Eskedyul ed Pantitipon ed Panagserbi

Simba na Agosto 13

Kanta 30

13 min: Lokal iran pakabat. Pinilin Saray Pakabat manlapud Ministeryo Tayo ed Panarian. Pasesegen so amin a manbantay ed video a The New World Society in Action bilang preparasyon parad paningbat diad Service Meeting no simba na Agosto 27.

17 min: “Labay Yon Malaem ni so Nagawaan Yo?”a Ilaktip iray suhestion nipaakar ed panggawa na malaem ni pian pulongan iray totoo ed teritorya yo a mansasalita na sananey a lenguahe. Antikey a komentoan so Hunyo 15, 1997, Panag-Bantayan, pahina 26-9.

15 min: “Ilugar so Panagrelaks ed Kinepeg To.” Pitongtongan na konduktor na panagaral na libro so sakey a sanasawa kayari na aral da. Mapangasin salambiten to a diad agano ni et agto nira anengneng ed lawak na serbisyo odino diad saray miting ed sampot-simba. Ipaliwawa na sanasawa a lapud panagbakasyon tan arum niran aktibidad ed panaon na tiagew et sikaray okupado. Repasoen na matatken iray manunan punto ed artikulo, a tulongan so sanasawa a makatebek a saray espiritual ya intereses so nepeg a lawas iyuna. Ibalikas na sanasawa so apresasyon da lapud maabig iran panonot. Mipakna iran mangiletneg na mas maabig iran prayuridad ed arapen.​—Nengnengen so Oktubre 1, 2000, Panag-Bantayan, pahina 19-20.

Kanta 68 tan pansaran pikakasi.

Simba na Agosto 20

Kanta 33

8 min: Lokal iran pakabat. Report na kuenta.

15 min: “Sakey Kan ‘Iimatonan ed Teatro’!”

22 min: “Maabig Iran Walna​—Ugali na Maridios a Totoo.” Ipaliwawa na matatken so parapo 1-5 ed loob na limaran-minuto. Insan to singbaten so nakekeraan ni ed artikulo a kaibay sakey nin matatken tan sakey a ministeryal a lingkor diad entablado. Pantongtongan da no panon a talonaan iray agmakonsideran ug-ugali a pakadisturboan diad saray miting tayo tan mamakesay ed nagamoran tayon gunggona. Ipabitar da no panon a say pililimog tayo ed balang sinansakey so talagan makapaseseg sano nipatnag tayo so maaron inkapaga parad pankaabigan na arum.​—Fil. 2:4.

Kanta 72 tan pansaran pikakasi.

Simba na Agosto 27

Kanta 40

10 min: Lokal iran pakabat. Panonotan iray manangipalapag ya iter da iray report da ed lawak na serbisyo parad bulan na Agosto. Antikey a salagwien so sakey odino duaran suhestion ed no panon a niyopresi so libron Creation dia ed ministeryo legan na Setyembre.​—Nengnengen iray alimbawa ed Ministeryo Tayo ed Panarian, Setyembre 1996, pahina 8, tan Hunyo 1995, pahina 4.

10 min: Lokal iran pankaukolan.

25 min: “Maawaran a Panrepaso ed The New World Society in Action.” Singbaten ed saray dumerengel tan saray interbio. Kayari paningbat ed saray nitaryan tepet, interbioen so siopaman ya akabantay ed orihinal a palabas odino saraman so inmatendi ed internasyonal iran kombension nen dekada na 1950. Paidalatdat ed sikara no antoray nadngel da nipaakar ed saraman ya ebento, say epekto ed espiritualidad da, tan say panmoria da a saya so organisasyon nen Jehova. (Imanoen: Diad saray kongregasyon ya anggapoy sakey ed sayan video, say paliwawan “Antoy Gawaen Nipaakar ed Pakakadismaya?” so nayarin usaren, a nibase ed Nobyembre 15, 1999 a Panag-Bantayan, pahina 28-31.) Diad Oktubre et repasoen tayo so video a United by Divine Teaching.

Kanta 74 tan pansaran pikakasi.

Simba na Setyembre 3

Kanta 80

8 min: Lokal iran pakabat.

17 min: “Panon Kaimportante so Kristianon Panlilimog?”b Ilaktip iray komento ed silong na subtitulon “Diad Panamegley na Kongregasyon” ed Enero 15, 1996, Panag-Bantayan, pahina 22.

20 min: No Ikuan na Sakey. Diskusyon tan saray demostrasyon. Diad ministeryo, sano agtayo iilaloan iray balikas odino itepet na saray totoo, nepeg tayon panggunaetan ya ebatan iratan imbes ya isananey so tema odino sampotan la so tongtongan. Say libron Reasoning so mabetbet a makatulong nipaakar ed saya. Ipabitar so pigaran kaslakan iran komento, tan paidemostra ed saray manangipalapag no panon so iyebat ed saray komento ed libron Reasoning. Alimbawa: ‘I don’t believe in God.’ (p. 150-1; p. 131-2 ed Tagalog) ‘Why don’t you get involved in efforts to improve the community?’ (p. 207-8; p. 385-6 ed Tagalog) ‘It doesn’t matter what church you belong to.’ (p. 332; p. 369 ed Tagalog) Pasesegen so amin a mangusar ed sayan kabiangan na libron Reasoning sano onlesa iray ag-iilaloan a situasyon ed ministeryo.

Kanta 121 tan pansaran pikakasi.

[Saray paimano ed leksab]