1, 2. ਦਮਿਸਕ ਜਾ ਕੇ ਸੌਲੁਸ ਨੇ ਕੀ ਕਰਨ ਦੀ ਠਾਣੀ ਹੋਈ ਸੀ?

ਬੇਰਹਿਮ ਟੋਲੀ ਦਮਿਸਕ ਪਹੁੰਚਣ ਵਾਲੀ ਹੈ ਜਿੱਥੇ ਉਹ ਆਪਣੇ ਬੁਰੇ ਮਨਸੂਬਿਆਂ ਨੂੰ ਅੰਜਾਮ ਦੇਵੇਗੀ। ਉਹ ਆਦਮੀ ਯਿਸੂ ਦੇ ਚੇਲਿਆਂ ਨਾਲ ਘਿਰਣਾ ਕਰਦੇ ਹਨ। ਦਮਿਸਕ ਪਹੁੰਚ ਕੇ ਉਹ ਉਨ੍ਹਾਂ ਨੂੰ ਘਰਾਂ ਵਿੱਚੋਂ ਖਿੱਚ-ਧੂਹ ਕੇ ਬਾਹਰ ਕੱਢਣਗੇ, ਉਨ੍ਹਾਂ ਨੂੰ ਬੰਨ੍ਹਣਗੇ, ਜ਼ਲੀਲ ਕਰਨਗੇ ਅਤੇ ਘੜੀਸ ਕੇ ਯਰੂਸ਼ਲਮ ਲਿਆਉਣਗੇ ਜਿੱਥੇ ਮਹਾਸਭਾ ਉਨ੍ਹਾਂ ਨੂੰ ਸਜ਼ਾ ਦੇਵੇਗੀ।

² ਇਸ ਟੋਲੀ ਦਾ ਆਗੂ ਸੌਲੁਸ ਹੈ ਜਿਸ ਦੇ ਹੱਥ ਪਹਿਲਾਂ ਹੀ ਖ਼ੂਨ ਨਾਲ ਰੰਗੇ ਹੋਏ ਹਨ।a ਹਾਲ ਹੀ ਵਿਚ ਉਹ ਆਪਣੇ ਨਾਲ ਦੇ ਕੱਟੜਪੰਥੀਆਂ ਨੂੰ ਯਿਸੂ ਦੇ ਚੇਲੇ ਇਸਤੀਫ਼ਾਨ ਦਾ ਕਤਲ ਕਰਦਿਆਂ ਦੇਖ ਕੇ ਬੜਾ ਖ਼ੁਸ਼ ਹੋਇਆ ਸੀ। (ਰਸੂ. 7:57–8:1) ਯਰੂਸ਼ਲਮ ਵਿਚ ਰਹਿੰਦੇ ਯਿਸੂ ਦੇ ਚੇਲਿਆਂ ਨੂੰ ਸਤਾ ਕੇ ਉਸ ਦੇ ਗੁੱਸੇ ਦੀ ਅੱਗ ਸ਼ਾਂਤ ਨਹੀਂ ਹੋਈ। ਉਹ ਹੋਰ ਥਾਵਾਂ ʼਤੇ ਵੀ ਮਸੀਹੀਆਂ ਨੂੰ ਆਪਣੇ ਜ਼ੁਲਮਾਂ ਦੀ ਅੱਗ ਵਿਚ ਸਾੜ ਕੇ ਸੁਆਹ ਕਰ ਦੇਣਾ ਚਾਹੁੰਦਾ ਹੈ। ਉਸ ਦੀਆਂ ਨਜ਼ਰਾਂ ਵਿਚ “ਪ੍ਰਭੂ ਦੇ ਰਾਹ” ʼਤੇ ਚੱਲਣ ਵਾਲੇ ਲੋਕ ਮਹਾਂਮਾਰੀ ਵਾਂਗ ਹਨ ਅਤੇ ਉਹ ਉਨ੍ਹਾਂ ਦਾ ਨਾਮੋ-ਨਿਸ਼ਾਨ ਮਿਟਾ ਦੇਣਾ ਚਾਹੁੰਦਾ ਹੈ।​—ਰਸੂ. 9:1, 2; “ਦਮਿਸਕ ਵਿਚ ਸੌਲੁਸ ਦਾ ਅਧਿਕਾਰ” ਨਾਂ ਦੀ ਡੱਬੀ ਦੇਖੋ।