KUMINSÁ UN KÒMBERSASHON
LÈS 1
Papia di Tópiko Ku e Hendenan Ta Interesá den Dje
Prinsipio di Beibel: “Amor . . . no ta buska su mes interes.”—1 Kor. 13:4, 5.
Loke Hesus A Hasi
1. Wak e VIDIO òf lesa Huan 4:6-9. Despues, analisá e siguiente preguntanan:
Kiko Hesus a opservá di e señora promé ku el a kuminsá papia kuné?
Hesus a bisa: “Duna mi poko awa di bebe.” Dikon esei tabata un manera efikas pa kuminsá un kòmbersashon?
Kiko Nos Ta Siña for di Hesus?
2. Nos lo tin mas chèns di hiba un bon kòmbersashon si nos papia di un tópiko ku e persona ku nos ta papia kuné ta interesá den dje.
Imitá Hesus
3. Sea fleksibel. No insistí pa kuminsá kòmbersá di un tópiko ku abo a prepará. Papia di un tópiko ku e persona ku nos ta papia kuné ta interesá den dje. Puntra bo mes:
‘Kiko ta den notisia últimamente?’
‘Tokante kiko mi bisiñanan, mi koleganan di trabou òf mi kompañeronan di skol ta papia?’
4. Sea un bon opservadó. Puntra bo mes:
‘Kiko e persona ta hasiendo? Riba kiko e ta pensa?’
‘Kiko e persona su paña, aparensia òf kas ta bisa mi di su kreensianan òf kultura?’
‘Aworakí ta un bon momento pa papia ku e persona?’
5. Sea un bon skuchadó.
No papia hopi.
Animá e persona pa ekspresá su mes. Si ta posibel, hasi pregunta.