ਕੀ ਬਾਈਬਲ ਵਿਚ ਮਹਾਂਮਾਰੀਆਂ ਬਾਰੇ ਪਹਿਲਾਂ ਹੀ ਦੱਸਿਆ ਗਿਆ ਸੀ?

ਬਾਈਬਲ ਵਿਚ ਮਹਾਂਮਾਰੀਆਂ ਜਾਂ ਬੀਮਾਰੀਆਂ ਬਾਰੇ ਭਵਿੱਖਬਾਣੀ ਕੀਤੀ ਗਈ ਸੀ, ਪਰ ਬਾਈਬਲ ਵਿਚ ਕਿਤੇ ਵੀ ਕੋਰੋਨਾਵਾਇਰਸ (ਕੋਵਿਡ-19), ਏਡਜ਼ ਜਾਂ ਸਪੈਨਿਸ਼ ਫਲੂ ਵਰਗੀਆਂ ਬੀਮਾਰੀਆਂ ਦਾ ਜ਼ਿਕਰ ਨਹੀਂ ਕੀਤਾ ਗਿਆ। ਪਰ ਬਾਈਬਲ ਵਿਚ ਪਹਿਲਾਂ ਹੀ ਦੱਸਿਆ ਗਿਆ ਸੀ ਕਿ “ਮਹਾਂਮਾਰੀਆਂ” ਅਤੇ “ਜਾਨਲੇਵਾ ਬੀਮਾਰੀਆਂ” ਫੈਲਣਗੀਆਂ। (ਲੂਕਾ 21:11; ਪ੍ਰਕਾਸ਼ ਦੀ ਕਿਤਾਬ 6:8) ਇਹ ਘਟਨਾਵਾਂ ‘ਆਖ਼ਰੀ ਦਿਨਾਂ’ ਦੀ ਨਿਸ਼ਾਨੀ ਦਾ ਹਿੱਸਾ ਹਨ ਜਿਸ ਨੂੰ ‘ਯੁਗ ਦਾ ਆਖ਼ਰੀ ਸਮਾਂ’ ਵੀ ਕਿਹਾ ਗਿਆ ਹੈ।—2 ਤਿਮੋਥਿਉਸ 3:1; ਮੱਤੀ 24:3.