ਮਰੀਅਮ ਸ਼ਾਇਦ ਦੂਜੀਆਂ ਔਰਤਾਂ ਨਾਲੋਂ ਸਭ ਤੋਂ ਪਹਿਲਾਂ ਕਬਰ ʼਤੇ ਪਹੁੰਚੀ ਸੀ। ਪਰ ਉੱਥੇ ਪਹੁੰਚ ਕੇ ਉਹ ਹੱਕੀ-ਬੱਕੀ ਰਹਿ ਗਈ। ਕਬਰ ਦਾ ਪੱਥਰ ਪਹਿਲਾਂ ਹੀ ਹਟਾਇਆ ਜਾ ਚੁੱਕਾ ਸੀ ਅਤੇ ਕਬਰ ਖਾਲੀ ਸੀ! ਉਸ ਨੇ ਜੋ ਕੁਝ ਦੇਖਿਆ, ਉਹ ਉਸੇ ਹੀ ਪਲ ਸਭ ਕੁਝ ਦੱਸਣ ਲਈ ਪਤਰਸ ਅਤੇ ਯੂਹੰਨਾ ਕੋਲ ਭੱਜੀ ਗਈ। ਜ਼ਰਾ ਸੋਚੋ ਕਿ ਉਹ ਸਾਹੋ-ਸਾਹੀ ਹੋਈ ਬੜੀ ਹੈਰਾਨੀ ਨਾਲ ਉਨ੍ਹਾਂ ਨੂੰ ਦੱਸਦੀ ਹੈ: “ਉਹ ਪ੍ਰਭੂ ਨੂੰ ਕਬਰ ਵਿੱਚੋਂ ਕੱਢ ਕੇ ਲੈ ਗਏ ਹਨ ਅਤੇ ਸਾਨੂੰ ਨਹੀਂ ਪਤਾ ਕਿ ਉਨ੍ਹਾਂ ਨੇ ਉਸ ਨੂੰ ਕਿੱਥੇ ਰੱਖਿਆ ਹੈ।” ਪਤਰਸ ਤੇ ਯੂਹੰਨਾ ਭੱਜੇ-ਭੱਜੇ ਕਬਰ ਵੱਲ ਗਏ ਅਤੇ ਖ਼ੁਦ ਦੇਖਿਆ ਕਿ ਕਬਰ ਖਾਲੀ ਸੀ ਅਤੇ ਫਿਰ ਉਹ ਆਪਣੇ ਘਰੋ-ਘਰੀ ਚਲੇ ਗਏ।a—ਯੂਹੰਨਾ 20:1-10.