“ਉਸ ਦੇ ਹੁਕਮ ਬੋਝਲ ਨਹੀਂ ਹਨ”

4-6. (ੳ) “ਬੋਝਲ” ਅਨੁਵਾਦ ਕੀਤੇ ਗਏ ਯੂਨਾਨੀ ਸ਼ਬਦ ਦਾ ਸ਼ਾਬਦਿਕ ਅਰਥ ਕੀ ਹੈ? (ਅ) ਅਸੀਂ ਕਿਉਂ ਕਹਿ ਸਕਦੇ ਹਾਂ ਕਿ ਪਰਮੇਸ਼ੁਰ ਦੇ ਹੁਕਮ ਬੋਝਲ ਨਹੀਂ ਹਨ?

⁴ “ਉਹ ਦੀਆਂ ਆਗਿਆਂ ਨੂੰ ਮੰਨ।” ਬੁਨਿਆਦੀ ਤੌਰ ਤੇ, ਪਰਮੇਸ਼ੁਰ ਸਾਡੇ ਤੋਂ ਇਹੋ ਆਸ ਰੱਖਦਾ ਹੈ। ਕੀ ਇਹ ਮੰਗ ਕਰਨਾ ਉਸ ਵੱਲੋਂ ਜ਼ਿਆਦਤੀ ਹੈ? ਬਿਲਕੁਲ ਨਹੀਂ। ਰਸੂਲ ਯੂਹੰਨਾ ਸਾਨੂੰ ਪਰਮੇਸ਼ੁਰ ਦੇ ਹੁਕਮਾਂ, ਜਾਂ ਮੰਗਾਂ ਬਾਰੇ ਇਕ ਬਹੁਤ ਹੀ ਮੁੜ ਭਰੋਸਾ-ਦਿਵਾਊ ਗੱਲ ਦੱਸਦਾ ਹੈ। ਉਸ ਨੇ ਲਿਖਿਆ: “ਪਰਮੇਸ਼ੁਰ ਦੇ ਪ੍ਰੇਮ ਦਾ ਇਹੋ ਅਰਥ ਹੈ, ਕਿ ਅਸੀਂ ਉਸ ਦੇ ਹੁਕਮਾਂ ਦੀ ਪਾਲਣਾ ਕਰੀਏ; ਅਤੇ ਫਿਰ ਵੀ ਉਸ ਦੇ ਹੁਕਮ ਬੋਝਲ ਨਹੀਂ ਹਨ।”—1 ਯੂਹੰਨਾ 5:3.

