ਆਪਣੇ ਚੇਲਿਆਂ ਵੱਲ ਆਪਣੀਆਂ ਟਿੱਪਣੀਆਂ ਨਿਰਦੇਸ਼ਿਤ ਕਰਦੇ ਹੋਏ, ਯਿਸੂ ਸ਼ੁਰੂ ਕਰਦਾ ਹੈ: “ਖ਼ੁਸ਼ ਹੋ ਤੁਸੀਂ ਜੋ ਗ਼ਰੀਬ ਹੋ, ਕਿਉਂ ਜੋ ਪਰਮੇਸ਼ੁਰ ਦਾ ਰਾਜ ਤੁਹਾਡਾ ਹੈ। ਖ਼ੁਸ਼ ਹੋ ਤੁਸੀਂ ਜੋ ਹੁਣ ਭੁੱਖੇ ਹੋ, ਕਿਉਂ ਜੋ ਤੁਸੀਂ ਰੱਜਾਏ ਜਾਉਗੇ। ਖ਼ੁਸ਼ ਹੋ ਤੁਸੀਂ ਜੋ ਹੁਣ ਰੋਂਦੇ ਹੋ, ਕਿਉਂ ਜੋ ਤੁਸੀਂ ਹੱਸੋਗੇ। ਖ਼ੁਸ਼ ਹੋ ਤੁਸੀਂ ਜਦੋਂ ਮਨੁੱਖ ਤੁਹਾਡੇ ਨਾਲ ਵੈਰ ਰੱਖਣ . . . ਉਸ ਦਿਨ ਆਨੰਦ ਕਰੋ ਅਤੇ ਉੱਛਲੋ, ਕਿਉਂ ਜੋ ਦੇਖੋ! ਤੁਹਾਡਾ ਫਲ ਸਵਰਗ ਵਿਚ ਵੱਡਾ ਹੈ।”​—⁠ਨਿ ਵ.

ਪਰੰਤੂ, ਖ਼ੁਸ਼ ਹੋਣ ਤੋਂ ਯਿਸੂ ਦਾ ਕੇਵਲ ਇਹ ਮਤਲਬ ਨਹੀਂ ਹੈ ਕਿ ਆਨੰਦਮਈ ਜਾਂ ਖ਼ੁਸ਼ਦਿਲ ਹੋਣਾ ਜਿਵੇਂ ਜਦੋਂ ਕੋਈ ਦਿਲਪਰਚਾਵਾ ਕਰਦਾ ਹੈ। ਸੱਚੀ ਖ਼ੁਸ਼ੀ ਜ਼ਿਆਦਾ ਗਹਿਰੀ ਹੁੰਦੀ ਹੈ, ਅਤੇ ਸੰਤੋਖ ਦਾ ਭਾਵ ਰੱਖਦੀ ਹੈ, ਅਰਥਾਤ ਜੀਵਨ ਵਿਚ ਸੰਤੁਸ਼ਟੀ ਅਤੇ ਪੂਰਤੀ ਦਾ ਭਾਵ।

ਯਿਸੂ ਦਾ ਕੀ ਮਤਲਬ ਹੈ? ਕਿਉਂ ਧਨਵਾਨ ਹੋਣਾ, ਹੱਸਦਿਆਂ ਹੋਇਆਂ ਆਨੰਦ ਦਾ ਪਿੱਛਾ ਕਰਨਾ, ਅਤੇ ਮਨੁੱਖਾਂ ਦੀ ਪ੍ਰਸ਼ੰਸਾ ਦਾ ਆਨੰਦ ਲੈਣਾ ਹਾਇ ਲਿਆਉਂਦੇ ਹਨ? ਇਹ ਇਸ ਲਈ ਹੈ ਕਿਉਂਕਿ ਜਦੋਂ ਇਕ ਵਿਅਕਤੀ ਕੋਲ ਇਹ ਚੀਜ਼ਾਂ ਹੁੰਦੀਆਂ ਹਨ ਅਤੇ ਉਹ ਇਨ੍ਹਾਂ ਨਾਲ ਹਿੱਤ ਕਰਦਾ ਹੈ ਤਦ ਪਰਮੇਸ਼ੁਰ ਦੀ ਸੇਵਾ, ਜੋ ਇਕੱਲੀ ਹੀ ਸੱਚੀ ਖ਼ੁਸ਼ੀ ਲਿਆਉਂਦੀ ਹੈ, ਉਸ ਦੀ ਜ਼ਿੰਦਗੀ ਵਿੱਚੋਂ ਛੇਕੀ ਜਾਂਦੀ ਹੈ। ਨਾਲ ਹੀ, ਯਿਸੂ ਦਾ ਇਹ ਮਤਲਬ ਨਹੀਂ ਸੀ ਕਿ ਗ਼ਰੀਬ ਹੋਣਾ, ਭੁੱਖੇ ਹੋਣਾ, ਅਤੇ ਗਮਗੀਣ ਹੋਣਾ ਇਕ ਵਿਅਕਤੀ ਨੂੰ ਖ਼ੁਸ਼ ਬਣਾਉਂਦਾ ਹੈ। ਪਰੰਤੂ, ਅਕਸਰ ਅਜਿਹੇ ਪਿਛੜੇ ਵਿਅਕਤੀ ਸ਼ਾਇਦ ਯਿਸੂ ਦੀ ਸਿੱਖਿਆ ਨੂੰ ਪ੍ਰਤਿਕ੍ਰਿਆ ਦਿਖਾਉਣ, ਅਤੇ ਸਿੱਟੇ ਵਜੋਂ, ਉਨ੍ਹਾਂ ਨੂੰ ਸੱਚੀ ਖ਼ੁਸ਼ੀ ਦੀ ਬਰਕਤ ਹਾਸਲ ਹੁੰਦੀ ਹੈ।