6, 7. (ੳ) ਸਰਗੀਉਸ ਪੌਲੂਸ ਕੌਣ ਸੀ ਅਤੇ ਬਰਯੇਸੂਸ ਨੇ ਉਸ ਨੂੰ ਖ਼ੁਸ਼ ਖ਼ਬਰੀ ਸੁਣਨ ਤੋਂ ਰੋਕਣ ਦੀ ਕਿਉਂ ਕੋਸ਼ਿਸ਼ ਕੀਤੀ? (ਅ) ਸੌਲੁਸ ਨੇ ਬਰਯੇਸੂਸ ਦੇ ਵਿਰੋਧ ਦਾ ਕਿਵੇਂ ਸਾਮ੍ਹਣਾ ਕੀਤਾ?

⁶ ਪਹਿਲੀ ਸਦੀ ਵਿਚ ਸਾਈਪ੍ਰਸ ਝੂਠੀ ਭਗਤੀ ਵਿਚ ਖੁੱਭਿਆ ਹੋਇਆ ਸੀ। ਬਰਨਾਬਾਸ ਅਤੇ ਸੌਲੁਸ ਨੇ ਖ਼ਾਸਕਰ ਪਾਫੁਸ ਪਹੁੰਚ ਕੇ ਇਹ ਗੱਲ ਦੇਖੀ ਜੋ ਟਾਪੂ ਦੇ ਪੱਛਮੀ ਕੰਢੇ ਉੱਤੇ ਸੀ। ਉੱਥੇ ਉਹ “ਬਰਯੇਸੂਸ ਨਾਂ ਦੇ ਇਕ ਯਹੂਦੀ ਨੂੰ ਮਿਲੇ ਜਿਹੜਾ ਜਾਦੂਗਰ ਅਤੇ ਝੂਠਾ ਨਬੀ ਸੀ। ਉਹ ਜਾਦੂਗਰ ਪ੍ਰਾਂਤ ਦੇ ਰਾਜਪਾਲ ਸਰਗੀਉਸ ਪੌਲੂਸ ਲਈ ਕੰਮ ਕਰਦਾ ਸੀ ਜੋ ਇਕ ਸਮਝਦਾਰ ਇਨਸਾਨ ਸੀ।”f ਪਹਿਲੀ ਸਦੀ ਵਿਚ ਕਈ ਵੱਡੇ-ਵੱਡੇ ਰੋਮੀ ਲੋਕ ਅਹਿਮ ਫ਼ੈਸਲੇ ਕਰਨ ਵੇਲੇ ਕਿਸੇ ਜਾਦੂਗਰ ਜਾਂ ਜੋਤਸ਼ੀ ਦੀ ਸਲਾਹ ਲੈਂਦੇ ਸਨ, ਇੱਥੋਂ ਤਕ ਕਿ ਸਮਝਦਾਰ ਸਰਗੀਉਸ ਪੌਲੂਸ ਵੀ। ਪਰ ਸਰਗੀਉਸ ਪੌਲੂਸ ਦੀ ਖ਼ੁਸ਼ ਖ਼ਬਰੀ ਦੇ ਸੰਦੇਸ਼ ਵਿਚ ਦਿਲਚਸਪੀ ਜਾਗ ਉੱਠੀ ਅਤੇ “ਉਸ ਦੇ ਦਿਲ ਵਿਚ ਪਰਮੇਸ਼ੁਰ ਦਾ ਬਚਨ ਸੁਣਨ ਦੀ ਬੜੀ ਤਮੰਨਾ ਸੀ।” ਇਹ ਗੱਲ ਬਰਯੇਸੂਸ ਨੂੰ ਚੰਗੀ ਨਹੀਂ ਲੱਗੀ ਜੋ ਏਲੀਮਸ ਨਾਂ ਤੋਂ ਵੀ ਜਾਣਿਆ ਜਾਂਦਾ ਸੀ ਜਿਸ ਦਾ ਮਤਲਬ ਸੀ “ਜਾਦੂਗਰ।”​—ਰਸੂ. 13:6-8.