ਪਰਮੇਸ਼ੁਰ ਦੇ ਕ੍ਰੋਧ ਤੋਂ ਬਚਣਾ

4, 5. ਕਿਸ ਗੱਲ ਤੋਂ ਪਤਾ ਲੱਗਦਾ ਹੈ ਕਿ ਇਸ ਬੁਰੀ ਦੁਨੀਆਂ ਉੱਤੇ ਪਰਮੇਸ਼ੁਰ ਦਾ ਕ੍ਰੋਧ ਹੈ?

⁴ ਬਾਈਬਲ ਅਤੇ ਮਨੁੱਖੀ ਇਤਿਹਾਸ ਤੋਂ ਪਤਾ ਲੱਗਦਾ ਹੈ ਕਿ ਜਦੋਂ ਤੋਂ ਆਦਮ ਪਾਪ ਦਾ ਗ਼ੁਲਾਮ ਬਣਿਆ ਹੈ, ਤਦ ਤੋਂ ਪਰਮੇਸ਼ੁਰ ਦਾ ਕ੍ਰੋਧ ਮਨੁੱਖਜਾਤੀ ʼਤੇ ‘ਰਿਹਾ ਹੈ।’ (ਯੂਹੰ. 3:36) ਇਹ ਹਕੀਕਤ ਅਸੀਂ ਇਸ ਗੱਲ ਤੋਂ ਦੇਖ ਸਕਦੇ ਹਾਂ ਕਿ ਹਰ ਇਨਸਾਨ ਨੂੰ ਆਖ਼ਰ ਵਿਚ ਮਰਨਾ ਹੀ ਪੈਂਦਾ ਹੈ। ਸ਼ਤਾਨ ਦੀ ਹਕੂਮਤ ਇਨਸਾਨਾਂ ਨੂੰ ਬਿਪਤਾਵਾਂ ਤੋਂ ਬਚਾਉਣ ਵਿਚ ਪੂਰੀ ਤਰ੍ਹਾਂ ਨਾਕਾਮ ਰਹੀ ਹੈ ਅਤੇ ਕੋਈ ਵੀ ਇਨਸਾਨੀ ਸਰਕਾਰ ਆਪਣੇ ਨਾਗਰਿਕਾਂ ਦੀਆਂ ਬੁਨਿਆਦੀ ਲੋੜਾਂ ਪੂਰੀਆਂ ਨਹੀਂ ਕਰ ਪਾ ਰਹੀ। (1 ਯੂਹੰ. 5:19) ਇਸ ਲਈ ਮਨੁੱਖਜਾਤੀ ਯੁੱਧ, ਅਪਰਾਧ ਅਤੇ ਗ਼ਰੀਬੀ ਦੀ ਮਾਰ ਸਹਿ ਰਹੀ ਹੈ।

⁷ ਪੌਲੁਸ ਰਸੂਲ ਨੇ ਕਿਹਾ ਕਿ ਯਿਸੂ “ਸਾਨੂੰ ਆਉਣ ਵਾਲੇ ਕ੍ਰੋਧ ਤੋਂ ਬਚਾ ਲੈਂਦਾ ਹੈ।” (1 ਥੱਸ. 1:10) ਅਖ਼ੀਰ ਵਿਚ ਯਹੋਵਾਹ ਦੇ ਕ੍ਰੋਧ ਸਦਕਾ ਪਛਤਾਵਾ ਨਾ ਕਰਨ ਵਾਲੇ ਪਾਪੀਆਂ ਦਾ ਹਮੇਸ਼ਾ ਲਈ ਨਾਸ਼ ਹੋ ਜਾਵੇਗਾ। (2 ਥੱਸ. 1:6-9) ਕੌਣ ਬਚੇਗਾ? ਬਾਈਬਲ ਦੱਸਦੀ ਹੈ: “ਜਿਹੜਾ ਪੁੱਤ੍ਰ ਉੱਤੇ ਨਿਹਚਾ ਕਰਦਾ ਹੈ ਸਦੀਪਕ ਜੀਉਣ ਉਸ ਦਾ ਹੈ ਪਰ ਜੋ ਪੁੱਤ੍ਰ ਨੂੰ ਨਹੀਂ ਮੰਨਦਾ ਸੋ ਜੀਉਣ ਨਾ ਵੇਖੇਗਾ ਸਗੋਂ ਪਰਮੇਸ਼ੁਰ ਦਾ ਕ੍ਰੋਧ ਉਸ ਉੱਤੇ ਰਹਿੰਦਾ ਹੈ।” (ਯੂਹੰ. 3:36) ਜੀ ਹਾਂ, ਹੁਣ ਜੀਉਂਦੇ ਉਹ ਸਾਰੇ ਲੋਕ ਦੁਨੀਆਂ ਦੇ ਅੰਤ ਵੇਲੇ ਪਰਮੇਸ਼ੁਰ ਦੇ ਕ੍ਰੋਧ ਦੇ ਆਖ਼ਰੀ ਦਿਨ ਬਚ ਜਾਣਗੇ ਜੋ ਯਿਸੂ ਉੱਤੇ ਅਤੇ ਉਸ ਦੀ ਕੁਰਬਾਨੀ ਵਿਚ ਨਿਹਚਾ ਕਰਦੇ ਹਨ।