Sea Franko

Loke Hesus A Hasi

VIDIO: Hesus A Konsehá un Gobernante Hóben i Riku

1. Wak e VIDIO òf lesa Marko 10:​17-22. Despues, analisá e siguiente preguntanan:

1. Menshoná algun bon kualidat ku Hesus a mira den e gobernante hóben.

2. Dikon Hesus mester tabata franko i dikon e mester tabatin amor pa konsehá e hóben?

Kiko Nos Por Siña for di Hesus?

2. Fuera di mustra amor na nos studiantenan, nos mester ta franko tambe ku nan pa nos por yuda nan hala mas serka Yehova.

Imitá Hesus

3. Yuda bo studiante pone meta i yud’é alkansá su metanan.

1. Usa e kuadro “Meta” ku tin den kada lès di e buki Bo Por Disfrutá di Bida pa Semper!

2. Yuda bo studiante komprondé ku ta bon pa pone meta. E por pone meta chikitu ku e ke logra den poko tempu i meta grandi ku lo dura un poko mas tempu pa e logra.

3. Regularmente, elogiá bo studiante pa kualke progreso ku e hasi.

4. Purba di saka afó kiko ta stroba bo studiante di progresá, i yud’é vense e opstákulonan ei.

1. Puntra bo mes:

   • ‘Kiko por ta strobando mi studiante di progresá i batisá?’

   • ‘Kiko mi por hasi pa yud’é?’

2. Pidi Yehova duna bo kurashi pa papia ku bo studiante tokante e kosnan ku e tin ku hasi pa e progresá. Pidi Yehova yuda bo pa bo papia na un manera kariñoso pero franko.

5. Stòp di studia ku un persona ku no ta hasi progreso.

1. Hasi bo mes e siguiente preguntanan pa saka afó si bo studiante di Beibel ta progresando òf nò:

   • ‘Mi studiante ta aplikando loke e ta siña?’

   • ‘E ta asistí na e reunionnan di kongregashon i papia tokante e bèrdat ku otro hende?’

   • ‘Despues di studia pa algun tempu, e ta ekspresá deseo pa bira un Testigu di Yehova?’

2. Si un studiante di Beibel no ke progresá:

   • Pidié pa pensa riba e kosnan ku kisas ta strob’é di progresá.

   • Splik’é na un manera kariñoso dikon bo a disidí di stòp e estudio di Beibel.

   • Laga bo studiante sa loke e tin ku hasi si e ke kuminsá studia atrobe.