ਇਹ ਕੋਈ ਨਵੀਂ ਗੱਲ ਨਹੀਂ। ਦਰਅਸਲ, ਪਤਰਸ ਰਸੂਲ ਨੇ ਪਹਿਲੀ ਸਦੀ ਦੇ ਮਸੀਹੀਆਂ ਨੂੰ ਕਿਹਾ: “ਓਹ ਇਸ ਨੂੰ ਅਚਰਜ ਮੰਨਦੇ ਹਨ ਭਈ ਤੁਸੀਂ . . . [ਕੌਮਾਂ ਦੇ ਲੋਕਾਂ] ਨਾਲ ਨਹੀਂ ਖੇਡਦੇ ਤਾਂ ਹੀ ਓਹ ਤਹਾਡੀ ਨਿੰਦਿਆ ਕਰਦੇ ਹਨ।” (1 ਪਤਰਸ 4:4) ਦੂਜੇ ਤਰਜਮਿਆਂ ਵਿਚ ਇਸ ਤਰ੍ਹਾਂ ਲਿਖਿਆ ਹੈ ਕਿ ਉਹ “ਤੁਹਾਡੀ ਬਦਨਾਮੀ ਕਰਦੇ ਹਨ” ਜਾਂ “ਤੁਹਾਡੀ ਬੇਇੱਜ਼ਤੀ ਕਰਦੇ ਹਨ।”

ਦੂਜੇ ਪਾਸੇ, ਜਿਸ ਤਰ੍ਹਾਂ ਪਤਰਸ ਨੇ ਕਿਹਾ ਕੁਝ ਲੋਕ ਤੁਹਾਡੇ ਚਾਲ-ਚਲਣ ਨੂੰ ਦੇਖ ਕੇ “ਅਚਰਜ ਮੰਨਦੇ ਹਨ,” ਹਾਂ, ਉਹ ਸੱਚ-ਮੁੱਚ ਹੈਰਾਨ ਹੁੰਦੇ ਹਨ। ਮਿਸਾਲ ਲਈ, ਜੇ ਤੁਸੀਂ ਯਹੋਵਾਹ ਦੇ ਗਵਾਹ ਹੋ, ਤਾਂ ਉਹ ਸ਼ਾਇਦ ਇਸ ਗੱਲ ਨੂੰ ਸੱਚ-ਮੁੱਚ ਅਨੋਖੀ ਸਮਝਣ ਕਿ ਤੁਸੀਂ ਖ਼ਾਸ ਦਿਨਾਂ ਨੂੰ ਨਹੀਂ ਮਨਾਉਂਦੇ। ਉਨ੍ਹਾਂ ਨੇ ਗਵਾਹਾਂ ਦੇ ਵਿਰੋਧੀਆਂ ਕੋਲੋਂ ਸ਼ਾਇਦ ਕੁਝ ਗ਼ਲਤ-ਮਲਤ ਸੁਣਿਆ ਹੋਵੇ।