⁵ “ਬੋਝਲ” ਅਨੁਵਾਦ ਕੀਤੇ ਗਏ ਯੂਨਾਨੀ ਸ਼ਬਦ ਦਾ ਸ਼ਾਬਦਿਕ ਅਰਥ “ਭਾਰਾ” ਹੈ। ਇਹ ਅਜਿਹੀ ਚੀਜ਼ ਨੂੰ ਸੰਕੇਤ ਕਰ ਸਕਦਾ ਹੈ ਜਿਸ ਉੱਤੇ ਪੂਰਾ ਉਤਰਨਾ ਕਠਿਨ ਹੈ ਜਾਂ ਜਿਸ ਨੂੰ ਪੂਰਾ ਕਰਨਾ ਔਖਾ ਹੈ। ਮੱਤੀ 23:4 ਵਿਚ, ਇਸ ਨੂੰ “ਭਾਰੇ ਬੋਝ,” ਅਥਵਾ ਮਨੁੱਖ ਦੇ ਬਣਾਏ ਹੋਏ ਉਨ੍ਹਾਂ ਨਿਯਮਾਂ ਅਤੇ ਰੀਤਾਂ ਦਾ ਵਰਣਨ ਦੇਣ ਲਈ ਵਰਤਿਆ ਜਾਂਦਾ ਹੈ, ਜਿਨ੍ਹਾਂ ਨੂੰ ਗ੍ਰੰਥੀ ਅਤੇ ਫ਼ਰੀਸੀ ਲੋਕਾਂ ਉੱਤੇ ਲੱਦ ਦਿੰਦੇ ਸਨ। (ਟੇਢੇ ਟਾਈਪ ਸਾਡੇ।) ਕੀ ਤੁਸੀਂ ਸਮਝਦੇ ਹੋ ਕਿ ਬਿਰਧ ਰਸੂਲ ਯੂਹੰਨਾ ਕੀ ਸਿੱਟਾ ਕੱਢ ਰਿਹਾ ਹੈ? ਪਰਮੇਸ਼ੁਰ ਦੇ ਹੁਕਮ ਇਕ ਭਾਰਾ ਬੋਝ ਨਹੀਂ, ਨਾ ਹੀ ਉਹ ਪਾਲਣਾ ਕਰਨ ਪੱਖੋਂ ਅਤਿ ਔਖੇ ਹਨ। (ਤੁਲਨਾ ਕਰੋ ਬਿਵਸਥਾ ਸਾਰ 30:11.) ਇਸ ਦੇ ਉਲਟ, ਜਦੋਂ ਅਸੀਂ ਪਰਮੇਸ਼ੁਰ ਨਾਲ ਪ੍ਰੇਮ ਕਰਦੇ ਹਾਂ, ਤਾਂ ਉਸ ਦੀਆਂ ਮੰਗਾਂ ਨੂੰ ਪੂਰਿਆਂ ਕਰ ਕੇ ਸਾਨੂੰ ਖ਼ੁਸ਼ੀ ਮਿਲਦੀ ਹੈ। ਇਹ ਸਾਨੂੰ ਯਹੋਵਾਹ ਲਈ ਆਪਣਾ ਪ੍ਰੇਮ ਪ੍ਰਦਰਸ਼ਿਤ ਕਰਨ ਦਾ ਇਕ ਵਧੀਆ ਅਵਸਰ ਦਿੰਦਾ ਹੈ।

12. ਤੁਸੀਂ ਕਿਵੇਂ ਵਿਆਖਿਆ ਕਰੋਗੇ ਕਿ ਪਰਮੇਸ਼ੁਰ ਅਤੇ ਉਸ ਦੇ ਮਕਸਦਾਂ ਦਾ ਗਿਆਨ ਲੈਣਾ ਕਿਉਂ ਇਕ ਬੋਝ ਨਹੀਂ ਹੈ?

¹² ਕੀ ਪਰਮੇਸ਼ੁਰ ਅਤੇ ਉਸ ਦੇ ਮਕਸਦਾਂ ਬਾਰੇ ਅਜਿਹਾ ਗਿਆਨ ਲੈਣਾ ਇਕ ਬੋਝ ਹੈ? ਬਿਲਕੁਲ ਨਹੀਂ! ਕੀ ਤੁਹਾਨੂੰ ਯਾਦ ਹੈ ਕਿ ਜਦੋਂ ਤੁਸੀਂ ਪਹਿਲੀ ਵਾਰ ਸਿੱਖਿਆ ਕਿ ਪਰਮੇਸ਼ੁਰ ਦਾ ਨਾਂ ਯਹੋਵਾਹ ਹੈ, ਕਿ ਉਸ ਦਾ ਰਾਜ ਇਸ ਧਰਤੀ ਉੱਤੇ ਪਰਾਦੀਸ ਨੂੰ ਮੁੜ ਬਹਾਲ ਕਰੇਗਾ, ਕਿ ਉਸ ਨੇ ਸਾਡੇ ਪਾਪਾਂ ਲਈ ਆਪਣੇ ਪਿਆਰੇ ਪੁੱਤਰ ਨੂੰ ਰਿਹਾਈ-ਕੀਮਤ ਵਜੋਂ ਦੇ ਦਿੱਤਾ, ਅਤੇ ਹੋਰ ਦੂਸਰੀਆਂ ਕੀਮਤੀ ਸੱਚਾਈਆਂ ਬਾਰੇ ਸਿੱਖਿਆ ਸੀ, ਉਦੋਂ ਤੁਸੀਂ ਕਿਵੇਂ ਮਹਿਸੂਸ ਕੀਤਾ ਸੀ? ਕੀ ਇਹ ਅਗਿਆਨਤਾ ਦਾ ਪਰਦਾ ਹਟਾਉਣ ਅਤੇ ਚੀਜ਼ਾਂ ਨੂੰ ਪਹਿਲੀ ਵਾਰ ਸਾਫ਼-ਸਾਫ਼ ਦੇਖਣ ਦੇ ਸਮਾਨ ਨਹੀਂ ਸੀ? ਪਰਮੇਸ਼ੁਰ ਦਾ ਗਿਆਨ ਲੈਣਾ ਬੋਝ ਨਹੀਂ ਹੈ। ਇਹ ਤਾਂ ਆਨੰਦਦਾਇਕ ਹੈ!—ਜ਼ਬੂਰ 1:1-3; 119:97.

