LÈS 10

Modulashon

Mateo 10:27

RESÚMEN: Transmití e ideanan bon kla, i varia bo volúmen, tono i ritmo pa bo por konmové kurason di bo oyentenan.

Varia bo volúmen. Hisa bo volúmen pa resaltá e puntonan klave òf pa motivá bo oyentenan. Hasi esei tambe ora bo ta lesa un pasashi bíbliko ku ta kontené deklarashon di huisio. Baha bo volúmen pa krea ekspektativa òf pa transmití preokupashon òf miedu.

No hisa bo volúmen muchu biaha sino bo oyentenan por sinti ku bo ta skual nan. Evitá di zona muchu dramátiko i asina hala atenshon na bo mes.
Varia bo tono. Si den bo idioma e ta apropiá, hisa e tono di bo stèm pa ekspresá entusiasmo òf pa indiká tamaño òf distansia. Baha e tono di bo stèm pa ekspresá tristesa òf preokupashon.
Varia bo ritmo. Papia mas lihé pa transmití entusiasmo. Papia mas slo ora bo ta menshoná un punto importante.

No subi òf baha bo ritmo diripiente ora bo ta papia pa bo no spanta bo oyentenan. No papia asina lihé ku bo pronunsiashon no ta sali kla.