ਪੌਲੁਸ ਵੱਲੋਂ ਜ਼ਿਕਰ ਕੀਤੀ “ਸੋਹਣੀ ਜਗ੍ਹਾ” ਦਾ ਕੀ ਮਤਲਬ ਹੈ?

“ਸੋਹਣੀ ਜਗ੍ਹਾ” ਦੇ ਵੀ ਅਲੱਗ-ਅਲੱਗ ਮਤਲਬ ਹੋ ਸਕਦੇ ਹਨ: (1) ਧਰਤੀ ਇਨਸਾਨਾਂ ਨੂੰ ਰਹਿਣ ਲਈ ਦਿੱਤੀ ਗਈ ਸੀ, ਇਸ ਲਈ “ਸੋਹਣੀ ਜਗ੍ਹਾ” ਆਉਣ ਵਾਲੇ ਸਮੇਂ ਵਿਚ ਇਨਸਾਨਾਂ ਨੂੰ ਦਿੱਤੀ ਜਾਣ ਵਾਲੀ ਸੋਹਣੀ ਧਰਤੀ ਹੋ ਸਕਦੀ ਹੈ। (2) ਇਹ ਨਵੀਂ ਦੁਨੀਆਂ ਵਿਚ ਯਹੋਵਾਹ ਦੇ ਮੁਕੰਮਲ ਲੋਕਾਂ ਵਿਚ ਸ਼ਾਂਤੀ ਭਰਿਆ ਮਾਹੌਲ ਹੋ ਸਕਦਾ ਹੈ। (3) ਇਹ ਸਵਰਗ ਵਿਚ “ਪਰਮੇਸ਼ੁਰ ਦੇ ਬਾਗ਼” ਵਿਚ ਵਧੀਆ ਹਾਲਾਤ ਹੋ ਸਕਦੇ ਹਨ ਜਿਵੇਂ ਪ੍ਰਕਾਸ਼ ਦੀ ਕਿਤਾਬ 2:7 ਵਿਚ ਦੱਸਿਆ ਗਿਆ ਹੈ।—ਪਹਿਰਾਬੁਰਜ 15 ਜੁਲਾਈ 2015 ਦੇ ਸਫ਼ੇ 8 ਦਾ ਪੈਰਾ 8 ਦੇਖੋ।

ਹੋ ਸਕਦਾ ਹੈ ਕਿ ਜਦੋਂ 2 ਕੁਰਿੰਥੀਆਂ 12:4 ਵਿਚ ਪੌਲੁਸ ਆਪਣਾ ਤਜਰਬਾ ਦੱਸ ਰਿਹਾ ਸੀ, ਤਾਂ ਉਹ ਉੱਪਰ ਦੱਸੀਆਂ ਤਿੰਨਾਂ ਗੱਲਾਂ ਵੱਲ ਇਸ਼ਾਰਾ ਕਰ ਰਿਹਾ ਹੋਵੇ।

ਪੌਲੁਸ ਨੂੰ ਦਰਸ਼ਣ ਵਿਚ ਜਿਸ “ਸੋਹਣੀ ਜਗ੍ਹਾ” ਨੂੰ “ਲਿਜਾਇਆ ਗਿਆ ਸੀ,” ਉਸ ਦੇ ਅਲੱਗ-ਅਲੱਗ ਮਤਲਬ ਹੋ ਸਕਦੇ ਹਨ: (1) ਆਉਣ ਵਾਲੇ ਸਮੇਂ ਵਿਚ ਇਨਸਾਨਾਂ ਨੂੰ ਦਿੱਤੀ ਜਾਣ ਵਾਲੀ ਧਰਤੀ, (2) ਨਵੀਂ ਦੁਨੀਆਂ ਵਿਚ ਯਹੋਵਾਹ ਦੇ ਮੁਕੰਮਲ ਲੋਕਾਂ ਵਿਚ ਸ਼ਾਂਤੀ ਭਰਿਆ ਮਾਹੌਲ ਜੋ ਅੱਜ ਭੈਣ-ਭਰਾਵਾਂ ਵਿਚ ਸ਼ਾਂਤੀ ਭਰੇ ਮਾਹੌਲ ਨਾਲੋਂ ਕਿਤੇ ਜ਼ਿਆਦਾ ਵਧੀਆ ਹੋਵੇਗਾ ਅਤੇ (3) ਸਵਰਗ ਵਿਚ “ਪਰਮੇਸ਼ੁਰ ਦੇ ਬਾਗ਼” ਵਿਚ ਵਧੀਆ ਹਾਲਾਤ।