Promé Krónikanan

3 David tabatin e siguiente yu hòmbernan ku a nase na Hébròn: Ámnòn, e yu hòmber mayó. Ámnòn su mama tabata yama Ahínoam; Ahínoam tabata di Yézrel. David su di dos yu hòmber tabata yama Dánièl. Abigail di Karmelo tabata mama di Dánièl. 2 David su di tres yu hòmber tabata yama Ábsalòn. David a haña e yu ei ku Maka. Maka tabata yu muhé di Rei Talmai di Gesur. E di kuater yu hòmber tabata yama Adonías, kende David a haña ku Haguit. 3 David su di sinku yu hòmber tabata yama Sefatías. Sefatías tabata yu di Abital. Ítream tabata David su di seis yu hòmber. Ítream tabata yu di David su esposa Egla. 4 Tur e seis yu hòmbernan ei di David a nase na Hébròn. David a goberná 7 aña i 6 luna na Hébròn i 33 aña na Herúsalèm.

5 Na Herúsalèm, David a haña kuater yu hòmber ku Batseba, yu muhé di Amiel: Simea, Sóbab, Nátan i Sálomon. 6 Fuera di e yunan ei, David tabatin nuebe yu hòmber mas: Ibhar, Elisama,* Elífelèt, 7 Noga, Néfèg, Yafia, 8 Elisama, Elyada i Elífelèt. 9 Sí, nan tur tabata yu hòmber di David. Anto nan tabatin un ruman muhé ku tabata yama Támar. David tabatin yu ku su konkubinanan* tambe.

10 Sálomon tabatin un yu hòmber ku tabata yama Rehóboam. Rehóboam tabata tata di Abías. Abías tabata tata di Asa. Asa tabata tata di Yehósafat. 11 Yehósafat tabata tata di Yehóram. Yehóram tabata tata di Okozías. Okozías tabata tata di Yehóas. 12 Yehóas tabata tata di Amasías. Amasías tabata tata di Azarías. Azarías tabata tata di Yótam. 13 Yótam tabata tata di Ákas. Ákas tabata tata di Ezekías. Ezekías tabata tata di Mánases. 14 Mánases tabata tata di Ámòn. Ámòn tabata tata di Yosías. 15 Yosías tabatin e siguiente yu hòmbernan: Yohanan, e yu hòmber mayó; Yehóakim, e di dos; Zedekías, e di tres; i Sálum, e di kuater. 16 Yehóakim tabatin un yu hòmber ku tabata yama Yekonías. Yekonías tabatin un yu hòmber ku tabata yama Zedekías. 17 Tempu ku Yekonías tabata prezu, el a engendrá e siguiente yu hòmbernan: Sealtiel, 18 Malkiram, Pedaías, Senazar, Yekamías, Hosama i Nedabías. 19 Pedaías tabata tata di Zorobabel i Simei. Zorobabel tabata tata di Mesulam i Hananías. (Nan ruman muhé tabata yama Selomit.) 20 Zorobabel tabatin sinku yu hòmber mas: Hasuba, Ohel, Berekías, Hasadías i Yusab-Hesed. 21 Hananías tabata tata di Pelatías i Yesaías. Yesaías tabatin un yu hòmber* ku tabata yama Refaías. Refaías tabatin un yu hòmber* ku tabata yama Árnan. Árnan tabatin un yu hòmber* ku tabata yama Abdías. I Abdías tabatin un yu hòmber* ku tabata yama Sekanías. 22 Sekanías tabata tata di Semaías. Sí, Semaías i Semaías su yu hòmbernan Hatus, Igal, Barías, Nearías i Sáfat—esta, seis hòmber na tur, tabata desendiente* di Sekanías. 23 Nearías tabatin tres yu hòmber: Elyoenai, Hizkías i Azrikam. 24 Elyoenai tabatin shete yu hòmber: Odavías, Eliasib, Pelaías, Akub, Yohanan, Delaías i Anani.