-
ਵੱਖੋ-ਵੱਖ ਬੋਲੀ ਦੇ ਬੋਲਣ ਵਾਲਿਆਂ ਨੂੰ ਇਕੱਠਾ ਕਰਨਾਰਾਜ ਸੇਵਕਾਈ—2002 | ਜੁਲਾਈ
-
-
ਵੱਖੋ-ਵੱਖ ਬੋਲੀ ਦੇ ਬੋਲਣ ਵਾਲਿਆਂ ਨੂੰ ਇਕੱਠਾ ਕਰਨਾ
1 ਪਰਮੇਸ਼ੁਰ ਦੇ ਬਚਨ ਦੀ ਪੂਰਤੀ ਹੋ ਰਹੀ ਹੈ! “ਵੱਖੋ ਵੱਖ ਬੋਲੀ ਦੇ ਬੋਲਣ ਵਾਲੀਆਂ ਕੌਮਾਂ ਦੇ” ਲੋਕ ਸੱਚੀ ਭਗਤੀ ਕਰ ਰਹੇ ਹਨ। (ਜ਼ਕ. 8:23) ਭਾਰਤ ਵਿਚ ਯਹੋਵਾਹ ਦੇ ਗਵਾਹ ਸਾਰੀਆਂ “ਗੋਤਾਂ, ਉੱਮਤਾਂ ਅਤੇ ਭਾਖਿਆਂ” ਦੇ ਲੋਕਾਂ ਦੀ ਯਹੋਵਾਹ ਨਾਲ ਚੰਗਾ ਰਿਸ਼ਤਾ ਕਾਇਮ ਕਰਨ ਵਿਚ ਕਿੱਦਾਂ ਮਦਦ ਕਰ ਰਹੇ ਹਨ, ਤਾਂਕਿ ਉਹ “ਵੱਡੀ ਬਿਪਤਾ” ਵਿੱਚੋਂ ਬਚਣ ਦੀ ਆਸ ਰੱਖ ਸਕਣ?—ਪਰ. 7:9, 14.
2 ਪਰਮੇਸ਼ੁਰ ਦਾ ਸੰਗਠਨ ਸਰਗਰਮ ਹੈ: ਪ੍ਰਬੰਧਕ ਸਭਾ ਨੇ 24 ਭਾਰਤੀ ਭਾਸ਼ਾਵਾਂ ਵਿਚ ਬਾਈਬਲ ਸਾਹਿੱਤ ਛਾਪਣ ਦਾ ਪ੍ਰਬੰਧ ਕੀਤਾ ਹੈ, ਤਾਂਕਿ ਪੂਰੇ ਭਾਰਤ ਵਿਚ ਲੋਕ ਪਰਮੇਸ਼ੁਰ ਦੇ ਰਾਜ ਦੀ ਖ਼ੁਸ਼ ਖ਼ਬਰੀ ਦੀ ਮਹੱਤਤਾ ਨੂੰ ਚੰਗੀ ਤਰ੍ਹਾਂ ਸਮਝ ਸਕਣ। ਇੰਨੀਆਂ ਸਾਰੀਆਂ ਭਾਸ਼ਾਵਾਂ ਵਿਚ ਸਾਹਿੱਤ ਤਿਆਰ ਕਰਨਾ ਅਤੇ ਛਾਪਣਾ ਕੋਈ ਸੌਖਾ ਕੰਮ ਨਹੀਂ ਹੈ। ਇਨ੍ਹਾਂ ਸਾਰੀਆਂ ਭਾਸ਼ਾਵਾਂ ਵਿਚ ਸਾਹਿੱਤ ਦਾ ਅਨੁਵਾਦ ਕਰਨ ਲਈ ਯੋਗ ਅਨੁਵਾਦਕਾਂ ਦੀਆਂ ਟੀਮਾਂ ਬਣਾਉਣ ਅਤੇ ਉਨ੍ਹਾਂ ਨੂੰ ਹਰ ਲੋੜੀਂਦੀ ਮਦਦ ਦੇਣ ਦੀ ਲੋੜ ਪੈਂਦੀ ਹੈ। ਇਸ ਤੋਂ ਇਲਾਵਾ, ਸਾਹਿੱਤ ਨੂੰ ਛਾਪਣ ਅਤੇ ਅਲੱਗ-ਅਲੱਗ ਥਾਵਾਂ ਤੇ ਭੇਜਣ ਵਿਚ ਵੀ ਕਾਫ਼ੀ ਮਿਹਨਤ ਲੱਗਦੀ ਹੈ। ਪਰ ਫਿਰ ਵੀ ਬਾਈਬਲ ਦੇ ਇਸ ਜੀਵਨਦਾਇਕ ਸੰਦੇਸ਼ ਨੂੰ ਲੋਕਾਂ ਤਕ ਪਹੁੰਚਾਉਣ ਦੀ ਮੁੱਖ ਭੂਮਿਕਾ ਹਰ ਇਕ ਰਾਜ ਪ੍ਰਚਾਰਕ ਨਿਭਾਉਂਦਾ ਹੈ।
3 ਚੁਣੌਤੀ ਨੂੰ ਸਵੀਕਾਰ ਕਰਨਾ: ਦੂਸਰੀਆਂ ਭਾਸ਼ਾਵਾਂ ਬੋਲਣ ਵਾਲੇ ਬਹੁਤ ਸਾਰੇ ਲੋਕ ਆਪਣੇ ਜੱਦੀ ਰਾਜ ਨੂੰ ਛੱਡ ਕੇ ਵੱਡੇ-ਵੱਡੇ ਸ਼ਹਿਰਾਂ ਵਿਚ ਆ ਕੇ ਵਸ ਗਏ ਹਨ। ਕੀ ਅਸੀਂ ਇਨ੍ਹਾਂ ਲੋਕਾਂ ਨੂੰ ਖ਼ੁਸ਼ ਖ਼ਬਰੀ ਸੁਣਾਉਣ ਲਈ ਉਨ੍ਹਾਂ ਦੀ ਭਾਸ਼ਾ ਵਿਚ ਸਾਹਿੱਤ ਆਪਣੇ ਨਾਲ ਲੈ ਕੇ ਜਾਂਦੇ ਹਾਂ? ਪਰਮੇਸ਼ੁਰ ਦੇ ਬਹੁਤ ਸਾਰੇ ਸੇਵਕ ਇਸ ਤਰ੍ਹਾਂ ਕਰਦੇ ਹਨ ਅਤੇ ਉਹ ਆਪਣੇ ਇਲਾਕੇ ਵਿਚ ਆਮ ਬੋਲੀਆਂ ਜਾਂਦੀਆਂ ਵੱਖੋ-ਵੱਖਰੀਆਂ ਭਾਸ਼ਾਵਾਂ ਵਿਚ ਸਾਦੀ ਜਿਹੀ ਪੇਸ਼ਕਾਰੀ ਸਿੱਖਣ ਦੀ ਵੀ ਕੋਸ਼ਿਸ਼ ਕਰਦੇ ਹਨ। ਭਾਰਤ ਵਿਚ ਗੂੰਗੀ ਬੋਲੀ ਬੋਲਣ ਵਾਲਿਆਂ ਨੂੰ ਵੀ ਖ਼ੁਸ਼ ਖ਼ਬਰੀ ਸੁਣਾਈ ਜਾ ਰਹੀ ਹੈ। ਕਈ ਲੋਕ ਜਿਨ੍ਹਾਂ ਨੇ ਪਹਿਲਾਂ ਕਦੇ ਵੀ ਯਹੋਵਾਹ ਬਾਰੇ ਨਹੀਂ ਸੁਣਿਆ ਸੀ ਜਾਂ ਜੋ ਬਾਈਬਲ ਬਾਰੇ ਕੁਝ ਵੀ ਨਹੀਂ ਜਾਣਦੇ ਸੀ, ਉਹ ਹੁਣ ਪਰਮੇਸ਼ੁਰ ਦੇ ਬਚਨ ਦੀ ਸੱਚਾਈ ਨੂੰ ਸਵੀਕਾਰ ਕਰ ਰਹੇ ਹਨ।—ਰੋਮੀ. 15:21.
