Genesis
48 Kayari na saraya et oniay nibaga ed si Jose: “Onkakapuy lay amam.” Diad saman et inawit toy duaran anak ton si Manases tan Efraim.+ 2 Insan nibaga ed si Jacob: “Wadia lay anak mon Jose.” Kanian inyupot nen Israel so biskeg to pian makayurong ed dukolan to. 3 Tan inkuan nen Jacob ed si Jose:
“Say Makapanyarin-amin a Dios et nampanengneng ed siak diad Luz ed dalin na Canaan tan bendisyonan to ak.+ 4 Tan inkuan tod siak, ‘Pagmaliwen ta kan mabunga, tan parakelen ta ka, tan gawaen ta kan sakey a kongregasyon na saray totoo,+ tan iter ko iyan dalin ed ilalak mo* bilang permanentin kayarian.’+ 5 Natan, kien ko so duaran ananak mon lalaki a niyanak diad dalin na Ehipto antis ak a linmad sika diad Ehipto.+ Si Efraim tan Manases et magmaliw lan ananak ko a singa di Ruben tan Simeon.+ 6 Balet magmaliw a kien mo iray ontumbok ya anak mo. Natawag ira ed ngaran na saray agagi ra tan mangawat ira na tawir manlapud apag da.+ 7 Nipaakar ed siak, sanen sinmabi ak a nanlapud Padan, inatey si Raquel+ ed abay ko diad dalin na Canaan, legan ya andukey ni so pambiahe mi antis a makasabi ed Efrata.+ Kanian sikatoy imponpon ko diman sanen mamapaarap ak ed Efrata, salanti, Betlehem.”+
8 Insan anengneng nen Israel iray anak nen Jose tan intepet to: “Siopa raya?” 9 Kanian inkuan nen Jose ed ama to: “Sikara so ananak kon inter na Dios ed siak diad sayan pasen.”+ Diad saman et inkuan to: “Ipangasim, iyasingger mo rad siak pian nabendisyonan ko ra.”+ 10 Natan, kinmapuy la iray mata nen Israel lapud inkatatken, tan agto la makanengneng. Kanian inyasingger ira nen Jose ed sikato, tan inangoban to ra tan nilakap to ra. 11 Inkuan nen Israel ed si Jose: “Agkon balot inilaloan a nanengneng ko ni so lupam,+ balet inyabuloy met na Dios a nanengneng koy ilalak mo.”* 12 Insan inyarawi ra nen Jose manlapud pueg nen Israel, tan sikatoy dinmakmomo ed dalin.
13 Natan et inala nen Jose iran dua, si Efraim+ ed kawanan a lima to diad nikawigi nen Israel, tan si Manases+ ed kawigin lima to diad nikawanan nen Israel, tan inyasingger to ra ed sikato. 14 Balet inyunat nen Israel so kawanan a lima to tan intapew tod ulo nen Efraim, anggaman sikato so yugtan, tan intapew toy kawigin lima to ed ulo nen Manases. Ginagala ton intapew iray lima to ed onian paraan, anggaman si Manases so panguloan.+ 15 Insan benendisyonan toy Jose tan inkuan to:+
“Say tuan Dios a diad arapan to et nanakar iray amak a si Abraham tan Isaac,+
Say tuan Dios a mangipapastol ed siak legan na interon bilay ko ya anggad natan,+
16 Say anghel a mangisasalba ed siak manlapud amin a kairapan,+ bendisyonan to komon irayan ugugaw.+
Natawag ira komon ed ngaran ko tan ed ngaran na saray amak, si Abraham tan si Isaac,
Ondakerakel ira komon diad dalin.”+
17 Sanen anengneng nen Jose ya impansiansia nen ama to so kawanan a lima to ed ulo nen Efraim, agto itan agustoan, kanian inegnaan toy lima nen ama to pian iyalis tod ulo nen Manases manlapud ulo nen Efraim. 18 Inkuan nen Jose ed ama to: “Aliwan ontan, ama, ta saya so panguloan.+ Itapew mod ulo to so kawanan a limam.” 19 Balet ag-inmabuloy so ama to tan inkuan to: “Amtak, ana’ko, amtak. Sikatoy magmaliw met a katooan tan magmaliw a baleg. Ingen, say yugtan to so magmaliw a babaleg nen say sikato,+ tan saray ilalak* to et ondakerakel pian magmaliw a nasyones.”+ 20 Kanian intuloy to ran benendisyonan ed saman ya agew,+ ya inkuan to:
“Bitlaen ka komon na Israel sano mangibabalikas iray panamendisyon, ya ikuan dan,
‘Pagmaliwen ka komon na Dios a singa si Efraim tan singa si Manases.’”
Kanian naynay ton iyuuna si Efraim antis nen Manases.
21 Insan inkuan nen Israel ed si Jose: “Ompatey ak la,+ balet say Dios et mansiansia ed sikayo tan ipawil to kayo ed dalin na saray inmuunan atateng yo.+ 22 Balet siak, iter kod sika so sakey a kabiangan na dalin* a mas baleg nen saray diad agagim, a satan et inalak ed saray Amoreo diad panamegley na espadak tan panak.”