Isaías
12 Riba e dia ei, sigur boso kada un lo bisa:
“Masha danki, Yehova,
pasobra maske bo tabata rabiá ku mi,
bo rabia a baha, i bo a konsolá mi.
2 Dios ta mi salbashon.
Lo mi konfia den dje, i lo mi no tin miedu,
pasobra Yah,* sí, Yehova, ta mi forsa i mi poder.
I el a bira mi salbashon.”
3 Ku alegria, boso lo saka awa
for di e fuentenan ku ta pèrkurá salbashon.
4 I riba e dia ei, boso lo bisa:
“Yama Yehova danki; resa na dje usando su nòmber,*
i laga e pueblonan sa tur loke el a hasi!
Anunsiá ku su nòmber ta grandi.*
5 Kanta alabansa na* Yehova, pasobra el a hasi hopi kos ekstraordinario.
Laga henter tera sa esei.
6 Pueblo di Siòn, grita di alegria i felisidat,
pasobra Dios Santu di Israel ku ta entre boso ta grandi.”