16. ਸਮਝਾਓ ਕਿ ਸਹੀ ਆਚਰਣ ਸੰਬੰਧੀ ਪਰਮੇਸ਼ੁਰ ਦੇ ਮਿਆਰਾਂ ਉੱਤੇ ਪੂਰਾ ਉਤਰਨਾ ਅਤੇ ਉਸ ਦੀ ਸੱਚਾਈ ਨੂੰ ਸਵੀਕਾਰ ਕਰਨਾ ਕਿਉਂ ਇਕ ਬੋਝ ਨਹੀਂ ਹੈ।

¹⁶ ਕੀ ਸਹੀ ਆਚਰਣ ਸੰਬੰਧੀ ਪਰਮੇਸ਼ੁਰ ਦੇ ਮਿਆਰਾਂ ਉੱਤੇ ਪੂਰਾ ਉਤਰਨਾ ਅਤੇ ਉਸ ਦੀ ਸੱਚਾਈ ਨੂੰ ਸਵੀਕਾਰ ਕਰਨਾ ਸਾਡੇ ਲਈ ਇਕ ਬੋਝ ਹੈ? ਇਹ ਇਕ ਬੋਝ ਨਹੀਂ ਜੇਕਰ ਅਸੀਂ ਫ਼ਾਇਦਿਆਂ ਉੱਤੇ ਗੌਰ ਕਰੀਏ—ਬੇਵਫ਼ਾਈ ਦੇ ਕਾਰਨ ਟੁੱਟਣ ਵਾਲੇ ਵਿਆਹਾਂ ਦੀ ਬਜਾਇ ਅਜਿਹੇ ਵਿਆਹ ਜਿਨ੍ਹਾਂ ਵਿਚ ਪਤੀ ਤੇ ਪਤਨੀ ਦੇ ਆਪਸ ਵਿਚ ਪ੍ਰੇਮ ਅਤੇ ਭਰੋਸਾ ਹੁੰਦਾ ਹੈ; ਅਜਿਹੇ ਪਰਿਵਾਰ ਜਿਨ੍ਹਾਂ ਵਿਚ ਬੱਚੇ ਦੁਪਿਆਰੇ, ਅਣਗੌਲੇ, ਅਤੇ ਅਣਚਾਹੇ ਮਹਿਸੂਸ ਕਰਦੇ ਹਨ, ਦੀ ਬਜਾਇ ਅਜਿਹੇ ਘਰ ਜਿੱਥੇ ਬੱਚੇ ਮਹਿਸੂਸ ਕਰਦੇ ਹਨ ਕਿ ਉਨ੍ਹਾਂ ਦੇ ਮਾਪੇ ਉਨ੍ਹਾਂ ਨੂੰ ਪ੍ਰੇਮ ਕਰਦੇ ਅਤੇ ਚਾਹੁੰਦੇ ਹਨ; ਦੋਸ਼ ਭਾਵਨਾ ਅਤੇ ਏਡਜ਼ ਜਾਂ ਲਿੰਗੀ ਤੌਰ ਤੇ ਸੰਚਾਰਿਤ ਕਿਸੇ ਹੋਰ ਬੀਮਾਰੀ ਨਾਲ ਪੀੜਿਤ ਸਰੀਰ ਦੀ ਬਜਾਇ ਇਕ ਸ਼ੁੱਧ ਅੰਤਹਕਰਣ ਅਤੇ ਚੰਗੀ ਸਿਹਤ। ਨਿਸ਼ਚੇ ਹੀ, ਯਹੋਵਾਹ ਦੀਆਂ ਮੰਗਾਂ ਸਾਨੂੰ ਅਜਿਹੇ ਕਿਸੇ ਵੀ ਚੀਜ਼ ਤੋਂ ਵਾਂਝੇ ਨਹੀਂ ਕਰਦੀਆਂ ਹਨ ਜਿਸ ਦੀ ਸਾਨੂੰ ਜੀਵਨ ਦਾ ਆਨੰਦ ਲੈਣ ਲਈ ਲੋੜ ਹੈ!—ਬਿਵਸਥਾ ਸਾਰ 10:12, 13.

