13, 14. (ੳ) ਯਹੋਵਾਹ ਨੇ ਪੌਲੁਸ ਤੋਂ ਕੀ ਕਰਵਾਇਆ ਸੀ? (ਅ) ਸਕੇਵਾ ਦੇ ਪੁੱਤਰਾਂ ਨੇ ਕਿਹੜੀ ਗ਼ਲਤੀ ਕੀਤੀ ਸੀ ਅਤੇ ਅੱਜ ਈਸਾਈ ਧਰਮ ਨੂੰ ਮੰਨਣ ਵਾਲੇ ਬਹੁਤ ਸਾਰੇ ਲੋਕ ਕਿਹੜੀ ਗ਼ਲਤੀ ਕਰਦੇ ਹਨ?

¹³ ਲੂਕਾ ਸਾਨੂੰ ਦੱਸਦਾ ਹੈ ਕਿ ਯਹੋਵਾਹ ਨੇ ਪੌਲੁਸ ਤੋਂ “ਵੱਡੀਆਂ-ਵੱਡੀਆਂ ਕਰਾਮਾਤਾਂ” ਕਰਵਾਈਆਂ। ਪੌਲੁਸ ਦੇ ਰੁਮਾਲ ਤੇ ਕੱਪੜੇ ਬੀਮਾਰ ਲੋਕਾਂ ਕੋਲ ਲਿਜਾਏ ਜਾਂਦੇ ਸਨ ਤੇ ਉਹ ਠੀਕ ਹੋ ਜਾਂਦੇ ਸਨ। ਇਨ੍ਹਾਂ ਰਾਹੀਂ ਦੁਸ਼ਟ ਦੂਤਾਂ ਨੂੰ ਵੀ ਕੱਢਿਆ ਗਿਆ।c (ਰਸੂ. 19:11, 12) ਇਸ ਤਰ੍ਹਾਂ ਸ਼ੈਤਾਨ ਦੇ ਦੁਸ਼ਟ ਦੂਤਾਂ ਉੱਤੇ ਜਿੱਤ ਪ੍ਰਾਪਤ ਕੀਤੀ ਗਈ। ਇਸ ਗੱਲ ਨੇ ਬਹੁਤ ਸਾਰੇ ਲੋਕਾਂ ਦਾ ਧਿਆਨ ਖਿੱਚਿਆ ਤੇ ਕਈਆਂ ਨੇ ਇਸ ਦਾ ਗ਼ਲਤ ਫ਼ਾਇਦਾ ਉਠਾਉਣ ਦੀ ਕੋਸ਼ਿਸ਼ ਕੀਤੀ।