16. ਖ਼ਾਸ ਕਰਕੇ ਪਰਕਾਸ਼ ਦੀ ਪੋਥੀ ਦੇ ਅਖ਼ੀਰਲੇ ਅਧਿਆਵਾਂ ਵਿਚ ਕਿਹੜੀ ਖ਼ੁਸ਼ੀ ਦੀ ਗੱਲ ਦੱਸੀ ਗਈ ਹੈ?

¹⁶ ਪਰਕਾਸ਼ ਦੀ ਪੋਥੀ ਨੂੰ ਪੜ੍ਹਨ ਅਤੇ ਇਸ ਵਿਚ ਲਿਖੀਆਂ ਗੱਲਾਂ ਤੇ ਚੱਲਣ ਵਾਲੇ ਵਿਅਕਤੀ ਅਖ਼ੀਰਲੇ ਅਧਿਆਵਾਂ ਨੂੰ ਪੜ੍ਹ ਕੇ ਖ਼ੁਸ਼ੀ ਨਾਲ ਉੱਛਲਣਗੇ, ਕਿਉਂਕਿ ਇਨ੍ਹਾਂ ਅਧਿਆਵਾਂ ਵਿਚ ਸਾਡੀ ਸ਼ਾਨਦਾਰ ਉਮੀਦ ਬਾਰੇ ਦੱਸਿਆ ਗਿਆ ਹੈ—ਇਕ ਨਵਾਂ ਆਕਾਸ਼ ਅਤੇ ਨਵੀਂ ਧਰਤੀ, ਯਾਨੀ ਕਿ ਇਕ ਨਵੇਂ ਅਤੇ ਸਾਫ਼-ਸੁਥਰੇ ਮਨੁੱਖੀ ਸਮਾਜ ਉੱਤੇ ਸ਼ਾਸਨ ਕਰਨ ਵਾਲੀ ਧਾਰਮਿਕ ਸਵਰਗੀ ਸਰਕਾਰ। ਇਹ ਸਭ “ਪ੍ਰਭੁ ਪਰਮੇਸ਼ੁਰ ਸਰਬ ਸ਼ਕਤੀਮਾਨ” ਦੀ ਮਹਿਮਾ ਕਰਨਗੇ। (ਪਰਕਾਸ਼ ਦੀ ਪੋਥੀ 21:22) ਜਦੋਂ ਇਹ ਹੈਰਾਨ ਕਰ ਦੇਣ ਵਾਲੇ ਦਰਸ਼ਣ ਖ਼ਤਮ ਹੁੰਦੇ ਹਨ, ਤਾਂ ਦੂਤ ਯੂਹੰਨਾ ਨੂੰ ਕਹਿੰਦਾ ਹੈ: “ਏਹ ਬਚਨ ਨਿਹਚਾ ਜੋਗ ਅਤੇ ਸਤ ਹਨ ਅਤੇ ਪ੍ਰਭੁ ਨੇ ਜਿਹੜਾ ਨਬੀਆਂ ਦਿਆਂ ਆਤਮਿਆਂ ਦਾ ਪਰਮੇਸ਼ੁਰ ਹੈ [“ਜੋ ਆਪਣੇ ਨਬੀਆਂ ਨੂੰ ਪਰੇਰਨਾ ਦਿੰਦਾ ਹੈ,” ਪਵਿੱਤਰ ਬਾਈਬਲ ਨਵਾਂ ਅਨੁਵਾਦ] ਆਪਣਾ ਦੂਤ ਘੱਲਿਆ ਭਈ ਜਿਹੜੀਆਂ ਗੱਲਾਂ ਛੇਤੀ ਹੋਣੀਆਂ ਹਨ ਸੋ ਆਪਣਿਆਂ ਦਾਸਾਂ ਨੂੰ ਵਿਖਾਵੇ। ਵੇਖ, ਮੈਂ ਛੇਤੀ ਆਉਂਦਾ ਹਾਂ! ਧੰਨ ਉਹ ਜਿਹੜਾ ਇਸ ਪੋਥੀ ਦੇ ਅਗੰਮ ਵਾਕ ਦੀਆਂ ਗੱਲਾਂ ਦੀ ਪਾਲਨਾ ਕਰਦਾ ਹੈ।”—ਪਰਕਾਸ਼ ਦੀ ਪੋਥੀ 22:6, 7.

18, 19. (ੳ) ਯਿਸੂ ਨੇ ਅਜੇ ਕਿਉਂ ਆਉਣਾ ਹੈ ਅਤੇ ਯੂਹੰਨਾ ਵਾਂਗ ਅਸੀਂ ਵੀ ਕਿਹੜੀ ਉਮੀਦ ਰੱਖਦੇ ਹਾਂ? (ਅ) ਯਹੋਵਾਹ ਨੇ ਕਿਸ ਮਕਸਦ ਨਾਲ ਅਜੇ ‘ਆਉਣਾ’ ਹੈ?

¹⁸ ਪਰਕਾਸ਼ ਦੀ ਪੋਥੀ ਵਿਚ ਯਿਸੂ ਕਈ ਵਾਰ ਐਲਾਨ ਕਰਦਾ ਹੈ: “ਮੈਂ ਛੇਤੀ ਆਉਂਦਾ ਹਾਂ।” (ਪਰਕਾਸ਼ ਦੀ ਪੋਥੀ 2:16; 3:11; 22:7, 20ੳ) ਉਸ ਨੇ ਵੱਡੀ ਬਾਬੁਲ ਨੂੰ, ਸ਼ਤਾਨ ਦੀ ਰਾਜਨੀਤਿਕ ਵਿਵਸਥਾ ਨੂੰ ਅਤੇ ਹੁਣ ਮਸੀਹ ਦੇ ਰਾਜ ਦੁਆਰਾ ਦਰਸਾਈ ਗਈ ਯਹੋਵਾਹ ਦੀ ਸਰਬਸੱਤਾ ਦੇ ਅਧੀਨ ਹੋਣ ਤੋਂ ਇਨਕਾਰ ਕਰਨ ਵਾਲੇ ਸਾਰੇ ਮਨੁੱਖਾਂ ਨੂੰ ਸਜ਼ਾ ਦੇਣ ਲਈ ਅਜੇ ਆਉਣਾ ਹੈ। ਅਸੀਂ ਵੀ ਯੂਹੰਨਾ ਰਸੂਲ ਨਾਲ ਕਹਿੰਦੇ ਹਾਂ: “ਆਮੀਨ। ਹੇ ਪ੍ਰਭੁ ਯਿਸੂ, ਆਓ!”—ਪਰਕਾਸ਼ ਦੀ ਪੋਥੀ 22:20ਅ.