4 ਜਦੋਂ ਵੱਖਰੀ ਭਾਸ਼ਾ ਬੋਲਣ ਵਾਲਾ ਵਿਅਕਤੀ ਸੱਚਾਈ ਬਾਰੇ ਸਿੱਖਣਾ ਚਾਹੁੰਦਾ ਹੈ, ਤਾਂ ਅਸੀਂ ਉਸ ਦੀ ਕਿੱਦਾਂ ਮਦਦ ਕਰ ਸਕਦੇ ਹਾਂ? ਜੇ ਸਾਡੇ ਸ਼ਹਿਰ ਵਿਚ ਉਸ ਭਾਸ਼ਾ ਦੀ ਕੋਈ ਕਲੀਸਿਯਾ ਹੈ, ਤਾਂ ਅਸੀਂ ਇਨ੍ਹਾਂ ਨੂੰ ਮਿਲੋ (S-43) ਫ਼ਾਰਮ ਉੱਤੇ ਉਸ ਰੁਚੀ ਰੱਖਣ ਵਾਲੇ ਵਿਅਕਤੀ ਦਾ ਪਤਾ ਲਿਖ ਕੇ ਉਸ ਕਲੀਸਿਯਾ ਨੂੰ ਦੇ ਸਕਦੇ ਹਾਂ। ਜੇ ਅਜਿਹੀ ਕਲੀਸਿਯਾ ਨਹੀਂ ਹੈ, ਤਾਂ ਅਸੀਂ ਇਹ ਭਾਸ਼ਾ ਬੋਲਣ ਵਾਲੇ ਕਿਸੇ ਪ੍ਰਕਾਸ਼ਕ ਨੂੰ ਉਸ ਵਿਅਕਤੀ ਦਾ ਪਤਾ ਦੇ ਸਕਦੇ ਹਾਂ। ਜਦੋਂ ਸਾਨੂੰ ਅਜਿਹੇ ਕਿਸੇ ਵਿਅਕਤੀ ਨੂੰ ਮਿਲਣ ਲਈ ਕਿਹਾ ਜਾਂਦਾ ਹੈ, ਤਾਂ ਕੀ ਅਸੀਂ ਉਸ ਨੂੰ ਮਿਲਣ ਦੀ ਪੂਰੀ ਕੋਸ਼ਿਸ਼ ਕਰਾਂਗੇ? ਇਸ ਤਰ੍ਹਾਂ, ਅਸੀਂ ਆਪਣੇ ਇਲਾਕੇ ਵਿਚ ਹਰ ਭਾਸ਼ਾ ਦੇ ਲੋਕਾਂ ਨੂੰ ਉਨ੍ਹਾਂ ਦੀ ਹੀ ਭਾਸ਼ਾ ਵਿਚ ਖ਼ੁਸ਼ ਖ਼ਬਰੀ ਚੰਗੀ ਤਰ੍ਹਾਂ ਸੁਣਾ ਸਕਾਂਗੇ।—ਕੁਲੁ. 1:25.
5 ਪਰਮੇਸ਼ੁਰ ਦੇ ਰਾਜ ਦਾ ਸੰਦੇਸ਼ ਹਰ ਪਿਛੋਕੜ ਅਤੇ ਭਾਸ਼ਾ ਦੇ ਲੋਕਾਂ ਦੇ ਦਿਲਾਂ ਨੂੰ ਛੂੰਹ ਸਕਦਾ ਹੈ। ਇਸ ਲਈ ਆਓ ਆਪਾਂ ਉਨ੍ਹਾਂ ਨਾਲ ਖ਼ੁਸ਼ ਖ਼ਬਰੀ ਸਾਂਝੀ ਕਰਨ ਲਈ ਆਪਣੀ ਪੁਰਜ਼ੋਰ ਕੋਸ਼ਿਸ਼ ਕਰੀਏ।
-
-
ਬਰਸਾਤ ਦੇ ਮੌਸਮ ਵਿਚ ‘ਬਚਨ ਦਾ ਪਰਚਾਰ ਕਰੋ’ਰਾਜ ਸੇਵਕਾਈ—2002 | ਜੁਲਾਈ
-
-
ਬਰਸਾਤ ਦੇ ਮੌਸਮ ਵਿਚ ‘ਬਚਨ ਦਾ ਪਰਚਾਰ ਕਰੋ’
