ਜਰਨਲ ਆਫ਼ ਦੀ ਅਮੈਰੀਕਨ ਮੈਡੀਕਲ ਐਸੋਸੀਏਸ਼ਨ ਵਿਚ ਡਾ. ਰੈੱਡਫ਼ਰਡ ਬੀ. ਵਿਲੀਅਮਜ਼ ਕਹਿੰਦਾ ਹੈ: “ਇਹ ਸੰਭਵ ਨਹੀਂ ਕਿ ਇਸ ਸਾਧਾਰਣ ਜਿਹੀ ਸਲਾਹ ਤੋਂ ਤੁਹਾਨੂੰ ਕੋਈ ਫ਼ਾਇਦਾ ਹੋਵੇਗਾ ਕਿ ‘ਜਦੋਂ ਤੁਹਾਨੂੰ ਗੁੱਸਾ ਆਉਂਦਾ ਹੈ ਤਾਂ ਇਸ ਨੂੰ ਕਿਸੇ ਤੇ ਕੱਢੋ।’ ਇਸ ਨਾਲੋਂ ਜ਼ਰੂਰੀ ਇਹ ਹੈ ਕਿ ਤੁਸੀਂ ਆਪਣੇ ਗੁੱਸੇ ਦਾ ਅੰਦਾਜ਼ਾ ਲਾਓ ਅਤੇ ਫਿਰ ਇਸ ਤੇ ਕਾਬੂ ਪਾਓ।” ਉਹ ਆਪਣੇ ਆਪ ਤੋਂ ਇਹ ਸਵਾਲ ਪੁੱਛਣ ਦੀ ਸਲਾਹ ਦਿੰਦਾ ਹੈ: “(1) ਕੀ ਮਾਮਲਾ ਮੇਰੇ ਲਈ ਖ਼ਾਸ ਕਰਕੇ ਜ਼ਰੂਰੀ ਹੈ? (2) ਕੀ ਮੇਰੇ ਵਿਚਾਰ ਅਤੇ ਜਜ਼ਬਾਤ ਅਸਲੀਅਤਾਂ ਦੇ ਅਨੁਸਾਰ ਢਲੇ ਹਨ? (3) ਕੀ ਮਾਮਲੇ ਨੂੰ ਸੁਧਾਰਨਾ ਮੁਮਕਿਨ ਹੈ ਤਾਂਕਿ ਮੈਨੂੰ ਗੁੱਸੇ ਹੋਣ ਦੀ ਲੋੜ ਨਾ ਪਵੇ?”

ਅਫ਼ਸੀਆਂ 4:26.“ਤੁਸੀਂ ਗੁੱਸੇ ਤਾਂ ਹੋਵੋ ਪਰ ਪਾਪ ਨਾ ਕਰੋ, ਸੂਰਜ ਤੁਹਾਡੇ ਕ੍ਰੋਧ ਉੱਤੇ ਨਾ ਡੁੱਬ ਜਾਵੇ।”