ਲਈ “ਦਰਸ਼ਣ” ਕਿਹਾ ਕਿਉਂਕਿ ਮੂਸਾ ਅਤੇ ਏਲੀਯਾਹ ਜੋ ਬਹੁਤ ਪਹਿਲਾਂ ਮਰ ਚੁੱਕੇ ਸਨ, ਸੱਚੀ-ਮੁੱਚੀ ਉੱਥੇ ਮੌਜੂਦ ਨਹੀਂ ਸਨ। ਅਸਲ ਵਿਚ ਸਿਰਫ਼ ਮਸੀਹ ਹੀ ਉੱਥੇ ਮੌਜੂਦ ਸੀ। (ਮੱਤੀ 17:8, 9) ਇਸ ਹੈਰਾਨੀਜਨਕ ਰੂਪਾਂਤਰਣ ਨੇ ਪਤਰਸ, ਯਾਕੂਬ ਅਤੇ ਯੂਹੰਨਾ ਨੂੰ ਰਾਜ-ਸੱਤਾ ਵਿਚ ਯਿਸੂ ਦੀ ਮਹਿਮਾਵਾਨ ਮੌਜੂਦਗੀ ਦੀ ਇਕ ਸ਼ਾਨਦਾਰ ਪੂਰਵ-ਝਲਕ ਦਿੱਤੀ। ਮੂਸਾ ਅਤੇ ਏਲੀਯਾਹ ਨੇ ਯਿਸੂ ਦੇ ਮਸਹ ਕੀਤੇ ਹੋਏ ਸੰਗੀ ਵਾਰਸਾਂ ਨੂੰ ਦਰਸਾਇਆ। ਇਸ ਦਰਸ਼ਣ ਨੇ ਯਿਸੂ ਦੁਆਰਾ ਆਪਣੇ ਰਾਜ ਅਤੇ ਭਾਵੀ ਸ਼ਾਸਨ ਬਾਰੇ ਦਿੱਤੀ ਗਵਾਹੀ ਦੀ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਪੁਸ਼ਟੀ ਕੀਤੀ।

8. (ੳ) ਆਪਣੇ ਪੁੱਤਰ ਬਾਰੇ ਪਰਮੇਸ਼ੁਰ ਦੀ ਘੋਸ਼ਣਾ ਕਿਸ ਵੱਲ ਧਿਆਨ ਕੇਂਦ੍ਰਿਤ ਕਰਦੀ ਹੈ? (ਅ) ਰੂਪਾਂਤਰਣ ਵਿਚ ਦਿਸੇ ਬੱਦਲ ਨੇ ਕਿਸ ਗੱਲ ਵੱਲ ਇਸ਼ਾਰਾ ਕੀਤਾ?

⁸ ਪਰਮੇਸ਼ੁਰ ਦਾ ਇਹ ਐਲਾਨ ਬਹੁਤ ਮਹੱਤਵਪੂਰਣ ਸੀ: “ਇਹ ਮੇਰਾ ਪਿਆਰਾ ਪੁੱਤ੍ਰ ਹੈ ਜਿਸ ਤੋਂ ਮੈਂ ਪਰਸਿੰਨ ਹਾਂ। ਉਹ ਦੀ ਸੁਣੋ।” ਇਹ ਘੋਸ਼ਣਾ ਪਰਮੇਸ਼ੁਰ ਵੱਲੋਂ ਸਿੰਘਾਸਣ ਉੱਤੇ ਬਿਠਾਏ ਗਏ ਰਾਜੇ ਵਜੋਂ ਯਿਸੂ ਉੱਤੇ ਧਿਆਨ ਕੇਂਦ੍ਰਿਤ ਕਰਦੀ ਹੈ, ਜਿਸ ਪ੍ਰਤੀ ਸਾਰੀ ਸ੍ਰਿਸ਼ਟੀ ਨੇ ਪੂਰੀ ਆਗਿਆਕਾਰਤਾ ਦਿਖਾਉਣੀ ਹੈ। ਉਨ੍ਹਾਂ ਉੱਤੇ ਬੱਦਲ ਛਾ ਜਾਣ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਇਸ ਦਰਸ਼ਣ ਦੀ ਪੂਰਤੀ ਅਦਿੱਖ ਹੋਵੇਗੀ। ਉਹੀ ਲੋਕ ਆਪਣੀਆਂ ਸਮਝ ਦੀਆਂ ਅੱਖਾਂ ਨਾਲ ਇਸ ਨੂੰ ਦੇਖ ਸਕਣਗੇ ਜੋ ਰਾਜ-ਸੱਤਾ ਵਿਚ ਯਿਸੂ ਦੀ ਅਦਿੱਖ ਮੌਜੂਦਗੀ ਦੇ “ਲੱਛਣ” ਨੂੰ ਪਛਾਣਦੇ ਹਨ। (ਮੱਤੀ 24:3) ਅਸਲ ਵਿਚ ਯਿਸੂ ਦਾ ਇਹ ਹੁਕਮ ਕਿ ਇਸ ਦਰਸ਼ਣ ਬਾਰੇ ਕਿਸੇ ਨੂੰ ਤਦ ਤਕ ਨਾ ਦੱਸਿਆ ਜਾਵੇ ਜਦ ਤਕ ਉਹ ਮੁਰਦਿਆਂ ਵਿੱਚੋਂ ਜੀ ਨਾ ਉੱਠੇ, ਇਸ ਗੱਲ ਨੂੰ ਸੂਚਿਤ ਕਰਦਾ ਹੈ ਕਿ ਉਸ ਦੀ ਮਹਿਮਾ ਅਤੇ ਵਡਿਆਈ ਉਸ ਦੇ ਪੁਨਰ-ਉਥਾਨ ਤੋਂ ਬਾਅਦ ਹੋਵੇਗੀ।