1-3. ਪਤਰਸ ਨੇ ਕਿਹੜਾ ਦਰਸ਼ਣ ਦੇਖਿਆ ਸੀ ਅਤੇ ਇਸ ਦਾ ਮਤਲਬ ਸਮਝਣਾ ਸਾਡੇ ਲਈ ਕਿਉਂ ਜ਼ਰੂਰੀ ਹੈ?

ਇਹ ਸੰਨ 36 ਈਸਵੀ ਦੀ ਗੱਲ ਹੈ। ਨਿੱਘੀ ਧੁੱਪ ਵਿਚ ਇਕ ਘਰ ਦੀ ਛੱਤ ਉੱਤੇ ਪਤਰਸ ਪ੍ਰਾਰਥਨਾ ਕਰ ਰਿਹਾ ਹੈ। ਇਹ ਘਰ ਸਮੁੰਦਰ ਕੰਢੇ ਸਥਿਤ ਯਾਪਾ ਸ਼ਹਿਰ ਵਿਚ ਹੈ। ਉਸ ਨੂੰ ਇੱਥੇ ਮਹਿਮਾਨ ਵਜੋਂ ਰਹਿੰਦਿਆਂ ਕੁਝ ਦਿਨ ਹੋ ਗਏ ਹਨ। ਇਸ ਘਰ ਵਿਚ ਠਹਿਰ ਕੇ ਉਸ ਨੇ ਦਿਖਾਇਆ ਹੈ ਕਿ ਉਸ ਨੇ ਕਾਫ਼ੀ ਹੱਦ ਤਕ ਊਚ-ਨੀਚ ਦਾ ਭੇਦ-ਭਾਵ ਕਰਨਾ ਛੱਡ ਦਿੱਤਾ ਹੈ। ਇਸ ਘਰ ਦਾ ਮਾਲਕ ਸ਼ਮਊਨ ਹੈ ਜੋ ਚਮੜਾ ਰੰਗਣ ਦਾ ਕੰਮ ਕਰਦਾ ਹੈ ਅਤੇ ਕਈ ਯਹੂਦੀ ਇਹ ਕੰਮ ਕਰਨ ਵਾਲੇ ਬੰਦੇ ਦੇ ਘਰ ਠਹਿਰਨਾ ਨਹੀਂ ਚਾਹੁਣਗੇ।a ਪਰ ਪਤਰਸ ਯਹੋਵਾਹ ਦੀ ਨਿਰਪੱਖਤਾ ਬਾਰੇ ਇਕ ਜ਼ਰੂਰੀ ਗੱਲ ਸਿੱਖਣ ਵਾਲਾ ਹੈ।