1 “ਬਚਨ ਦਾ ਪਰਚਾਰ ਕਰ,” ਪੌਲੁਸ ਰਸੂਲ ਨੇ ਤਾਕੀਦ ਕੀਤੀ ਸੀ, “ਵੇਲੇ ਕੁਵੇਲੇ ਉਸ ਵਿੱਚ ਲੱਗਿਆ ਰਹੁ।” (2 ਤਿਮੋ. 4:2) ਬਰਸਾਤ ਦੇ ਮਹੀਨੇ ਸਾਡੇ ਵਿੱਚੋਂ ਕਈਆਂ ਲਈ ‘ਕੁਵੇਲਾ’ ਸਾਬਤ ਹੋ ਸਕਦੇ ਹਨ ਕਿਉਂਕਿ ਸਾਨੂੰ ਸਿੱਲ੍ਹੇ ਮੌਸਮ, ਪਾਣੀ ਨਾਲ ਭਰੀਆਂ ਸੜਕਾਂ ਅਤੇ ਆਮ ਜ਼ਿੰਦਗੀ ਵਿਚ ਰੁਕਾਵਟਾਂ ਪੈਦਾ ਕਰਨ ਵਾਲੀਆਂ ਮੌਸਮੀ ਬੀਮਾਰੀਆਂ ਨਾਲ ਜੂਝਣਾ ਪੈਂਦਾ ਹੈ। ਇਨ੍ਹਾਂ ਹਾਲਾਤਾਂ ਵਿਚ ਸਾਡੇ ਲਈ ਬਾਕਾਇਦਾ ‘ਬਚਨ ਦਾ ਪਰਚਾਰ ਕਰਨਾ’ ਮੁਸ਼ਕਲ ਹੋ ਸਕਦਾ ਹੈ। ਫਿਰ ਵੀ, ਚੰਗੀ ਯੋਜਨਾ ਬਣਾਉਣ ਅਤੇ ਮਿਹਨਤ ਕਰਨ ਨਾਲ ਅਸੀਂ ਬਰਸਾਤਾਂ ਵਿਚ ਵੀ ਜੋਸ਼ ਨਾਲ ਪ੍ਰਚਾਰ ਕਰਦੇ ਰਹਿ ਸਕਦੇ ਹਾਂ।
2 ਸਮਝਦਾਰੀ ਨਾਲ ਪਹਿਲਾਂ ਤੋਂ ਹੀ ਚੰਗੀ ਯੋਜਨਾ ਬਣਾਉਣ ਨਾਲ ਘੱਟ ਸਮੱਸਿਆਵਾਂ ਆਉਣਗੀਆਂ। ਪਰਿਵਾਰ ਦੇ ਹਰ ਮੈਂਬਰ ਲਈ ਇਕ-ਇਕ ਮਜ਼ਬੂਤ ਛਤਰੀ ਤੇ ਰੇਨਕੋਟ ਅਤੇ ਆਪਣੀਆਂ ਬਾਈਬਲਾਂ, ਸਾਹਿੱਤ ਤੇ ਰਸਾਲਿਆਂ ਨੂੰ ਗਿੱਲੇ ਹੋਣ ਤੋਂ ਬਚਾਉਣ ਲਈ ਚੰਗਾ ਬੈਗ ਖ਼ਰੀਦਣਾ ਸਮਝਦਾਰੀ ਦੀ ਗੱਲ ਹੋਵੇਗੀ। ਜੇ ਤੁਹਾਡੇ ਕੋਲ ਸਕੂਟਰ ਜਾਂ ਮੋਟਰ ਸਾਈਕਲ ਹੈ, ਤਾਂ ਗਿੱਲੀਆਂ ਜਾਂ ਚਿੱਕੜ ਨਾਲ ਭਰੀਆਂ ਸੜਕਾਂ ਉੱਤੇ ਗੱਡੀ ਧਿਆਨ ਨਾਲ ਚਲਾਓ। ਜ਼ੁਕਾਮ ਅਤੇ ਪਾਣੀ ਰਾਹੀਂ ਫੈਲਣ ਵਾਲੀਆਂ ਦੂਸਰੀਆਂ ਬੀਮਾਰੀਆਂ ਤੋਂ ਬਚਣ ਲਈ ਜ਼ਿਆਦਾ ਸਾਵਧਾਨੀ ਵਰਤੋ।
