Eskedyul ed Pantitipon ed Panagserbi

Simba na Enero 13

Kanta 69

13 min: Lokal iran pakabat. Pinili ed Saray Pakabat ed Ministeryo Tayo ed Panarian. Usaren iray suhestion ed pahina 4, nawalaan na duaran demostrasyon no panon ya iparungtal so Enero 15 a Panag-Bantayan tan say Enero 22 ya Awake!

22 min: Napatulok Ira ya Andi-Salita. Paliwawa a pibiangan na saray dumerengel. Say maabig a kondukta na Kristiano so mabiskeg a pantasi. Satan so amakiwas ed arum ya agmananisian kaasawaan a magmaliw a managdayew ed si Jehova. (1 Ped. 3:1, 2) Isalaysay iray eksperiensya a naromog diad saray Panag-Bantayan na Enero 1, 1999, pahina 4; Oktubre 1, 1995, pahina 10-11; tan diad 1995 Yearbook, pahina 46. Masakbay lan manuro na duara odino talora a mankomento nipaakar ed saray positibon resulta a naimano ra manlapud panutumbok ed simbawa na Biblia diad sayan aspekto.

10 min: “Balon Programa ed Espisyal ya Agew ya Asamblea.” Paliwawa a pibiangan na dumerengel. Ipakabat so petsa na ontumbok ya espisyal ya agew ya asamblea tan pasesegen so amin: ya onatendi tan mangimbita na saray balo nin interesado tan iyaaralan na Biblia.

Kanta 22 tan pansaran pikakasi.

Simba na Enero 20

Kanta 44

8 min: Lokal iran pakabat. Report na saray kuenta.

15 min: Kasin Uusisaen Yo so Kasulatan ya Inagew-agew? Paliwawa a pibiangan na saray dumerengel. Pasesegen so amin: ya epektibon mangusar ed Usisaen so Kasulatan ya Inagew-agew​—2003. Singbaten iray komento ed paunan-salita diad pahina 3-4. Mangisuheri no panon a nasingbat na saray pamilya so teksto a saniiba. Pian nipabitar iray gunggona ed pangonsidera ed teksto kada agew, singbaten so duara odino taloran alimbawa na teksto tan saray komento ya akaeskedyul ed ontumbok a bulan. Ilaktip so antikey a demostrasyon na sanasawa a saniban mangonsidera ed teksto-ed-agew tan saray komento.

22 min: “Ibangat ed Arum so Puron Lenguahe.”a Kayarin onsideraen so parapo 6, paidemostra ed sakey a makayarin manangipalapag no panon a nigapo so panangiyaral na Biblia diad puerta na unabung sano manggawa na panagpawil, ya usaren so sakey ed saray presentasyon diad insert na Mayo 2002 a Ministeryo Tayo ed Panarian, pahina 4. Ilaktip so pangonsidera ed sakey a parapo ed brosyur a Kakaukolanen. Sampotan itan na manangipalapag diad pamalesa to na tepet ed onsublay a parapo tan iyarunsa so pangebat ed satan diad ontumbok ya idalaw.

Kanta 68 tan pansaran pikakasi.

Simba na Enero 27

Kanta 92

10 min: Lokal iran pakabat. Usaren iray suhestion ed pahina 4, nawalaan na duaran demostrasyon no panon ya iparungtal so Pebrero 1 a Panag-Bantayan tan say Pebrero 8 ya Awake! Sampotan na manangipalapag so kada demostrasyon diad pangipalima ed unabung na tract a Labay Moy Makaaral nin Maong Diad Biblia? Antikey ya ipaliwawa no panon tayon napawil iramay apalimaan na magasin sano ipalima tayo so tract.​—Nengnengen so Disyembre 2001 a Ministeryo Tayo ed Panarian, p. 4, par. 10.

20 min: Lokal iran pankaukolan.

15 min: “Ikerew na Dispensa​—Tombok ed Pakapikareenan.” Paliwawa a nibase ed artikulo na Panag-Bantayan a Nobyembre 1, 2002, pahina 4-7.

Kanta 124 tan pansaran pikakasi.

Simba na Pebrero 3

Kanta 9

15 min: Lokal iran pakabat. Repasoen iray punto ed “Tepet” diad pahina 3. Pasesegen iray manangipalapag ya usaren so porman Please Follow Up (S-43) sano makaabet ira na totoon mansasalitay sankailin lenguahe. Kaslakan, sayan porma so kaukolan a nausar parad sayan gagala anggano say indibidual so ag-angipatnag na interes ed mensahe na Panarian.

15 min: “Panumpal ed Dedikasyon Tayo.”b Kayarin konsideraen so parapo 3, antikey ya interbioen so sakey a bautismadon kalangweran odino tin-edyer. Antoran subok so inarap to nanlapu la nen abautismoan? Antoy tinmulong ed sikato pian natalonaan iratan a subok? Panon a sikatoy agunggonaan ed impangidedika to na bilay to ed si Jehova?

15 min: Aligen so Pananisia Ra. Interbioen so sakey a matatken a mapaabeba tan matoor a manlilingkor ed si Jehova diad dakel lan taon. (Heb. 13:7) Panon ton naaralan so katuaan? Antoray babeng a kinaukolan ton talonaan pian makatalindeg ed katuaan? Antoran espiritual a probisyon odino panamaseseg so akatulong ed sikato pian onaligwas? Anto so ginawa to pian onkualipika ed kimey a panangasikaso diad kongregasyon? (1 Tim. 3:1) Antoy akatulong ed sikato pian nabalanse iray responsabilidad to ed kongregasyon tan saray obligasyon to ed sekular tan pamilya to? (1 Tim. 5:8) Antoy liknaan to nipaakar ed pribilehyo to a tulongan so arum diad kongregasyon?

Kanta 133 tan pansaran pikakasi.

[Saray paimano ed leksab]