Eskedyul ed Pantitipon ed Panagserbi

Simba na Hulyo 9

Kanta 4

8 min: Lokal iran pakabat. Pinilin Saray Pakabat manlapud Ministeryo Tayo ed Panarian.

17 min: Report ed Serbisyo parad Abril. Paliwawa tan saray interbio a betang na manangasikaso na serbisyo. Ipabitar so Abril a report ed lawak na serbisyo parad lokal a kongregasyon. Interbioen so pigaran manangipalapag ya angisekar na malaem nin sagpot ed ministeryo ed satan a bulan.​—Nengnengen so insert na Marso 2001 a Ministeryo Tayo ed Panarian, parapo 28-30.

20 min: “Kasin Makapanlingkor Ka ed Babaleg so Pankaukolan?”a​—Nengnengen so libron Our Ministry, pahina 112-13.

Kanta 42 tan pansaran pikakasi.

Simba na Hulyo 16

Kanta 10

10 min: Lokal iran pakabat. Report na kuenta.

15 min: Sikayoran Kalangweran​—Kalkulaen so Gastos ed Karera Yo. Say ama tan say tin-edyer ya anak ton laki odino bii so onasingger ed sakey a matatken a walaan na praktikal ya eksperiensya ed sekular ya anapan. Kayari impanmolimoli ed parte ed Service Meeting duay simba lay apalabas nipaakar ed pamili na karera, masimoon a nononoten na kalangweran so iloob ed regular payunir a serbisyo balet agsegurado ed no panon ton legpeten iray materyal a nakaukolan to. Idanet na matatken so pankaukolan na balansin panmoria. (Setyembre 1, 1999, Panag-Bantayan, pahina 11, parapo 13) Makabat so pananap na arum a klase na panangipasal ta pian nakinlongan a nalegpet so dili. Maabig so agawaan na dakel diad basta labat impanaral na manuna iran dunong a mankakaukolan na daiset a panaon tan kuarta. (Pebrero 1, 1996, Panag-Bantayan, pahina 14; Young People Ask, pahina 178) Singbaten da so Marso 8, 1996, Awake!, pahina 9-11, tan pigaran praktikal a suhestion ed pananap odino pamawala na matukoy a sekular a trabaho.

20 min: Jehovah’s Witnesses​—Who Are They? What Do They Believe? Singbaten ed saray dumerengel tan demostrasyon. Usisaen iyan brosyur, tan singbaten no panon itan ya usaren pian napakabatan so arum nipaakar ed sikatayo tan ed kimey tayo. Ipapaamta na satan no siopa itayo (pahina 3-5), ipabitar toy pigara ed modernon awaran tan aktibidad tayo (pahina 6-11), idadalatdat toray sisiaen a mangibiig ed sikatayo manlapud arum iran relihyon (pahina 12-14), ipapaliwawa toy maong a balita ya ipupulong tayo tan no panon so pangipupulong tayo ed satan (pahina 15-21), ipapanengneng to no panon a say kimey tayo so pakakagunggonaan na komunidad (pahina 22-4), mangisasalaysay ed internasyonal a laknab na organisasyon tayo (pahina 25-6), tan mangeebat ed saray tepet a kaslakan ya itetepet nipaakar ed sikatayo (pahina 27-31). Idemostra na sakey a manangipalapag ya usaren toy brosyur a mangebat ed sakey ed saray tepet ed pahina 29 ya intepet na unabung. (Imanoen: No sayan brosyur so anggapo ed kongregasyon yo, usaren so brosyur a Saray Tasi nen Jehova​—Nankakasakey a Manggagawa ed Linawa na Dios diad Sankamundoan bilang kasandi.)

Kanta 50 tan pansaran pikakasi.

Simba na Hulyo 23

Kanta 19

10 min: Lokal iran pakabat.

15 min: Lokal iran pankaukolan.

20 min: “Manparaan la Diad Panaral ed Propesiya nen Isaias!”b Komentoan ya antikey no panon itayon nagunggonaan manlapud panaral ed libron Isaias.​—Nengnengen so kapitulo 1, parapo 10-12, ed Isaiah’s Prophecy I.

Kanta 53 tan pansaran pikakasi.

Simba na Hulyo 30

Kanta 22

10 min: Lokal iran pakabat.

20 min: Sikayoran Kalangweran​—Magmaliw a Makatebek ed Pangiplano Yoy Edukasyon Yo. Pitongtongan na sakey a matatken so pigaran atateng tan tin-edyer ya ananak da nipaakar ed kaaruman ya edukasyon. Say matatken so mangidaulo ed paningbat ed Setyembre 1, 1999, a Panag-Bantayan, pahina 16-17, parapo 11-13, ya idanet iray rason no akin a say sigpot-panon a ministeryo so nepeg a manunaan ed saray prayuridad da. (Disyembre 1, 1996, Panag-Bantayan, pahina 18-19, parapo 13-15) Insan repasoen na grupo so simbawa diad Marso 8, 1998, ya Awake!, pahina 20-1, ya idanet so pankaukolan na pangagamil na pakatebek diad panimbang ed saray pankaabigan tan agpankaabigan na kaaruman ya edukasyon. Amin so onabobon a nepeg a sikaray mitunosan ed bilin nen Jesus ya iyuna so intereses na Panarian.​—Mat. 6:33.

15 min: “Nayarian Mon Talonaay Pakadismaya!” Paliwawa na sakey a Matatken a nibase ed artikulo ed Panag-Bantayan a paway na Pebrero 1, 2001, pahina 20-3. Iyaplika so materyal ed lokal pian magmaliw itan a praktikal parad kongregasyon.

Kanta 57 tan pansaran pikakasi.

Simba na Agosto 6

Kanta 25

5 min: Lokal iran pakabat.

20 min: “Salita a Nibaga ed Dugan Panaon.” Paliwawa tekep na duara odino taloran demostrasyon ed nisuheri iran presentasyon.

20 min: “Agmasuyat a Manpulong!”c No wala ni oras, isalaysay iray eksperiensya manlapud Disyembre 15, 1999, a Panag-Bantayan, pahina 25.

Kanta 63 tan pansaran pikakasi.

[Saray paimano ed leksab]