19. ਸਮਝਾਓ ਕਿ ਜੀਵਨ ਅਤੇ ਲਹੂ ਲਈ ਆਦਰ ਦਿਖਾਉਣ ਤੋਂ ਸਾਨੂੰ ਕਿਵੇਂ ਫ਼ਾਇਦਾ ਹੁੰਦਾ ਹੈ।

¹⁹ ਕੀ ਜੀਵਨ ਅਤੇ ਲਹੂ ਨੂੰ ਪਵਿੱਤਰ ਸਮਝਣਾ ਇਕ ਬੋਝ ਹੈ? ਬਿਲਕੁਲ ਨਹੀਂ! ਜ਼ਰਾ ਸੋਚੋ। ਕੀ ਤਮਾਖੂ ਪੀਣ ਦੁਆਰਾ ਹੋਣ ਵਾਲੀ ਫੇਫੜਿਆਂ ਦਾ ਕੈਂਸਰ ਤੋਂ ਮੁਕਤ ਹੋਣਾ ਇਕ ਬੋਝ ਹੈ? ਕੀ ਮਾਨਸਿਕ ਅਤੇ ਸਰੀਰਕ ਤੌਰ ਤੇ ਹਾਨੀਕਾਰਕ ਦਵਾਈਆਂ ਦੇ ਨਸ਼ੇ ਤੋਂ ਬਚਣਾ ਇਕ ਬੋਝ ਹੈ? ਕੀ ਰਕਤ-ਆਧਾਨ ਦੁਆਰਾ ਏਡਜ਼, ਜਿਗਰ ਦੀ ਸੋਜ, ਜਾਂ ਹੋਰ ਕੋਈ ਬੀਮਾਰੀ ਸਹੇੜਨ ਤੋਂ ਬਚੇ ਰਹਿਣਾ ਇਕ ਬੋਝ ਹੈ? ਸਪੱਸ਼ਟ ਤੌਰ ਤੇ, ਹਾਨੀਕਾਰਕ ਆਦਤਾਂ ਅਤੇ ਅਭਿਆਸਾਂ ਤੋਂ ਪਰੇ ਰਹਿਣਾ ਸਾਡੇ ਹੀ ਫ਼ਾਇਦੇ ਲਈ ਹੈ।—ਯਸਾਯਾਹ 48:17.

20. ਜੀਵਨ ਬਾਰੇ ਪਰਮੇਸ਼ੁਰ ਦਾ ਨਜ਼ਰੀਆ ਰੱਖਣ ਨਾਲ ਇਕ ਪਰਿਵਾਰ ਨੂੰ ਕਿਵੇਂ ਫ਼ਾਇਦਾ ਪਹੁੰਚਿਆ?

