Abo Tin Strès?

“Tur hende tin un sierto grado di strès, pero ami tin demasiado strès. I no ta pa motibu di un problema grandi so sino debí na vários situashon, desafio i e echo ku mi tin hopi aña ta kuida mi esposo ku ta mentalmente i físikamente malu.”—Jill.a

“Mi esposa a bai laga mi i mi so mester a kria nos dos yunan. Tabata duru pa lanta nan mi so. Pa kolmo, mi a pèrdè trabou i mi no por a paga pa kùr mi outo. Mi no tabata sa kiko pa hasi. Strès tabata kaba ku mi. Mi tabata sa ku no ta bon pa mi mata mi mes, p’esei mi a supliká Dios pa laga mi muri.”—Barry.