3 ਜੇ ਹੋ ਸਕੇ ਤਾਂ ਅਜਿਹਾ ਇਲਾਕਾ ਚੁਣੋ ਜਿੱਥੇ ਘਰ-ਸੁਆਮੀ ਤੁਹਾਨੂੰ ਘਰ ਅੰਦਰ ਸੱਦਣ। ਰੁਚੀ ਰੱਖਣ ਵਾਲਿਆਂ ਦੇ ਨਾਂ ਤੇ ਪਤੇ ਦਾ ਚੰਗਾ ਰਿਕਾਰਡ ਰੱਖੋ, ਤਾਂਕਿ ਅਚਾਨਕ ਤੇਜ਼ ਬਾਰਸ਼ ਹੋਣ ਤੇ ਤੁਸੀਂ ਉਨ੍ਹਾਂ ਦੇ ਘਰ ਜਾ ਕੇ ਪੁਨਰ-ਮੁਲਾਕਾਤਾਂ ਕਰ ਸਕੋ। ਪਰ ਜੇ ਗਲੀਆਂ ਪਾਣੀ ਨਾਲ ਭਰੀਆਂ ਹੋਣ, ਤਾਂ ਅਸੀਂ ਕੀ ਕਰ ਸਕਦੇ ਹਾਂ? ਕੀ ਤੁਸੀਂ ਇਨ੍ਹਾਂ ਦਿਨਾਂ ਤੇ ਟੈਲੀਫ਼ੋਨ ਰਾਹੀਂ ਪ੍ਰਚਾਰ ਕਰਨ ਬਾਰੇ ਸੋਚਿਆ ਹੈ? ਫਰਵਰੀ 2001 ਦੀ ਸਾਡੀ ਰਾਜ ਸੇਵਕਾਈ ਦੇ ਅੰਤਰ-ਪੱਤਰ ਵਿਚ ਇਸ ਬਾਰੇ ਕੁਝ ਚੰਗੇ ਸੁਝਾਅ ਦਿੱਤੇ ਗਏ ਹਨ। ਜੇ ਤੁਹਾਡੇ ਘਰ ਫ਼ੋਨ ਨਹੀਂ ਹੈ, ਤਾਂ ਕੀ ਤੁਸੀਂ ਉਨ੍ਹਾਂ ਲੋਕਾਂ ਦੀ ਸੂਚੀ ਬਣਾ ਸਕਦੇ ਹੋ ਜਿਨ੍ਹਾਂ ਨੂੰ ਤੁਸੀਂ ਚਿੱਠੀ ਰਾਹੀਂ ਗਵਾਹੀ ਦੇ ਸਕੋ?
4 ਤੇਜ਼ ਬਾਰਸ਼ ਹੋਣ ਤੇ ਸਾਡਾ ਸ਼ਾਇਦ ਆਪਣੀਆਂ ਬਾਈਬਲ ਸਟੱਡੀਆਂ ਅਤੇ ਰੁਚੀ ਰੱਖਣ ਵਾਲੇ ਲੋਕਾਂ ਕੋਲ ਦੁਬਾਰਾ ਜਾਣ ਦਾ ਦਿਲ ਨਾ ਕਰੇ। ਪਰ ਜ਼ਰਾ ਸੋਚੋ ਕਿ ਸਾਡੇ ਵੱਲੋਂ ਕੀਤੇ ਖ਼ਾਸ ਜਤਨਾਂ ਦਾ ਉਨ੍ਹਾਂ ਉੱਤੇ ਕੀ ਚੰਗਾ ਅਸਰ ਪੈ ਸਕਦਾ ਹੈ। ਇਕ ਤੀਵੀਂ ਨੇ ਕਿਹਾ: “ਮੈਂ ਤੇ ਮੇਰੇ ਪਤੀ ਇਨ੍ਹਾਂ ਗਵਾਹਾਂ ਦੇ ਜੋਸ਼ ਤੇ ਪਿਆਰ ਤੋਂ ਬਹੁਤ ਹੀ ਪ੍ਰਭਾਵਿਤ ਹੋਏ। ਉਹ ਪ੍ਰਚਾਰ ਦੇ ਕੰਮ ਵਿਚ ਇਕ ਹਲਕਾ ਜਿਹਾ ਮੋਟਰ ਸਾਈਕਲ ਇਸਤੇਮਾਲ ਕਰਦੇ ਸਨ ਅਤੇ ਮੋਹਲੇਧਾਰ ਮੀਂਹ ਵੀ ਉਨ੍ਹਾਂ ਨੂੰ ਪ੍ਰਚਾਰ ਕਰਨ ਤੋਂ ਰੋਕ ਨਹੀਂ ਸਕਿਆ।” ਇਸ ਤੀਵੀਂ ਨੇ ਬਾਅਦ ਵਿਚ ਬਪਤਿਸਮਾ ਲੈ ਲਿਆ। ਗਿੱਲੇ ਹੋਣ ਤੋਂ ਨਾ ਡਰਨ ਦਾ ਕਿੰਨਾ ਵਧੀਆ ਨਤੀਜਾ!