²⁰ ਇਸ ਅਨੁਭਵ ਉੱਤੇ ਗੌਰ ਕਰੋ। ਕੁਝ ਸਾਲ ਪਹਿਲਾਂ, ਇਕ ਗਵਾਹ ਇਸਤਰੀ ਜੋ ਲਗਭਗ ਸਾਢੇ ਤਿੰਨ ਮਹੀਨੇ ਦੀ ਗਰਭਵਤੀ ਸੀ, ਨੂੰ ਇਕ ਸ਼ਾਮ ਵੇਲੇ ਰੱਤ-ਵਹਿਣ ਹੋਣਾ ਸ਼ੁਰੂ ਹੋ ਗਿਆ ਅਤੇ ਉਸ ਨੂੰ ਛੇਤੀ ਨਾਲ ਹਸਪਤਾਲ ਪਹੁੰਚਾਇਆ ਗਿਆ। ਇਕ ਡਾਕਟਰ ਵੱਲੋਂ ਜਾਂਚ ਕਰਨ ਮਗਰੋਂ, ਉਸ ਨੇ ਉਸ ਨੂੰ ਇਕ ਨਰਸ ਨੂੰ ਕਹਿੰਦਿਆਂ ਸੁਣਿਆ ਕਿ ਉਨ੍ਹਾਂ ਨੂੰ ਗਰਭ ਗਿਰਾਉਣਾ ਪਵੇਗਾ। ਇਹ ਜਾਣਦੀ ਹੋਈ ਕਿ ਯਹੋਵਾਹ ਅਣਜੰਮੇ ਦੇ ਜੀਵਨ ਨੂੰ ਕਿਵੇਂ ਵਿਚਾਰਦਾ ਹੈ, ਉਸ ਨੇ ਗਰਭਪਾਤ ਤੋਂ ਦ੍ਰਿੜ੍ਹਤਾ ਨਾਲ ਇਨਕਾਰ ਕਰਦੇ ਹੋਏ, ਡਾਕਟਰ ਨੂੰ ਕਿਹਾ: “ਜੇਕਰ ਬੱਚਾ ਜੀਉਂਦਾ ਹੈ, ਤਾਂ ਉਸ ਨੂੰ ਰਹਿਣ ਦਿਓ!” ਉਸ ਨੂੰ ਸਮੇਂ-ਸਮੇਂ ਤੇ ਰੱਤ-ਵਹਿਣ ਹੁੰਦਾ ਰਿਹਾ, ਪਰੰਤੂ ਕਈ ਮਹੀਨੇ ਮਗਰੋਂ ਉਸ ਨੇ ਸਮੇਂ ਤੋਂ ਪਹਿਲਾਂ ਇਕ ਤੰਦਰੁਸਤ ਬੱਚੇ ਨੂੰ ਜਨਮ ਦਿੱਤਾ ਜੋ ਹੁਣ 17 ਸਾਲਾਂ ਦਾ ਹੈ। ਉਸ ਨੇ ਸਮਝਾਇਆ: “ਸਾਡੇ ਪੁੱਤਰ ਨੂੰ ਇਹ ਸਭ ਕੁਝ ਦੱਸਿਆ ਗਿਆ, ਅਤੇ ਉਸ ਨੇ ਕਿਹਾ ਕਿ ਉਹ ਕਿੰਨਾ ਹੀ ਖ਼ੁਸ਼ ਸੀ ਕਿ ਉਸ ਨੂੰ ਕੂੜੇ ਵਿਚ ਨਹੀਂ ਸੁੱਟ ਦਿੱਤਾ ਗਿਆ ਸੀ। ਉਹ ਜਾਣਦਾ ਹੈ ਕਿ ਉਹ ਜੀਉਂਦਾ ਹੀ ਇਸ ਕਾਰਨ ਹੈ ਕਿਉਂਕਿ ਅਸੀਂ ਯਹੋਵਾਹ ਦੀ ਸੇਵਾ ਕਰਦੇ ਹਾਂ।” ਨਿਰਸੰਦੇਹ, ਜੀਵਨ ਬਾਰੇ ਪਰਮੇਸ਼ੁਰ ਦਾ ਨਜ਼ਰੀਆ ਰੱਖਣਾ ਇਸ ਪਰਿਵਾਰ ਲਈ ਕੋਈ ਬੋਝ ਨਹੀਂ ਸੀ!

23, 24. ਅਸੀਂ ਉਦਾਹਰਣ ਦੁਆਰਾ ਕਿਵੇਂ ਸਮਝਾ ਸਕਦੇ ਹਾਂ ਕਿ ਯਹੋਵਾਹ ਦੇ ਸੰਗਠਿਤ ਲੋਕਾਂ ਦੇ ਨਾਲ ਮਿਲ ਕੇ ਯਹੋਵਾਹ ਦੀ ਸੇਵਾ ਕਰਨੀ ਇਕ ਬੋਝ ਨਹੀਂ ਹੈ?

²³ ਕੀ ਯਹੋਵਾਹ ਦੇ ਸੰਗਠਿਤ ਲੋਕਾਂ ਦੇ ਨਾਲ ਮਿਲ ਕੇ ਉਸ ਦੀ ਸੇਵਾ ਕਰਨੀ ਇਕ ਬੋਝ ਹੈ? ਬਿਲਕੁਲ ਨਹੀਂ! ਇਸ ਦੇ ਉਲਟ, ਮਸੀਹੀ ਭੈਣਾਂ-ਭਰਾਵਾਂ ਦੇ ਵਿਸ਼ਵ ਪਰਿਵਾਰ ਦਾ ਪ੍ਰੇਮ ਅਤੇ ਸ­ਮਰਥਨ ਹਾਸਲ ਕਰਨਾ ਇਕ ਵਡਮੁੱਲਾ ਵਿਸ਼ੇਸ਼-ਸਨਮਾਨ ਹੈ। (1 ਪਤਰਸ 2:17) ਫ਼ਰਜ਼ ਕਰੋ ਕਿ ਤੁਸੀਂ ਜਹਾਜ਼ ਦੀ ਤਬਾਹੀ ਵਿੱਚੋਂ ਬਚ ਨਿਕਲਣ ਮਗਰੋਂ ਸਮੁੰਦਰ ਵਿਚ ਤਰਦੇ ਰਹਿਣ ਲਈ ਸੰਘਰਸ਼ ਕਰ ਰਹੇ ਹੋ। ਜਦੋਂ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਡੇ ਕੋਲੋਂ ਹੋਰ ਸੰਘਰਸ਼ ਨਹੀਂ ਹੋ ਸਕੇਗਾ, ਉਦੋਂ ਬਚਾਉ-ਕਿਸ਼ਤੀ ਵਿੱਚੋਂ ਇਕ ਹੱਥ ਤੁਹਾਡੇ ਵੱਲ ਵਧਦਾ ਹੈ। ਜੀ ਹਾਂ, ਹੋਰ ਵੀ ਲੋਕੀ ਬਚੇ ਹਨ! ਬਚਾਉ-ਕਿਸ਼ਤੀ ਵਿਚ, ਤੁਸੀਂ ਹੋਰ ਲੋਕਾਂ ਸਹਿਤ ਵਾਰੀ ਸਿਰ ਕਿਸ਼ਤੀ ਨੂੰ ਕਿਨਾਰੇ ਵੱਲ ਖੇਵਦੇ ਹੋ, ਅਤੇ ਜਾਂਦੇ-ਜਾਂਦੇ ਦੂਸਰੇ ਬਚਣ ਵਾਲਿਆਂ ਨੂੰ ਵੀ ਨਾਲ ਲੈ ਲੈਂਦੇ ਹੋ।