5 ਬਰਸਾਤਾਂ ਵਿਚ ਪ੍ਰਚਾਰ ਦਾ ਕੰਮ ਜਾਰੀ ਰੱਖਣ ਲਈ ਬਜ਼ੁਰਗ, ਖ਼ਾਸ ਕਰਕੇ ਸੇਵਾ ਨਿਗਾਹਬਾਨ, ਚੰਗੀ ਯੋਜਨਾ ਬਣਾ ਸਕਦੇ ਹਨ। ਕੀ ਕਲੀਸਿਯਾ ਦੇ ਇਲਾਕੇ ਵਿਚ ਬਹੁ-ਮੰਜ਼ਲੀ ਰਿਹਾਇਸ਼ੀ ਇਮਾਰਤਾਂ ਹਨ ਜਾਂ ਰਿਹਾਇਸ਼ੀ ਕਲੋਨੀਆਂ ਹਨ ਜਿੱਥੇ ਭੈਣ-ਭਰਾ ਬਿਨਾਂ ਭਿੱਜੇ ਪ੍ਰਚਾਰ ਕਰ ਸਕਦੇ ਹਨ? ਜੇ ਹਨ, ਤਾਂ ਤੁਸੀਂ ਬਰਸਾਤ ਦੇ ਮਹੀਨਿਆਂ ਦੌਰਾਨ ਇਨ੍ਹਾਂ ਇਲਾਕਿਆਂ ਵਿਚ ਪ੍ਰਚਾਰ ਕਰਨ ਦਾ ਪ੍ਰਬੰਧ ਕਰ ਸਕਦੇ ਹੋ। ਕਾਲਜ ਜਾਂ ਯੂਨੀਵਰਸਿਟੀ ਦੇ ਹੋਸਟਲ ਵੀ ਬਰਸਾਤਾਂ ਵਿਚ ਪ੍ਰਚਾਰ ਕਰਨ ਲਈ ਵਧੀਆ ਥਾਵਾਂ ਹਨ। ਅਸੀਂ ਮੀਂਹ ਦੇ ਬਾਵਜੂਦ ਸੜਕਾਂ ਤੇ ਗਵਾਹੀ ਦੇਣੀ ਜਾਰੀ ਰੱਖ ਸਕਦੇ ਹਾਂ। ਚੰਗੀ ਤਰ੍ਹਾਂ ਯੋਜਨਾ ਬਣਾਉਣ ਨਾਲ ਅਸੀਂ ਦੁਕਾਨਾਂ ਨਾਲ ਭਰੀਆਂ ਇਮਾਰਤਾਂ ਵਿਚ, ਬਸ ਸਟੈਂਡ ਅਤੇ ਰੇਲਵੇ ਸਟੇਸ਼ਨ ਉੱਤੇ ਜਾਂ ਇਸ ਤਰ੍ਹਾਂ ਦੀਆਂ ਹੋਰ ਥਾਵਾਂ ਤੇ ਪ੍ਰਚਾਰ ਕਰ ਸਕਦੇ ਹਾਂ ਜਿੱਥੇ ਅਸੀਂ ਗਿੱਲੇ ਨਹੀਂ ਹੋਵਾਂਗੇ।
6 ਜਿੱਦਾਂ ਬਰਸਾਤ ਦਾ ਪਾਣੀ ਸਾਡੀ ਸੁੱਕੀ ਭੂਮੀ ਨੂੰ ਤਰੋਤਾਜ਼ਾ ਕਰਦਾ ਹੈ, ਉੱਦਾਂ ਹੀ ਆਓ ਆਪਾਂ ਵੀ ਸੱਚਾਈ ਦਾ ਜੀਵਨਦਾਇਕ ਪਾਣੀ ਲੱਭਣ ਵਿਚ ਲੋਕਾਂ ਦੀ ਮਦਦ ਕਰ ਕੇ ਨਿਹਾਲ ਹੋਈਏ।—ਪਰ. 22:17.
-